Заев до Кумановци: Гледајте го утрешниот дуел со Мицкоски зашто ќе биде транспарентен

Договорот со Грција е совршен пример, модел како може да се разграничат идентитетски прашања и неговата имплементација веќе ги носи првите резултати. 

Сите ја чувствуваме рефлексијата. Веќе никој не го оспорува индетитетот на Македонцитте и останатите заедници во државата. Имаме држава признаена од сите, рече премиерот Зоран Заев на денешната трибина во Куманово – „Фер општество-шанса за сите".

Земјава, според Заев, е пример за останатите, како преку договор и дијалог се решаваат крупни, сложени проблеми. Создаде модел со кој се зајакнуваат добрососедските односи. Но, опозицијата не помогна во најкрупните одлуки за државата.

– Оваа дипломатија е заради граѓаните, за дома, за идните генерации, да има живот во нашата земја, а Кумановци знаат колку е важно да бидеме интегрирани во НАТО, да бидеме трајно стабилни и безбедни. Куманово знае и од историјата и од поново време колку е важен мирот. Дел сме од најголемиот безбедносен сојуз на светот, ќе бидеме треиесета земја членка на НАТО, истакна премиерот. 

Тој изрази надеж дека до крајот на годинава или во почетокот на наредната државата ќе го добие полноправното членство во НАТО, додавајќи дека земјата е пример во светот, како низ дијалог се гради пријателство и се обезбедуваат перспективи за сегашните и идните генерации.

-Северна Македонија нема отворени прашања со соседите. Пристигнуваат и првите економски резултати шест месеци по потпишувањето на Договорот. Срушени се рекордите на странските инвестиции. Минатата  2018 година ја завршивме со 624, 5 милиони странски инвестиции што е четири пати поголема сума во споредба со 2017-та. Расте и бруто домашниот производ. Очекуваме во првиот квартал од 2019-та да го пробиеме психолошкиот плафон од четири проценти, да имаме раст, потенцира Заев.

Оцени и дека расте индустријата, дека е намалена невработеноста.

-За една година се вработиле 26.600 граѓани. Ова е доказ дека земјата се движи во правилна насока. Ве уверувам дека со тој тренд ќе ги поминеме и петте проценти БДП, ќе растат платите, 2018-та ја завршивме со шест проценти повисока просечна плата, посочи премиерот и ги повика сите да работат заедно, Владата, општината, приватниот сектор, за да се обезбеди поквалитетен живот.

Се осврна и на инфраструктурата, на изградбата на железничката пруга кон Бугарија, како и на проблемот со стечајците, нагласувајќи дека е решен. Од први јули, дополни, стартува моделот за повраток на ДДВ на граѓаните, а годинава има и 47 проценти повеќе пари за бизнисите. 

–Државата е финансиска стабилна. Определени се 50 милиони евра за помош на општините. За локални патишта се договорени 70 милиони евра, а Куманово ќе добие значителни средства бидејќи е најголема општина во државата, рече Заев и посочи повеќе локални проекти, за водоснабдување од Липковско кон Куманово, водомери, реконструкција на водоснабдителен систем, канализација во Тромеѓа, пречистителна станица во Липково, засебен систем за водоснабдување на тој регион, изградба на спортски сали, реконструкција на градската спортска сала, отворање градинки,…

Според премиерот, ќе продолжи поддршката за индустриската зона во Куманово за која се веќе одвоени средства што е значајно за инвеститорите.

Вицепремиерот иминистер за внатрешни работи, Оливер Спасовски кој присуствуваше на трибината рече дека со низа мерки и стратегии државата се бори против криминалот и корупцијата. Преземени се активности, реформи во безбедноста, во следењето на комунакциите, за спречување корупција,..

-Ќе се обезбеди систем кој ќе ги штити и државата и граѓаните. Создадовме сериозна агенда, суштински реформи, систем кој ќе гарантира заштита на човековите права, рече Спасовски.

Заев и Спасовски одговараа на прашања на граѓаните, меѓу кои и за безбедност на децата-жртви на сексуално насилство. Спасовски рече дека ќе се анализира оваа тема, можно е да се формира детски омбудсман и да се развие стратегија со повеќе вклучени институции.

Заев најави воспоставување одржлив здравствен систем. 

Во однос на утрешниот ТВ дуел со лидерот на опозицијата Мицкоски, повика Кумановци да го следат зашто, како што рече, ќе биде транспарентен. 

