Британските пратеници изгласаа одложување на Брегзитот- не се знае до кога

Со 402 гласа наспрема 202 , британските пратеници изгласаа одложување на излезот на Британија од Европската Унија.

Со тоа на премиерката Тереза Меј и оставија можност наредната недела повторно да се обиде да добие поддрѓка за договорот постигнат за Брегзит со ЕУ. Доколку не се постигне договор до 20 март или ако нема договор на подолго време, се одложува на неодредено излезот на Британија од ЕУ.

Меј на 15 дена пред официјалниот датум за излез од Унијата се закани со долг период , во кој ќе се обиде да ги убеди своите соратијци конечно да го прифатат нејзиниот договор што го постигна со првите луѓе на ЕУ.

Новото гласање најверојатно ќе се одржи следната недела , кога пратениците ќе се изјаснат дали ќе го поддржат овој документ или пак ќе има долго одложување , се до разводнување на темата и конечно спречување на Брегзитот.

Претходно пратениците во текот на денот со мнозинство од 334 наспрема 85 гласа ја отфрлија можноста за распишување нов референдум за Брегзит.

Се подготвува пречек за Тамара на аеродромот Скопје

Македонската претставничка на Евровизија, Тамара Тодевска која со песната „Proud" го освои осмото место и највисокиот пласман на земјава досега на Евровизија, вечерва се враќа од Тел Авив во Скопје.

Таа треба да пристигне на Скопскиот аеродром околу 21:45 часот. Се очекува на аеродромот да ја пречекаат многубројни нејзини обожаватели.

Тамара синоќа на финалната вечер на Евровизија во текот на речиси целото гласање беше на врвот на табелата. По гласањето на стручните жирија заврши на второто место со 237 поени, зад Шведска со 239 бодови, но на крајот по пребројувањето на телевоутингот од публиката се пласираше на осмото место.

Швајцарците на референдум го прифатија новиот закон за оружје

Жителите на Швајцарија денеска на референдум ги одобрија новите антитерористички мерки на Е вропската унија, со гласање на законот за поседување на оружје.

Според проценките 67 проценти од Швајцарците го прифатиле новиот закон за оружје со кои се заоструваат мерките за поседување на оружје.

Власите ги предупредија гласачите дека со одбивање на овој закон земјата може да се доведе во позиција да биде исклучена од европските договори Шенген и Даблин, со кои е поврзана иако не е членка на Унијата.

Се проценува дека околу 2,3 милиони граѓани на Швајцарија поседуваат оружје, што е околу една третина од жителите на земјата.

Новите заострени мерки се однесуваат на полуавтоматските пушки со големи шаржери и на одредени други врсти на пушки.

Заев: Европа треба да возврати и да ја награди нашата земја

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

Северна Македонија за кратко време стана модел, пример како се решаваат дури и најтешките билатерални прашања и затоа Европа треба да возврати и да ја награди нашата земја, истакна премиерот Зоран Заев на средбата со поранешниот претседател на Република Австрија, Хајнц Фишер во Виена.

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

-Истовремено, на средбата беше потврдена поддршката која Република Австрија во континуитет и ја дава на нашата држава на нејзиниот пат кон интеграцијата во Европската Унија. И таа поддршка нема да изостане сe додека Северна Македонија не стане полноправна членка на ЕУ, се истакнува во соопштението.

Премиерот Заев придружуван од  вицепремиерот задолжен за економски прашања, Кочо Анѓушев, министерот за финансии, Драган Тевдовски и министерот за образование и наука, Арбер Адеми, утре ќе присуствуваат на Виенскиот економски форум, Виенски економски разговори – нови перспективи за Република Северна Македонија./МИА

притисни ентер