Македонската фудбалска репрезентација со триумф над Летонија ги отвори квалификациите за ЕП 2020

Македонската фудбалска репрезентација со сигурна победа над Летонија од 3-1 на Арената Филип Втори ги започна натпреварите во квалификацискиот циклус за пласман на Европското првенство во 2020.

Црвено жолтите со победата над Летонија од 3-1 со двата гола на Елмас во 30 и 90 минута  и погодокот на Алиоски во 12 минута  ги оправдаа очекувањата и потврдија дека во новиот циклус квалификации влегуваат со амбиции за висок пласман во конкуренција на фаворитите Австрија и Полска и селекциите на Словенија , Израел и синоќашниот противник Летонија.

Вчерашниот стартен меч во квалификациите за ЕП во 2020 беше јубилејниот 100-ти натпревар на капитенот Горан Пандев во дресот на најдобрата селекција на Македонија.

Избраниците на Игор Ангеловски немаат многу време за славење бидејќи веќе во недела  ги очекува нов квалификациски предизвик  гостување кај незгодата Словенија.

На пресконференцијата по средбата со Летонија, селекторот Ангеловски задоволен од резулатот истакна: 

„Среќни сме што победивме, на убав начин му го честитавме јубилејот на Горан Пандев. Токму фудбалерите му честитаа на најдобар можен начин. Елиф Елмас беше одличен, со два гола му честиташе на батко Горан. Тоа што го најавивме и го остваривме, освоивме три бода. Мислам дека е сосема заслужено. Моравме и порано да го решиме натпреварот, но на крајот се добро се заврши. Нема еуфорија, одиме понатаму, не очекува нов меч, против Словенија во Љубљана. Ги повикувам сите наши иселеници да дојдат и да не бодрат, а ние ќе возвратиме со беспоштедна борба“, порача селекторот Ангеловски.

Македонските каратисти од Европското првенство во традиционално карате се вратија со 8 медали

Макадонските каратисти на Европското првенство во традиционално карате во Питешти , Романија освоија 8 медали од кои 3 златни, 2 сребрени и 3 бронзени.

Македонската репрезентација во традиционално карате на ЕП во Питешти, Романија имаше одличен настап освојуваќи вкупно 8 медали 3 златни, 2 сребрени и 3 бронзени медали.

Златните медали ги освоија Дејан Недев и Јадранка Недеви во кати за сениори, Мила Саздова во кого кумите, сребрени медали освоија Матеј Ангеловски во кого кумите и Мила Саздова во фукуго.

Бронзени медали освоија Ристо Сакалиев во кумите за ветерани и Антонија Белазелкоска во кати и фукуго во кадетска конкуренција. Европското Првенство го отвори Министерот за спорт и млади на Романија Богдан Матеи, а првенството  беше организирано на Универзитетот Питешти на највисоко ниво.

На ЕП учествуваа 387 натпреварувачи од 24 земји , соопшти Македонската карате федерација.

Македонија како лидер во групата оди на ЕП

Македонија со победа над Грција го заврши квалификацискиот циклус за ЕП 2020.

Вчеравечер  во Струмица, Македонија славеше победа од 27-23 (13-11) и воедно го освои првото место во групата што носи привилегиран статус во ждрепката.

Грција благодарение на трите одбрани на нивниот голман од почетокот на натпреварот по десет минути водеа 6-3 потоа 7-4. Грција имаше водство 20-тина минути од натпреварот,  Македонија беше блиску но не успеваше да израмни. Но, во 23 минута стигнавме до 9-9, во 26 минута го имавме и првото водство на натпреварот за на полувреме Македонија да има предност 13-11,

Во вториот дел имаше репрезентацијата на Македонија имаше целосна контрола и резултатска предност која на моменти изнесеуваше и пет гола.

Грција не успеа во ниту еден момент да го загрози водството на Македонија, а во финишот дури и остави простор за атракции на македонската селекција. Конечен резултат на натпреварот е 27-23 за Македонија.

Најефикасен ракометар во македонската репрезентација беше капитенот Кирил Лазаров со шест погодоци, потоа Филип Талески и Жарко Пешевски постигнаа по пет гола, додека за репрезентацијата на Грција најефикасен беше Димитриос Цирас со шест гола.

Нашите ракометари со четири победи и по еден пораз и реми ја завршија квалификациската група, Македонија ќе биде во вториот шешир на ждрепката и своите противници за ЕП 2020 година ќе ги дознае на 27 јуни.

На Нејмар му е блокиран имотот поради неплаќање данок

На ѕвездата на феранцуски ПСЖ му е блокиран имотот поради неплатен данок.

Судот во Шпанија му блокирал на Нејмар 36 недвижности , кои се водат на негово , на име на членови на неговото семејство и на неговите фирми. Со овој потег шпанските власти сакаат да се обезбедат дека Бразилецот ќе го плати данокот , особено за периодот кога од Сантос преминувал во Барселона.

Каталонскиот клуб плати речиси 40 милиони евра на компанијата која се води на име на таткото на Нејмар.

Власттие сметаат дека тие пари требало лично да му бидат префрлени на фудбалерот и на нив да плати 27,5 % данок , додека со ваквата трансакција платил само 17% , зашто парите биле уплатени во компанија , а не на физичко лице.

притисни ентер