Општина Охрид повеќе нема да субвенционира концерти организирани од приватни продукции во шпицот на туристичката сезона

Со таквата одлука прекинува практиката воведена од пред неколку години на приватни компании и продукции да им се даваат поволности при организирањето концерти во денови кога градот и онака е полн со туристи.

 Советот на Општина Охрид на вчерашната седница со 20 гласа го поддржа предлогот на в.д. градоначалникот Константин Георгиески од општинската каса да не се издвојуваат средства за кофинансирање и субвенционирање концерти и забавни содржини во шпицот на туристичката сезона, поточно во периодот од 15 јули до 15 август.

Со таквата одлука прекинува практиката воведена од пред неколку години на приватни компании и продукции да им се даваат поволности при организирањето концерти во денови кога градот и онака е полн со туристи, туку поддршка да се дава на манифестации што во иднина би придонеле за продолжување на сезоната во градот.

Само во 2018 година за организирање концерти и други забавни содржини од градската каса биле издовени околу седум милиони денари.

Приватна продукција што неколку години наназад заедно со Општина Охрид организираше концерти се уште не ги има подмирено сметките за користење на стадионот „Билјанини извори", за што против продукцијата е покрената пријава. Истата продукција од општинскиот „Црвен крст" беше обвинета дека ја избегнува законската обврска дел од средствата остварени од продажбата на билети за концертите да ги уплатат за хуманитарни цели односно на сметката на Црвениот крст. 

Во Полска трае потрагата по спелеолози, заглавени во пештера (ВИДЕО)

Полските спасувачи стравуваат за животите на двајца спелеолози , кои се заробени во пшештера во полските Татри , откако вода го преплави тунелот и им го препречи излезот.

„Условите во пештерата се тешки. Температурата е околу 4 целзиусови степени. Се плашиме за животот на заробените спелеолози“, рече Јан Кристоф, шеф на ТОПР, полската Служба за спасување во планина.

„Клучното прашање е: дали преживеале? Сè уште не знаеме каде се наоѓаат, а областа што сакаме да ја пребараме е долга околу 30 метри“.

„Чувствуваме дека тие се близу до спасувачите, можеби на 10 метри, но друго прашање е колку време е потребно за да стигнат до нив“, рече Кристоф.

,,Само за да стигнеме до местото каде се заробени, потребни се околу осум часа, па дури и повеќе за да се подготви патеката за евакуација."

Најголемата закана за спелеолозите е хипотермијата. Според четворицата спелеолози кои успеале да излезат од пештерата, двајцата колеги имаат астро фолии , што може да им помогнат да ја задржат телесната топлина.

Спелеолозите се заробени во пештерата Виелка Снијежна уште од саботата.

Џонсон ги повикува Меркел и Макрон на нов договор за Брегзит

Британскиот рпемиер Борис Џонсон ги повика денеска Франција и Германија да ги сменат ставовите за Брегзит и да се согласат на преговори за нов договор за заминување на Британија од ЕУ.

Во спротивно , Џонсон најави дека е подготвен Британија да излезе од ЕУ без договор.

„Ќе бидеме подготвени да излеземе на 31 октомври - со или без договор“, рече Џонсон на прес конференцијата  новинарите во Трур, во југо-западниот дел на Англија.

„Нашите пријатели и партнери од другата страна на каналот не се колебаат да се премислат. Во ред е, сигурен сум дека ќе го сторат тоа“, додаде тој.

„Се надевам дека разбираат дека треба да се согласат на компромис“, одговори британскиот премиер на прашањето за неговите претстојни средби со германската канцеларка Ангела Меркел и францускиот претседател Емануел Макрон оваа недела.

Џонсон ќе се сретне со Меркел во среда во Берлин и со Макрон во четврток во Париз.

Вуковиќ: И армијата да се вклучи во отстрелот на диви свињи

Африканската свинска чума е вирусна, болест која не е опасна за човекот но е економски катастрофална за свињарството е се поблиску до нашите граници. 

Дали се преземаат доволно превентивни мерки побаравме мислење од науката која ги следи состојбите и кај нас но и во Србија и Бугарија каде ја има оваа болест.

На оваа тема Игор Манасиевски разговараше со Владо Вуковиќ , професор по свињарство.

притисни ентер