Стејт департмент: Во Македонија има подобрување во работата на судството и слободата на медиумите

Во Македонија има подобрување во работата на судството и слободата на медиумите, но проблемот со широка распространетата корупција останува.

Ова може да е главниот пресек на најновиот извештај за човековите права на американскиот Стејт департмент.

Владата се фали дека се трудела да истражи, обвини и казни полицајци кои направиле службени злоупотреби. Дополнително се наведува дека државата имала  ефективна и добра контрола врз безбедносните служби. За состојбата во затворите пак Стејт департментот оценува дека таа е многу лоша, правилата не секогаш се почитуваат, а условите за овие установи се опишани како недостоинствени за луѓе.

Државните затвори и притвори не успеале да ги имплементираат меѓународните стандарди и во некои случаи, согласно извештајот за превенција од тортура на Советот на Европа од октомври 2017 година, условите би можеле да се опишат како сурови, нехумани и деградирачки.

Во извештајот се наведува дека владата покажала поголема почит кон независноста и непристрасноста на судството во споредба со претходните години, но ограничената независност, политизацијата на судскиот надзорен орган и недоволните финансии се понатамошна пречка за ефикасноста на судовите.  Сепак се заклучува дека генерално се почитува правото за фер судење.

Во извештајот се наведува и дека Владата направила прогрес во почитување на слободата на медиумите и слободата на изразување, иако проблемите како слаба медиумска независност, насилство и заплашување на новинари остануваат. Од СДСМ по објавувањето на извештајот кажаа дека Стеј Департментот ги препознал реформите и прогресот во слободата на медиумите и судството.

ДЗС:Раст од 345 проценти на договорената работа на градежниците во странство

Вкупната вредност на договорените градежни работи во странство во првата половина од годинава изнесува 3.993.844.000 денари.

Тоа е за 345,1  процент повеќе во споредба со истиот период од претходната година, објави денеска Државниот завод за статистика.

Во периодот јануари-јуни годинава градежната оператива од државава во странство извршила градежни работи во вкупна вредност од 76.725.000  денари, што е за 88,5  проценти помалку во споредба со истиот период од претходната година. Големиот пад на вредноста на извршените градежни работи се должи на завршувањето на градежните активности на објектите во Босна и Херцеговина на крајот од минатата година.

Во првата половина од годинава е забележан зголемен обем на извршените градежни работи во  Германија, Црна Гора и Бугарија.

Во Полска трае потрагата по спелеолози, заглавени во пештера (ВИДЕО)

Полските спасувачи стравуваат за животите на двајца спелеолози , кои се заробени во пшештера во полските Татри , откако вода го преплави тунелот и им го препречи излезот.

„Условите во пештерата се тешки. Температурата е околу 4 целзиусови степени. Се плашиме за животот на заробените спелеолози“, рече Јан Кристоф, шеф на ТОПР, полската Служба за спасување во планина.

„Клучното прашање е: дали преживеале? Сè уште не знаеме каде се наоѓаат, а областа што сакаме да ја пребараме е долга околу 30 метри“.

„Чувствуваме дека тие се близу до спасувачите, можеби на 10 метри, но друго прашање е колку време е потребно за да стигнат до нив“, рече Кристоф.

,,Само за да стигнеме до местото каде се заробени, потребни се околу осум часа, па дури и повеќе за да се подготви патеката за евакуација."

Најголемата закана за спелеолозите е хипотермијата. Според четворицата спелеолози кои успеале да излезат од пештерата, двајцата колеги имаат астро фолии , што може да им помогнат да ја задржат телесната топлина.

Спелеолозите се заробени во пештерата Виелка Снијежна уште од саботата.

Џонсон ги повикува Меркел и Макрон на нов договор за Брегзит

Британскиот рпемиер Борис Џонсон ги повика денеска Франција и Германија да ги сменат ставовите за Брегзит и да се согласат на преговори за нов договор за заминување на Британија од ЕУ.

Во спротивно , Џонсон најави дека е подготвен Британија да излезе од ЕУ без договор.

„Ќе бидеме подготвени да излеземе на 31 октомври - со или без договор“, рече Џонсон на прес конференцијата  новинарите во Трур, во југо-западниот дел на Англија.

„Нашите пријатели и партнери од другата страна на каналот не се колебаат да се премислат. Во ред е, сигурен сум дека ќе го сторат тоа“, додаде тој.

„Се надевам дека разбираат дека треба да се согласат на компромис“, одговори британскиот премиер на прашањето за неговите претстојни средби со германската канцеларка Ангела Меркел и францускиот претседател Емануел Макрон оваа недела.

Џонсон ќе се сретне со Меркел во среда во Берлин и со Макрон во четврток во Париз.

притисни ентер