Опозицискиот ,,Сојуз за Србија“ тргна да го ,,руши“ Вучиќ

Од левичари, преку социјалдемократи до десничари, 10-ина партии здружени во опозицискиот блок Сојуз за Србија, тројца истакнати лидери со различна идеолошка ориентација, но со иста цел – да се собори Александар Вучиќ. 

Меѓу нив, и човекот, кој од пред два дена се профилираше во лидер на антивладините протести. Бошко Обрадовиќ, 42-годишник, со скромен политички багаж, кој преку десничарското движење Двери, во последниве неколку години успева да се промовира како еден од најактивните српски националисти, евроскептици и антиглобалисти. Вниманието го привлекува пред две години со контроверзниот говор во Собранието против ЛГБТ популацијата.

-Цветаат геј барови, цветаат паради по цела Србија, имате се, влеговте во законите. Имате геј премиер, луѓе! Што сакате повеќе од овој народ? Зарем треба сите да ви го свртиме задникот? , зборуваше Бошко Обрадовиќ во 2017 година.

Три месеци беше дел од протестот „Еден од пет милиона“, но ретко се фаќаше за микрофонот поради префиксот граѓански демонстрации, се до упадот во РТС. Станува пратеник во 2016-та, кога по два неуспешни обиди, со движењето Двери освојува седум пратеника. Беше посочуван за низа физички пресметки, како оној, кога со маус го нападна претседателот на административниот собраниски одбор, кој му изрече парична казна.

-Зарем не гледате дека три пратеници се јавија за збор. Што глумиш? , велеше Обрадовиќ.

Синоќа српскиот претседател Вучиќ во интервју на Пинк уште еднаш порача дека нема намера да седне на иста маса со никој од водачите на протестите.

-Како да прифатам Бошко Обрадовиќ да го нарекувам поинаку, освен фашистички ллидер, кога тоа е. Тој е кум на Ѓилас. Се се тепачишта, но најмногу сакаат жени да тепаат, изјави Александар Вучиќ, претседател на Србија

Покрај Обрадовиќ, лидерската тројка ја заокружуваат и поранешниот шеф на дипломатијата и претседател на генералното Собрание на Обединетите Нации, Вук Јеремиќ и екс градоначалникот на Белград, Драган Ѓилас, бизнисмен и поранешен потпретседател на Демократската партија. На протестите во претходните два дена се уапсени 18 лица, од кои шестмина се експресно осудени на затворска казна од 30 дена.

Полета најдолгиот авион на светот – Историски лет на Боинг 777X (ВИДЕО)

Boeing Co го започна денеска пробниот лет на 777X, најголемиот светски двомоторен авион, во време кога американскиот производител , кој е сериозно погоден од кризата со 737 MAX, ја засилува борбата против европскиот конкурент „Ербас“.

777X, поголема, поефикасна верзија на успешниот мини-џамбо Боинг 777, полета од  комерцијалната база во близина на Сиетл во 10:09 часот по локално време, бидејќи силните ветришта ја принудија компанијата двапати оваа недела да го одложи пробниот лет.

Директорите на „Боинг“ најавија дека летот ќе трае помеѓу 3 и 5 часа и дека тестирањето и сертификацијата ќе бидат потребни неколку месеци пред да започне со работа во Емиратите во 2021 година.

Боинг претходно објави дека неговиот најголем двомоторен авион, дизајниран за просечно 406 лица, ќе полета за прв пат на почетокот на 2020 година, при што првата испорака се очекува во 2021 година. Првично, првата испорака беше закажана за средината на 2020 година, што не е можно поради проблеми во изведбата.

Овој авион, долг 77 метри е значително поголем од неговите претходници 777-300ER и Ербас А340-600. Дури и малку подолг од претходниот рекордер 747-8, најновата верзија на авионот Queen of the Skies.

Поради својата должина, авионот е дизајниран да прими меѓу 400 и 425 патници, во двете класи. Бројот на места ќе варира во зависност од барањата на одредени авиокомпании.

Најдолгиот патнички авион на светот, „Боинг 777X“, беше официјално откриен минатиот март од Управниот одбор на „Боинг“ во главниот производствен капацитет на компанијата во Еверет, Вашингтон.

777X првично требаше да го изврши првиот тест лет минатото лето, но беше одложен до 2020 година, поради проблеми со моторите GE9X произведени од General Electric. Проблеми се појавија и во септември минатата година за време на последниот тест на оптоварување кога експлодира вратата на авионот.

Конечните тестови ги надгледуваат инспекторите на Федералната управа за авијација (ФАА) како дел од процесот на сертификација на авионите.

Седум кинески државјани се пренесени во болница во Москва , под сомнение од коронавирус

Седум кинески државјани биле пренесени од хотел во северна Москва во болницата за заразни болести под сомнение за акутна вирусна респираторна болест.

Претставник на брзата помош на руската престолнина изјави за Спутник.

„Седум кинески државјани се префрлени од хотелот„ Арт Војковска “во болница за заразни болести“, рече тој, додавајќи:„Тестовите се во тек и медицинскиот персонал чека резултати од прегледот“.

Експлодира цистерна среде населба во Перу , најмалку 13 загинати (ВИДЕО)

Во експлозија на камион кој пренесувал бензин до Лима загинаа 13 лица, соопшти денеска перуанското Министерство за здравство.

„Новиот број на жртви е 13 мртви“, изјави денеска портпаролката на Министерството, Моника Месан, додавајќи дека меѓу загинатите има и  пет деца.

Експлозијата на цисртерната се случи во четвртокот во предградието на главниот град на Перу, каде што  живеат околу 500.000 луѓе.

Несреќата се случила наутро додека луѓето оделе на работа. Причината била истекување на една цевка од камионот. Вкупно 13 пожарникари го гаснеле пожарот што избувна по експлозијата.

притисни ентер