Србија воведува доживотна казна затвор

Србија ќе воведе доживотен затвор со можност за условно пуштање после 25 години, изјави за „Политика“ професорот Станко Бејатовиќ.

„Условното пуштање ќе биде можност, а не обврска. Тоа е меѓународен стандард“, додаде професорот Бејатовиќ, кој е и претседател на Српското здружение за кривичнопоправна теорија и пракса и член на работната група за измени на Кривичниот закон.

Секој осуденик на доживотен затвор ќе може после 25 години поминати зад решетки да напише молба, а судот ќе одлучи дали ќе биде и пуштен на слобода под услов да не го повтори кривичното дело.

Воведувањето доживотен затвор е резултат на потребата од построга казна кога станува збор за извршители на најтешки кривични дела, меѓу кои и убиства на деца.

Промотивна кампања на „Мој ДДВ" во Прилеп

Во рамки на кампањата за промоција на владината мерка „МојДДВ", промотивен штанд за поврат на ДДВ на граѓаните денеска беше поставен во Прилеп, кај супермаркетот „Тинекс" во центарот на градот.

На граѓаните им се делеа флаери и им се објаснуваше постапката за поврат на 15 отсто од платениот ДДВ на износот на фискалните сметки.

Според министерката без ресор задолжена за странски инвестиции Зорица Апостолска, која го посети промотивниот штанд, оваа владина мерка е дел од економските мерки за подобрување на животниот стандард, сузбивање на сивата економија, економскиот пораст и за привлекување домашни и странски инвестиции.

– Оваа владина мерка е една од серијата економски мерки со цел подобрување на економскиот пораст, а како крајна цел е подобрување на животниот стандард на граѓаните. Целта на прокетот „Мој ДДВ" има две основни придобивки: поврат на приходите на граѓаните што всушност би претставувало поврат од една плата плус, а како бенефит може да се смета дека граѓаните ќе се вклучат и ќе придонесат во сузбивањето на сивата економија, односно, во подобрувањето на наплатата на даноците. Со ова, буџетот има зголемен прилив, се зголемува поторшувачката и сето влијае врз економскиот пораст и на животниот стандард на граѓаните. Освен ова, со сузбивањето на сивата економија, со подобрувањето на наплатата на даноците, се создава подобра бизнис клима и подобра конкуренција која, пак, ги охрабрува домашните и странските инвеститори, изјави Апостолска.

Апостолска информира дека заклучно до 17 јули скенирани се околу 3,5 милиони фискални сметки, додавајќи дека околу две милијарди денари промет се направени, од кои повратот на ДДВ се движи околу 30 милиони денари.

Апостолска уверува дека се решени сите детали околу симнувањето на апликацијата, а во подружниците на УЈП има штандови на кои секојдневно им се објаснува на граѓаните.

Затворени два аеродроми поради вулканот Етна

Вулканот Етна почна да исфрла лава и пепел.

Два аеродроми се затворени откако се активираше вулканот Етна во Сицилија,Италија.

На едната страна од вулканот може да се види врела лава во должина од 1,5 км, поради што е евакуирано и населението од тоа подрачје. Облакот од пепел кој е предизвикан од ерупцијата може да се види од  цела источна Сицилија. Видливоста е намелена и поради тоа се затворени два аеродроми во Катанија. Последна голема ерупција на овој вулкан се случила пред 10 години.

Опозицијата со резерви за новиот предлог закон за Јавно обвинителство

Опозицијата се уште го анализира законското решение за спојување на СЈО во јавното обвинителство. 

Од таму велат дека со конкретни забелешки ќе излезат дури откако ќе утврдат колку предлог е поразличен од точките разговарани на средбите со преговарачките тимови. Идејата за спојување на двете обвинителства според нив е начелно прифатлива, но се против предлогот Вилма Рускоска да раководи со новото обвинителство.

Од Јавното обвинителство кажаа дека допрва ќе го контактира лидерот на ВМРО ДПМНЕ за да даде изјава во врска со уцените за кои во неколку наврати повторува дека ги добивал од Катица Јанева за да го поддржи законот за јавното обвинителство а за возврат таа му ветувала дека ќе го одмрзне имотот на партијата ВМРО ДПМНЕ.

Законското решение за новото обвинителство предвидува финансиска независност на обвинителството, со сопствен буџет. Според предлог законот раководителот на обвинителството ќе има можност самостојно да бара меѓународна правна помош, а дополнително предвидени се и гаранции по завршувањето на неговиот мандат. Во однос на функционирањето, во законското решение вградена е и одредба според која првиот човек на обвинителството може да се разреши само со 2/3 мнозинство од советот на обвинители. За обвинителите кои се дел од СЈО пак се предвидува да продолжат да ја вршат својата работа во новото обвинителство.

Сепак, дел од експертите сметаат дека интеграцијата на двете обвинителства нема да се одвива лесно. Според професорот Гордан Калајџиев, одлуки од ваков вид не можат да се донесат во последен момент и не можат да бидат начин за решавање на политички кризи.

Во меѓувреме, шефицата на обвинителството за организиран криминал Вилма Рускоска во интервју за Канал 77 открива детали од истрагата која е во тек за случајот Рекет. Рускоска во интервјуто вели дека се уште не е најден вториот мобилен телефон на Катица Јанева.

Од опозициската ВМРО-ДПМНЕ пак денеска дадоа нова димензија на случајот, обвинувајќи дека луксузни возила на рекетираните бизнисмени завршиле кај блиски луѓе и роднини на лица од власта. Новинарот Геровски пак кој изминатиот период пишуваше за случајот рекет, најави дека во понеделник ќе открие кои се фамозните “Кики” и “Фрики”. 

притисни ентер