Ердоган се закани: Доколку има американски санкции, исто ќе одговориме

Турскиот претседател Реџеп Таип Ердоган денеска изјави дека не очекува санкции од САД поради набавката на руските ракетни системи, но ако тоа се случи ќе знае да одговори со санкции .

Ердоган говореше на прес конференција пред странските медиуми во Истанбул . Тој рече дека набавката на рускиот ракетен систем С-400 е договорена и дека САД треба внимателно да размислат дали да и наметнат санкции на Турција како членка на НАТО.

,,Ова го зборувам мн огу отворено и искрено. Нашите односи со претседателот Трамп се на ниво кое може да го наречам навистина добри. Во случај на проблеми веднаш ги решаваме телефонски. “ , рече Ердоган.

Борисов: Македонците треба уште да зреат за датум за преговори

Остри тонови од бугарскиот премиер Бојко Борисов кон Македонија на денешниот самит во Брисел..

Македонците треба уште да созреат за да добијат датум за почеток на преговори за пристапување кон ЕУ, оцени Борисов, прашан за коментар по последните недоразбирања околу Гоце Делчев..

,,Немојте да ме разберете погрешно, но додека се спори дали Гоце Делчев е Бугарин или Македонец – такви ситни приказни за некои херои кои очигледно биле и за Бугарија и за Македонија, за родниот крај, а нашите најдобри песни се поврзани со нив .И опозицијата постојано ме прашува што прави комисијата... Нека зреат. Jас тоа не можам да го дозволам – Бугарија направи се и тие беа издигнати до небо. Сега тие мора да направат компромис во Комисијата и со антибугарската реторика, изјави бугарскиот премиер во Брисел. .

Избраните националните зелени бизнис идеи за учество на регионален натпревар

Challenger-Мобилна апликација што ги наградува сите еколошки одговорни корисници", „Ракатрак- Природен едукациски центар за деца за животни вештини", и „Производство на био- смарт ориз" се победници на натпреварот за зелени бизнис идеи.

Тие заедно со националните победници од Албанија, Босна и Херцеговина, Грција, Косово, Србија и Црна Гора ќе се натпреваруваат за поддршка од 10 000 долари.

За националните победници АРНО и годинава обезбеди поддршка од партнерите првопласираната македонска идеја-апликацијата Challenger е наградена од Фондот за иновации и технолошки развој со ваучер за патување на промотивен настан во странство. Дополнително, сите три победнички идеи  добија вредносни ваучери за консултантски услуги од Асоцијацијата за менаџмент и консалтинг „МКА2000".

Се натпреваруваа вкупно 12 зелеи идеи. Финалистите се претставија со идеи за зелени бизниси кои имаат економска логика, позитивно влијание врз природата и заедницата, и во себе носат елемент на иновација.

Покрај победничките идеи, во конкуренција беа и идеите: Treebanks-платформа за онлајн купување на сместување преку која со секоја трансакција се поддржува садење на едно дрво, Едукативни еко играчки, Анаеробен модуларен дигестер, Паметна кутија за апчиња направена од рециклирани материјали, Органски кремови од лешник со еко восочна обвивка, Тури со електронски велосипеди, Скулптури од отпад, Ma Belle – Еко ресторан со редовен ангажман на бабички кои подготвуваат традиционална храна и Puzzle Green Events -маркетинг агенција за организирање на „зелени" настани.

-Оваа година на натпреварот пристигнаа 38 апликации за зелени бизнис идеи. Се радуваме што од година во година интересот расте. Нашата улога во натпреварот е да инспирираме што повеќе граѓани да размислуваат за зелена економија и да обезбедиме слух и поддршка за овие мали, значајни бизниси. Годинава, се радуваме што составот на жири комисијата е проширен со нови претставници од  донаторски агенции, ФИТР, Стопанската комора на Северо-Западна Македонија и очекуваме дека после пет години искуство во организација на овој натпревар, патот за развојот на зелената економија е трасиран и имаме визија за иднината која заедно ја градиме, изјави Ирина Јаневска од АРНО , координатор на проектот.

Бранислав Марковски од ФИТР вели дека мотото на Фондот е дека иновациите се применливи насекаде и дека  тоа се потврдува и преку сите овие интересни предлог проекти што беа дел од овој натпревар.

Истакна дека ФИТР ќе продолжи да поддржува проекти со "зелена компонента" што се социјално одговорни и имаат позитивен придонес за општеството.

притисни ентер