Саздовски починал од силен удар, одбраната бара второ мислење

ега покојниот починал по силен удар во предел на главата, а не од удари настанати со пад или удар на афалт или кутија.

 Вешто лице од судска медицина денеска во Кривичниот суд во Скопје повеќе од два часа одговараше на прашања од обвинителството и одбраната за вештачењето изработено по реконструкцијата на настанот на убиството на 20-годишниот Никола Саздовски, за кое се обвинети Бесир Беља, Скендер Демири и уште едно лице кое е во бегство.

Вештакот, во својот исказ пред судот, рече дека по направената реконструкција и увидот во списите, остануваат на ставот за начинот и причините на смртта на сега покојниот Саздовски.

– Сега покојниот починал по силен удар во предел на главата, а не од удари настанати со пад или удар на афалт или кутија, со оглед дека на телото не се констатирани никакви повреди од пад на тврда подлога, што е наведено и во претходните вештачења и искази пред овој суд, истакна вештакот.

Во однос на страдањето, вештакот посочи на дел од вештачењето дека врз основа на повредите на сега починатиот, како истегнување на вратниот пршлен, ударите во пределот на главата кои довеле до оштетување на крвните садови под меките ткивни обвивки, тој почувствувал болка од силен интензитет што траела кратко време и со оглед на здобиените повреди тој брзо загубил свест и таа болка траела во многу краток временски период.

– Тој временски период, со оглед на сведочењата на реконструкцијата, се одвивал неколку минути. Притоа што и еден од сведоците кажа дека Саздовски од здобиените удари паднал. Што се однесува на стравот, кај сега покојниот постоел примарен страв, што се манифестира со загриженост за својот живот и што траел до губење на свеста. Од губење на свеста до времето на  самата обдукција според медицинската анализа тој бил во коматозна состојба и одржуван на апарати и не можел да чувствува ниту физички болки, ниту страв, рече вештакот.

Прашан дали овие повреди се директно поврзани со смртта на Саздовски, вештакот рече дека повредите во пределот на главата претставуваат директна причинска последична врска со смртта.

Во однос на тоа дали може да се заклучи дека фатален е ударот со нога во пределот на вратот, додека бил на земја по претходно добиените удари во главата, тој рече дека не може да каже која е фатална повреда за смртта.

– Не може со сигурност да кажеме која од овие три повреди е фатална, со оглед дека се со силен интензитет и во краток временски интервал, што сите кумулативно резултираат со губење на свест и крварење под мекото ткиво на главата, рече вештакот.

Бранителот Насер Рауфи, го праша дали е сигурен дека сега починатиот не удрил во металната кутија, на што вештакот рече дека конкретната кутија претставува тапо тврдо средство, а не сила со која би се нанеле повредите на сега покојниот, туку прашањето е дали тој со движење од претходен удар се здобил со повреда од тој предмет.

– Повторно ќе кажам доколку сега покојниот удрил со глава во метална кутија, па дури и да било по удар со нога, кај него удар од таков остар предмет на неговата кожа не се констатирани. Нема никакви траги кои укажуваат на повреда настаната од удар во таа кутија или асфалтот, истакна вештакот.

Адвокатот Рауфи, на крајот во приговор до судот, наведе дека според него вештакот користи селективни параметри при одредување на временскиот интервал, што во својот исказ на неколку пати вештакот ги посочува.

Рауфи побара и второ мислење од Институтот за судска медицина, но по предлог на обвинителството, судот дозволи вештакот да биде директно испрашан од одбраната со цел дообјаснување на некои деловите од вештачењето.

Случајот го води судијката Даниела Алексовска-Стојановска, и на почетокот дозволи обвинителството и одбраната да предложат доколку имаат дополнителни докази по извршениот увид во списите од реконструкцијата на настанот, со оглед дека се исцрпени сите предложени материјални докази.

Според обвинителниот акт, Беља и Демири заедно со Ј. Љ. (19), кој е во бегство, на 29 јуни минатата година крвнички го претепале Саздовски на автобуската постојка пред фабриката „Алкалоид" на булеварот „Александар Македонски" во Автокоманда.

Од здобиените повреди, Саздовски на 9 јули 2018 година почина на Клиниката за анестезија, реанимација и интензивно лекување – КАРИЛ во Клиничкиот центар „Мајка Тереза".

Двајцата од напаѓачите, Бесир Беља и Скендер Демири, се во притвор во затворот „Скопје" во Шутка, а за третоосомничениот, кој сè уште е недостапен за органите на прогонот, е распишана домашна и меѓународна потерница.

