Антикорупциска ќе проверува судир на интереси на директорката за супервизија во НБРМ

Антикорупциската комисија најавува проверка на сомнежите за судир на интереси во случајот на директорката за супервизија во Народната банка со нејзиниот сопруг, директор во една од големите банки.

Има ли судир на интереси во случајот со директорката на супервизија во НБРСМ Милица Арнаудова Стојановска чиј сопруг Тони Стојановски е вработен како генерален директор во една од големите банки? До Антикорупциската комисија пријава била испратена уште од поодамна но не била разгледана. Сега од новиот состав на антикорупционери велат дека може да се постапи и по допрен глас.

,,Со оглед на тоа што се работи за стара пријава неизвесно е кога ќе се разгледа повторно поради големиот број пријави. Но доколу се работи за актуелен случај од интерес за јавноста Антикорупциската комисија и без повторно поднесена пријава ќе постапи по допрен глас.

Откако вчера гувернерката на НБРМ Анита Ангеловска Бежовска одби да одговори на новинарско прашање за случајот, денеска оттаму велат дека Арнаудова Стојановска имала обврска да го штити интересот на Народна банка, што досега и го правела тоа.

Генералниот директор на Секторот за супервизија, банкарска регулатива и финансиска стабилност, Милица Арнаудова-Стојановска, која на оваа функција е веќе девет години, во извршувањето на своите задачи и должности, целосно ја почитува споменатата законска обврска и има постапено согласно посочениот член од Етичкиот кодекс. Согласно тоа, таа не учествува во супервизорските активности поврзани со таа деловна банка, ниту пак на било каков начин може да влијае на одлуките кои согласно со Законот за Народната банка ги носи гувернерот.

Дел од обврските на Арнаудова Стојановска е да изврши контрола во финансиското работење на  банките. Во јавноста веќе се појави документ кој покажува дека таа постапувала во случај кој се однесува на банката во која работи нејзиниот сопруг.

Заврши кампањата, од полноќ изборен молк

Заврши кампњата пред првиот круг од претседтаелските избори, а од полноќ почнува изборниот молк пред гласањето во недела..

Последниот митинг Гордана Сиљановска Давкова  го одржа во Штип, а Стево Пендаровски во Охрид.. И на последните митинзи во фокусот на кандидатите беше Преспанскиот договор и Евроатланските интеграции.

На вечерашните митинзи своите последни пораки пред гласањето ги упатија и  партиските лидери Зоран Заев и Христијан Мицкоски.

Вучиќ: Се може, ултиматуми и насилство не

Пред околу 100.000 луѓе, попладнево во Белград се одржа завршниот митинг од кампањата „Иднината на Србија“, што го организираше српскиот претседател Александар Вучиќ.

Порача дека е подготвен на дијалог со опозицијата, но нема да прифати ултиматуми.

Српската опозиција со протестите „1 од 5 милиони“ од јануари бара оставка од Вучиќ, а на минатонеделниот протест биле собрани околу 30.000 граѓани кои бараат слободни медиуми, дијалог и слободни избори.

На школски едреник на црногорската морнарица, најдени 50 килограми кокаин

На бродот , за кој Хрватска вели дека е нивен и останал во Црна Гора по ремонтот во 1990 , денеска се најдени 50  килограми кокаин.

На школскиот едреник ,,Јадран” , со кој плови црногорската морнарица , полицијата најде кокаин. Според оперативните сознанија , полицијата открила дека криминална група има намера да се вози со овој брод.

По извршениот претрес на бродот биле најдени над 50 килограми кокаин. Како можен виновник е еден од подофицерите на бродот , дел од екипажот, кој според црногорските медиуми, ќе биде уапсен.

притисни ентер