Новата американска политичка ѕвезда се кандидира за претседател (ВИДЕО)

Демократот од Тексас , Бето О`Рурк денеска ја објави кандидатурата за претседателски кандидат на изборите во 2020.

Поранешниот пратеник од западен Тексас , со три мандати , О`Рурк (46) , кандидатурата ја објави преку видео , по што заминува во Ајова , каде ќе се одржат првите предизбори во февруари 2020.

О`Рурк се надева дека успешно ќе му се спротистави на републиканецот Тед Круз , користејќи ја славата од ланските избори. За помалку од три процентни поени изгуби од Круз на ланските избори , што во последните четири децении е најмала разлика постигната во Тексас , каде секогаш убедливо победуваат републиканците.

Иако не победи , тој по изборите излезе како победник и едно од највпечатливите лица на демократите.

Колкава е популарноста на О`Рурк покажува и експресната реакција на американскиот претседател Доналд Трамп , кој се потсмеваше денеска на видеото на кандидатот со зборовите дека одамна не видел некој толку да мафта со рацете. Претходно , Трамп немаше толку долги изјави и анализи за ниеден од новите лица на демократите за кандидати за претседатели.

Од Словенија протерани тројца мажи поради врски со радикалниот исламизам

Тројца мажи по потекло од Босна и Херцеговина, биле протерани од Словенија, поради врски со радикалниот исламизам.

Тие се вратиле во матичната земја, а полицијата од БиХ размислува какви мерки ќе презеде кон нив, пренесе „Хина“.

Се работи за тројца браќа кои живееле и работеле како возачи во Словенија, а биле протерани со објаснување дека претставуваат закана за безбедноста на државата.

Почна акцијата „Општина без смет за поубав свет" во Крива Паланка

Неколку стотици граѓани од различни возрасни групи учествуваа на денешната голема акција за собирање смет „Општина без смет за поубав свет" во Крива Паланка.

Неколку стотици граѓани од различни возрасни групи, од ученици и спортисти, преку извидници и волонтери на Црвениот крст, наставници и професори, административни работници до планинари и пензионери учествуваа на денешната голема акција за собирање смет „Општина без смет за поубав свет" во Крива Паланка.

Акцијата ја организира локалната самоуправа во соработка со граѓански организации и јавното претпријатие „Комуналец".

Градоначалникот Борјанчо Мицевски изрази задоволство од одѕивот на граѓаните и најави дека акцијата ќе се реализира слендите два месеца.

Се чистеше спортскиот терен, јавните површини, дворовите на колективни станбени згради и уредениот и неуреден дел од Домачки дол. Граѓаните ги чистеа и своите дворови и подруми, депонирајќи го непотребниот шут и опасниот електронски и електричен отпад. /МИА

Спречен обид за напад врз фински министер

Финската полиција соопшти дека нејзини припадници спречиле обид за напад на еден „опасен и агресивен маж”  врз министер во Владата на Финска за време на еден предизборен собир.

Агенцијата „Ројтерс“ пренесува дека полицијата не објавила за кој министер станува збор, а фотографот на локалната агенција „Лехтикува“ изјавил дека бил нападнат министерот за надворешни работи, Тимо Соини.

„На основа на првите информации, агресивен и опасен маж се обиде да му пријде на министерот на изборниот собир на локалниот маркет во Корса во Ванта“ – соопштила полицијата.

Полицијата го привела мажот и тој моментално е на распит за да ги објасни причините за нападот на министерот.

На фотографијата која ја објави агенцијата „Лехтикува“ може да се види маж во црна кошула, на која се наоѓа логото „Војници на Один“.

„Војниците на ДОин“ е организација позната по десничарските и антимиграциските ставови.

Портпаролот на Соини одбил да даде коментар, а ниту полицијата не навела дали напаѓачот бил наоружан.

  

притисни ентер