Ердоган се закани: Доколку има американски санкции, исто ќе одговориме

Турскиот претседател Реџеп Таип Ердоган денеска изјави дека не очекува санкции од САД поради набавката на руските ракетни системи, но ако тоа се случи ќе знае да одговори со санкции .

Ердоган говореше на прес конференција пред странските медиуми во Истанбул . Тој рече дека набавката на рускиот ракетен систем С-400 е договорена и дека САД треба внимателно да размислат дали да и наметнат санкции на Турција како членка на НАТО.

,,Ова го зборувам мн огу отворено и искрено. Нашите односи со претседателот Трамп се на ниво кое може да го наречам навистина добри. Во случај на проблеми веднаш ги решаваме телефонски. “ , рече Ердоган.

Борисов: Македонците треба уште да зреат за датум за преговори

Остри тонови од бугарскиот премиер Бојко Борисов кон Македонија на денешниот самит во Брисел..

Македонците треба уште да созреат за да добијат датум за почеток на преговори за пристапување кон ЕУ, оцени Борисов, прашан за коментар по последните недоразбирања околу Гоце Делчев..

,,Немојте да ме разберете погрешно, но додека се спори дали Гоце Делчев е Бугарин или Македонец – такви ситни приказни за некои херои кои очигледно биле и за Бугарија и за Македонија, за родниот крај, а нашите најдобри песни се поврзани со нив .И опозицијата постојано ме прашува што прави комисијата... Нека зреат. Jас тоа не можам да го дозволам – Бугарија направи се и тие беа издигнати до небо. Сега тие мора да направат компромис во Комисијата и со антибугарската реторика, изјави бугарскиот премиер во Брисел. .

Избраните националните зелени бизнис идеи за учество на регионален натпревар

Challenger-Мобилна апликација што ги наградува сите еколошки одговорни корисници", „Ракатрак- Природен едукациски центар за деца за животни вештини", и „Производство на био- смарт ориз" се победници на натпреварот за зелени бизнис идеи.

Тие заедно со националните победници од Албанија, Босна и Херцеговина, Грција, Косово, Србија и Црна Гора ќе се натпреваруваат за поддршка од 10 000 долари.

За националните победници АРНО и годинава обезбеди поддршка од партнерите првопласираната македонска идеја-апликацијата Challenger е наградена од Фондот за иновации и технолошки развој со ваучер за патување на промотивен настан во странство. Дополнително, сите три победнички идеи  добија вредносни ваучери за консултантски услуги од Асоцијацијата за менаџмент и консалтинг „МКА2000".

Се натпреваруваа вкупно 12 зелеи идеи. Финалистите се претставија со идеи за зелени бизниси кои имаат економска логика, позитивно влијание врз природата и заедницата, и во себе носат елемент на иновација.

Покрај победничките идеи, во конкуренција беа и идеите: Treebanks-платформа за онлајн купување на сместување преку која со секоја трансакција се поддржува садење на едно дрво, Едукативни еко играчки, Анаеробен модуларен дигестер, Паметна кутија за апчиња направена од рециклирани материјали, Органски кремови од лешник со еко восочна обвивка, Тури со електронски велосипеди, Скулптури од отпад, Ma Belle – Еко ресторан со редовен ангажман на бабички кои подготвуваат традиционална храна и Puzzle Green Events -маркетинг агенција за организирање на „зелени" настани.

-Оваа година на натпреварот пристигнаа 38 апликации за зелени бизнис идеи. Се радуваме што од година во година интересот расте. Нашата улога во натпреварот е да инспирираме што повеќе граѓани да размислуваат за зелена економија и да обезбедиме слух и поддршка за овие мали, значајни бизниси. Годинава, се радуваме што составот на жири комисијата е проширен со нови претставници од  донаторски агенции, ФИТР, Стопанската комора на Северо-Западна Македонија и очекуваме дека после пет години искуство во организација на овој натпревар, патот за развојот на зелената економија е трасиран и имаме визија за иднината која заедно ја градиме, изјави Ирина Јаневска од АРНО , координатор на проектот.

Бранислав Марковски од ФИТР вели дека мотото на Фондот е дека иновациите се применливи насекаде и дека  тоа се потврдува и преку сите овие интересни предлог проекти што беа дел од овој натпревар.

Истакна дека ФИТР ќе продолжи да поддржува проекти со "зелена компонента" што се социјално одговорни и имаат позитивен придонес за општеството.

притисни ентер