Потресни сведоштва на жени: Ги купуваат, а потоа ги силуваат додека не забременат

Властите во Бурма и Кина замижуваат на трговијата со жени од народот Качин во Мјанмар, кои се пренесуваат преку граница, ги продаваат на мажите во Кина, каде постојано ги силуваат додека не останат бремени, пишува „Гардијан“.

На некои жени им е дозволено да се вратат дома откако ќе родат деца, но се присилени да ги остават децата, според извештаите на „Хјуман Рајтс Воч“ (HRW).

„Родив дете, а после една година Кинезот ми даде избор. Добив дозвола да одам дома, но без бебето“ – изјавила една од жените кои се продадени.

Во Кина бројот на жени е драстично опаднат од 1987 година, истражувачите наведуваат дека факторите како абортусот во зависност од полот на детето, инфантицидот и занемарувањето на новородените девојчиња значи дека во Кина има 30 до 40 милиони “исчезнати“ жени, кои денеска би требало да бидат живи, а не се.

Оттука многумина мажи денес не можат да најдат жени, па ги купуваат од околните сиромашни земји.

Жените од народот Качин од Мјанмар, ги криумчарат нивните семејства и роднини, пријатели и други луѓе на кои тие им веруваат. Често им се нуди работа во Кина, а дури откако ќе ја преминат границата сфаќаат дека се продадени како сексуални робови.

„Мене ме убеди мојата тетка“ – изјавила една жена која била продадена кога имала 17 години. HRW во периодот од три години разговарал со околу 40 жртви кои успеале да побегнат или им било дозволено да заминат без децата.

Владата на Мјанмар во 2017 година забележала 226 вакви случаи, но експертите сметаат дека таа бројка е далеку поголема.

Жените кои ги продаваат во Кина не само што не добиваат поддршка како жртви, туку заминуваат и во затвор поради кршењето на миграциските закони.

Во извештајот на HRW се наведува дека мјанмарските власти во неколку наврати ги уапсиле само оние кои во Мјамнар ги продавале жените, додека кинеската полиција не привела никого од оние кои ги купувале “невестите“ и ги злоставувале.

Лансирана ракета со 24 сателити , што во вселената носи и пепел на покојници (ВИДЕО)

Американската компанија SpaceX денеска ја лансираше во вселената својата најгоелма ракета ,,Фалкон Хеви” опремена со вселенски атомски часовник и соларно јадро.

Ракетата во вселената понесе 24 сателити , како и капсула со пепел на 150 покојни луѓе. Ова е прв ваков лет на компанијата на милијардерот Илон Маск , како дел од мисијата на Министерството за одбрана на САД. Еден од сателитиите што ги носи ,,Фалкон Хеви” на себе го има атомскиот часовник на НАСА ,,Deep Space” , што би требало да го смени начинот на навигација низ вселената.

Леталото носи и капсула во која има пепел од 150 покојници , чии семејства сакале тие да почиваат во вселената.  

Според Маск , ова било нивното најтешко лансирање. Вели дека сателитите требало да бидат поставени во три различни орбити и биле потребни неколку часа за да ги ослободат. Прв пат ракетата Фалкон Хеви е лансирана во февруари 2018 година.

Кучето Фрида , симбол на спасот на Мексико , замина во пензија (ВИДЕО)

Кучето Фрида , женка на лабрадор ритривер отиде во пензија од спасувачката служба на Мексико , а стана светски популарна по извлекувањето преживеани во земјотресот во 2017.

На посебна свеченост во чест на Фрида , воената морнарица на Мексико и подари посебна играчка , за да и бидат интересни пензионерските денови. Фрида годинава ќе наполни десет години полноправно членство во мексиканската спасувачка служба и има наполнето 70 човечки години.

Таа стана симбол на андежта на Мексиканците , откако вадеше преживеани по земјотресот на 19 септември 2017 година , кога загинаа над 300 лица. Таа за време на акцијата најде 12 преживеани под урнатините , како и 41 тело на загинати.

Учествуваше и во меѓународни мисии по земјотресите на Хаити и во Еквадор .

Поранешниот американски државен секретар си купи милионска вила од бејзбол ѕвезда (ФОТО

Поранешниот американски државен секретар Рекс Тилерсон купи луксузна вила од бејзбол ѕвездата Вернон Велс.

Според документацијата до која дошле американските медиуми ,67 годишниот Тилерсон и неговата сопруга Ронда ја купиле куќата на почетокот на месецов.

Тилерсон , пред да биде државен секретар на САД во 2018 , ја извршуваше функцијата директор на нафтената компанија Ексон. Куќата се наоќа во Вестлејк , во Тексас.

Куќата е продадена за 8,5 милиони долари , што е рекордна сума во областа Вестлејк , каде до сега рекордот го држаше куќа продадена во 2017 за 5,25 милиони долари.

Куќата на Тилерсон се наоѓа во затворената заедница за супербогати, Вакеро Клуб. Била иградена по мерка на бејзбол ѕвездата во 2010 и има површина од 1 500 квадратни метри.

Освен сите потреби , во куќата има и подземна пештера со базен. надвор има уште еден , бесконечен базен со бар до кој се плива и шечка за правење пици.

притисни ентер