Убиецот од Нов Зеланд им се одмаздил на исламистите за убиството на 11 годишно девојче во Стокхолм

Масовниот убиец во џамиите во Нов Зеланд , кој уби 49 муслимани . бил опседнат од патувања , од историјата на Балканот и од теретани.

Австралијанецот Брентон Тарант (28) , кој го изврши терористичкиот напад во двете џамии на Нов Зеланд се одмаздувал за терористичкиот напад во Стокхолм во 2017 и убиството на 11 годишното девојче Иби Акерлунд. На неа во Стокхолм со камион налета Узбекистанец и уби уште три лица. Тарант вели дека девојчето само се враќало од училиште и не заслужува да биде жртва.

Инаку тој објавил манифест на 74 страници , во кој ги објаснува причините за нападот. Австралијанецот ги споменува Србите , Балканот и Косово , а доказ за неговата приврзаност е и оружјето и кутијата за муниција , каде имало написи на кирилица и на српски јазик.

Тој ги напишал српските историски и епски ликови на кирилица цар Лазар , МИлош Обилиќ и други. Од манифестот се заклучува дека тој бил опседнат со надмоќноста на белата раса над другите , а особено над муслиманите. Бил инспириран од делата на Норвежанецот Андерс Брејвик, кој во 2011 изврши масакр и уби 77 млади лица , најмногу Норвежани.

На социјалните мрежи тој објави и како тргнува во напад на џамиите и тоа со српската песна ,, Од Бихаќ до Петровец” , во која се споменува Радован Караџиќ.

Тарант го минал детствоото во местото Графтон во Нов Јужен Велс во Австралија. Татко му бил професионален спортист со учество на 75 триатлони , а починал од рак во 2010 година на 49 годишна возраст. Мајка му живее во истото гратче.

Тој од 2009 работи како фитнес тренер , но дал отказ за да патува по светот. На патувањата бил низ Европа , југоисточна и источна Азија , како и во Северна Кореја.

Кардиналот , осуден за педофилија може да излезе од затвор

Во среда се очекува судска одлука по жалбата на австралискиот кардинал Џорџ Пел , највисок претставник на Католичката црква , осуден и затворен поради педофилија.

На кардиналот Џорџ Пел му беше досудена казна затвор од шест години , но во среда е можно да биде ослободен. Апелацискиот суд во Мелбурн на 21 . август ќе ја донесе одлуката и зависно од неа , Пел би можел веднаш да излезе на слобода , а неговиот случај да биде пратен на повтона постапка, а во случај да биде одбиен , кардиналот да се врати во затвор.

Некогашниот близок советник на папата Франциск беше осуден во март годинава поради сексуално злоставување на двајца тринаесетгодишници , кои во деведесеттите години на минатиот век пееле во црковниот хор. Кардиналот тврди дека е невин.

Во јуни , тројца судии на Апелациониот суд во Мелбурн на дводневно рочиште ја разгледуваа жалбата на кардиналот. На крајот на рочиштето , судиите се повикаа на своето право да ја донесат одлуката подоцна.

По ова рочиште Пел беше вратен назад во затворот , каде во самица го дочека својот 78. роденден. Поранешниот надбискуп на Мелбурн и Сиднеј смета дека првостепената судска одлука е ,,неразумна” и дека се базира на сведочењето на само една од двете жртви.

Втората жртва починала од предозирање во 2014 година и за време на животот никому не кажал за педофилијата.

Судот задутре ќе врши директен пренос од изрекувањето на одлуката на Апелацискиот суд.

ДЗС:Раст од 345 проценти на договорената работа на градежниците во странство

Вкупната вредност на договорените градежни работи во странство во првата половина од годинава изнесува 3.993.844.000 денари.

Тоа е за 345,1  процент повеќе во споредба со истиот период од претходната година, објави денеска Државниот завод за статистика.

Во периодот јануари-јуни годинава градежната оператива од државава во странство извршила градежни работи во вкупна вредност од 76.725.000  денари, што е за 88,5  проценти помалку во споредба со истиот период од претходната година. Големиот пад на вредноста на извршените градежни работи се должи на завршувањето на градежните активности на објектите во Босна и Херцеговина на крајот од минатата година.

Во првата половина од годинава е забележан зголемен обем на извршените градежни работи во  Германија, Црна Гора и Бугарија.

Во Полска трае потрагата по спелеолози, заглавени во пештера (ВИДЕО)

Полските спасувачи стравуваат за животите на двајца спелеолози , кои се заробени во пшештера во полските Татри , откако вода го преплави тунелот и им го препречи излезот.

„Условите во пештерата се тешки. Температурата е околу 4 целзиусови степени. Се плашиме за животот на заробените спелеолози“, рече Јан Кристоф, шеф на ТОПР, полската Служба за спасување во планина.

„Клучното прашање е: дали преживеале? Сè уште не знаеме каде се наоѓаат, а областа што сакаме да ја пребараме е долга околу 30 метри“.

„Чувствуваме дека тие се близу до спасувачите, можеби на 10 метри, но друго прашање е колку време е потребно за да стигнат до нив“, рече Кристоф.

,,Само за да стигнеме до местото каде се заробени, потребни се околу осум часа, па дури и повеќе за да се подготви патеката за евакуација."

Најголемата закана за спелеолозите е хипотермијата. Според четворицата спелеолози кои успеале да излезат од пештерата, двајцата колеги имаат астро фолии , што може да им помогнат да ја задржат телесната топлина.

Спелеолозите се заробени во пештерата Виелка Снијежна уште од саботата.

притисни ентер