СКОПСКО – 95 години креатор на домашната пивска култура

Значаен јубилеј на водечкото пиво на пазарот

Пивара Скопје лансираше нова комуникациска платформа со која започнува одбележувањето на 95- годишнината на носечкиот бренд во своето пивско портфолио. Со неа, СКОПСКО потсетува на својата автентична вредност која ја поседува уште од 1924 година - да биде еден вид специјална нитка која ги поврзува луѓето.

„СКОПСКО поседува особина да им помага на луѓето полесно да ги надминат разликите, да го пронајдат она што ги спојува и да креираат заеднички моменти на среќа и радост. Сметавме дека 95-годишнината е одлична можност одново да го истакнеме ваквиот уникатен карактер на СКОПСКО и неговата моќ да го поттикне заеднитвото и да ги потсети луѓето на најдоброто што го нуди животот“, објаснува Надица Николоска, бренд-менаџерка во Пивара Скопје.

Носечки елемент на новата комуникациска платформа е видео спотот кој на емотивен начин ја пренесува пораката за СКОПСКО како социјално врзивно ткиво кое продолжува да повикува на заедништво. Видео спотот го илустрира СКОПСКО како извор на инспирација на многу генерации, поттикнувач на оптимизмот и креатор на заеднички доживувања што го слават животот. Спотот се снимаше на локации во Скопје и Битола и е во домашна продукција.

„Да се создаде и развие идентитет на производ како СКОПСКО и тој да израсне до ниво на бренд-икона неопходни се обемни и континуирани вложувања во најсовремена технологија, како и големо знаење, вештини, креативност и многу љубов на генерации луѓе во Пивара Скопје кои со децении посветено работат да го одржат високиот и постојан квалитет, уникатен вкус, изглед и свежина на СКОПСКО. Истовремено, одржувањето на лидерската позиција, покрај почитување на трацицијата, се темели и на постојани иновации во согласност со глобалните трендови и вкусовите на потрошувачите. На овој начин СКОПСКО успева да ја одржи високата доверба што ја има кај потрошувачите и во заедницата“, вели Ламбро Патче, менаџер за односи со јавност и комуникации во Пивара Скопје.

СКОПСКО е без сомнение еден од најсилните македонски брендови. Преку континуираните вложувања и новините што ги воведе на пазарот во изминатите 95 години, СКОПСКО значајно придонесе за развојот на пивската култура и на домашната пивска индустрија во целина. Во изминатите неколку години, предводничката улога на СКОПСКО на домашниот пазар беше потврдена со појавувањето на неколку бренд-екстензии, како што се: СКОПСКО Радлер, СКОПКО Цреша, СКОПСКО Темно, СKОПСКО Smooth и СКОПСКО Нефилтрирано. Дополнително, за високата репутација што ја има СКОПСКО придонесува и поддршката што брендот со децении ја обезбедува за развојот на спотот, културата, уметноста и останатите значајни општествени сегменти.

Видео спотот за СКОПСКО 95 години е достапен на следниот линк.

Сакал да помине под поплавен подвозник , па морал да ползи низ прозорецот (ВИДЕО)

Возачот на „Шевролет“, кој сметал дека може да помине под поплавен подвозник, се заглави и мораше да биде спасуван од полицијата.

Снимката за неговиот неславен чин, што се случи на 6 февруари во Јужна Каролина, се појави пред една недела на Вирал Хог, каде што предизвика бројни реакции. На видеото, снимено од возач кој не се осмелил ниту да се обиде да помине, може да се види црвен Шевролет кој вози до половина пат, а потоа веќе не може да мрдне.

Возачот тогаш, полека исползил низ прозорецот, додека камионот продолжил да тоне.

"Што би бил светот без будали?" е само една од реакциите под видеото.

Новиот партнер ја претепа поранешната вереница на боксерот Кличко

Брајан Хикерсон, сегашниот партнер  на американската актерка Хајден Панетиер, најпознат по улогата во ТВ серијата „Херои“, е уапсен на 14 февруари за семејно насилство.

Полицијата била повикана на адреса во Џексон, Вајоминг откако пијаниот Брајан Хејден ја удрил актерката со  затворена тупаница во лице.

Актерката го избркала надвор од куќата и ја заклучила вратата, а полицајците го нашла како талка по дворот.

Двојката, наводно, се расправала во спалната соба, а потоа проблематичниот агент за недвижнини ја нападнал актерката - се вели во полицискиот извештај дека лицето на Хајден било црвено и отечено кога пристигнале за интервенција, а тој имал гребнатини и отоци на левата рака , објавија таблоидите.

„Не сакам да бидам обвинет за некои с**ња“, викна пијаниот Брајан, на кого ова не е прв агресивен испад.

Тој бил уапсен минатиот мај за напад на актерката во Лос Анџелес, но случајот никогаш не доби судски епилог, бидејќи Панетиер одби да сведочи против насилниот партнер.

Хајден и Брајан се во врска околу година и пол. Актерката претходно беше во врска со боксерот Владимир Кличко (43), со кого ја има петгодишната ќерка, Кеј.

Халид Бешлиќ се расплака среде промоција , кога ги спомена покојните колеги (ВИДЕО)

Босанскиот пејач Халид Бешлиќ, плачеше на промоцијата на неговиот нов албум Требевиќ.

Пејачот се присети на неговите покојни пријатели Даворин Поповиќ и Мирза Делибашиќ, па не можеше да ги задржи солзите.

„Секоја чест на другите, но најмногу ми недостасуваат овие два лика“, рече Халид, бришејќи ги солзите.

Промоцијата на албумот „Требевиќ“ се случи на последната станица на жичарницата во Сараево, односно на истоимената планина со албумот. Бешлиќ пристигна со жичарница на промоцијата, а голем број пријатели, соработници, колеги и членови на семејството му се придружија на прославата .

„Не можев да замислам подобар и поубавден. Ова е одлична промоција! Прв пат ми е да се возам на жичарницата по 30, 40 години“, рече Халид.

Заедно со албумот, Халид Бешиќ премиерно го претстави и новиот спот за песната Требевиќ.

притисни ентер