Пациентите сè уште ја чекаат бенефицијата од медицинскиот канабис

Граѓаните може да имаат бенефиција од Законот за употреба на канабисот за медицински цели од 2016 година,.

Но за тоа е неопходно проширување на листата на состојби што може да се третираат со масло од канабис, како и декриминализација на одгледувањето и уживањето канабис за лична употреба.

Ова беше разговарано на јавната расправа на тема „Економските и здравствените придобивки од легализацијата на канабисот" што се одржа минатата недела во рамките на парламентарната Комисија за економски прашања во Собранието и на која учествуваа пратеници, адвокати, професори, експерти и претставници од граѓанскиот сектор.

Неопходно е ажурирање на листата на болести што се третираат со канабис

Откако се донесени измените во законот од 2016 година и правилникот за состојби што може да се третираат се само ХИВ, мултиплекс склероза, епилепсија и канцер и таа листа досега не е ниту еднаш ревидирана. Во Германија канабисот се користи за околу 40 состојби, во САД за над 100 и се ажурира на годишно ниво. Кај нас во практика само тројца лекари специјалисти имаат право да пропишуваат марихуана за медицински цели.

Давор Ангеловски, кој работи во едукација на медицински лица, најчесто доктори и фармацевти, за употреба на канабис и канабис-екстракти, вели дека сè уште има стигма за ова прашање и докторите сè уште го сметаат канабисот за дрога.

– Канабисот има околу 400 лековити состојки, околу 113 – 117 канабиноиди, а од нив само еден е психоактивен. Тоа е ТХЦ. Да, се работи за психоактивен канабиноид, но не значи дека треба да се плашиме. Во светот досега не е регистриран ниту еден смртен случај од канабис, рече Ангеловски.

Во однос на Законот за употреба на канабис за медицински цели, смета дека е лимитирачки и доста тесен.

– Многу малку се докторите кои може да го пропишуваат. Невролози, инфектолози и онколози и она што забележувам и сметам дека е контрадикторно е дека не може да го пропишуваат вработени од приватните установи. Нешто што не можам да го сфатам, бидејќи како пациент имам право на избор каде ќе се лекувам. Во однос на болестите, не се само тие четири болести што моментално ги имаме и три вида специјалисти што може да ги пропишуваат, така што постои можност да ги прошириме болестите и да ги прошириме и докторите кои може тоа да го пропишуваат, истакнува Ангеловски.

Потребна е декриминализација на личната употреба на канабисот. Треба да се направи еден реален модел што ќе одговара на потребите.

– Сметам дека треба да се дозволи одгледување за лични употреби и тоа треба да биде направено на квадратен метар, а не на одреден број растенија. Сметам дека полицијата, како и досега, треба да продолжи со својата работа и треба да бара докази за продажба и сведоци. Сметам дека ограничување на такви смешни бројки е контрапродуктивно. Прво и основно што може да го направите за пациентите во Македонија кои ги претставувам денеска е да ја декриминализирате личната употреба и да не се плашат дали ќе завршат во затвори или ќе имаат какви било последици оние што само употребуваат канабис, рече Ангеловски.

Високата цена на медицинскиот канабис го „држи" во игра црниот пазар

Доктор Нико Беќаровски од Универзитетската клиника за токсикологија, раководител на Одделението за болести на зависност и дектоксикација и секретар на Здружението на клинички токсиколози на РМ, вели дека Законот за легализација на канабисот за медицинска употреба веќе по две години е тотално застарен.

– Ние се доведовме во ситуација да може само одредена група лекари специјалисти да пропишува лек што е безбеден. Цели 29 години работам на Клиниката за токсикологија и откако е донесен законот бројот е намален, не е зголемен. Да не се плашиме, не само што ние не сме виделе сериозни компликации, туку и во светот смртен случај исклучиво од марихуана нема и не може да има, рече Беќаровски.

Од друга страна, посочува Беќаровски, само минатата година 137 пациенти завршиле на Клиниката за токсикологија, како резултат на епилептични напади и предозираност од трамадол.

– Трамадолот може да го пропишува секој лекар. Трамадолот е достапен во секоја аптека, дури и без рецепт, а се случуваат страшни проблеми со мозокот. Тоа е наркоаналгетик. Значи, хемиската формула на трамадол, за разлика од хероинот, се разликува само во две радикални групи. Парацетамолот може да го купите во маркет. Годишно 1.700 луѓе во Европа завршуваат со хепатална инсуфициенција, која бара трансплатација на црн дроб. Далеку од тоа дека се работи за лекови што се безбедни и небезбедни. Секој лек има свои сакани и несакани дејства. Меѓутоа, главната работа што еден доктор може да ја направи за својот пациент е да ја смали болката, изјави Беќаровски.

Посочува дека секојдневно кај него доаѓаат десетина пациенти заболени од канцер на матка, на дојка или на јајници.

– Верувајте дека од тие десет, три – четири користат масло од канабис. Тоа што е трагично е дека речиси 90 проценти од нив го купуваат сè уште на црниот пазар. Зошто е така? Прво во недовербата во тоа што се нуди моментално на пазарот, а второ е во цената. Се работи за препарати што сè уште се екстремно скапи, рече Беќаровски.

Во однос на ЦБД-маслото се согласува дека ги смирува болките, ама за да ги смирите болките, едно пакување чини 1.200 денари.

– Со 1.200 денари ќе ги смирите болките три – четири дена. Парацетамолот е десет денари, аналгинот е 20 денари. Токму поради тоа барем производството на ЦБД, кое нема никакви несакани ефекти, зошто требаат сите тие големи огради за производство на див коноп. Помасовното производство ќе ја спушти цената и ќе го направи подостапен на пазарот, рече Беќаровски.

Нагласи дека додека учел во нашиот образовен систем, употребата на марихуана неминовно подоцна доведува до употреба на хероин, но денес во светот има студии што покажуваат дека лекувањето зависност од хероин се заснова на марихуана.

Декриминализација на канабисот и дестигматизација на уживателите

Адвокатот и основач на здружението за канабис и зелени политики „Билка", Јанаки Митровски, вели дека погрешната државна политика создава парадоксална состојба, при што доколку некој граѓанин или странец има значителни средства ќе биде бизнисмен и може да одгледува канабис без лимити, а доколку некој граѓанин има блиско лице во семејството и дијагноза што може да се третира со канабис, а нема средства да купи и засади канабис дома ќе биде жестоко гонет и му се заканува казна од три до десет години затвор.

– Сметаме дека е неопходна законска измена што ќе овозможи секој граѓанин што има здравствена состојба препознаена од државата што може да се третира со канабис да може дома да засади канабис во одреден број растенија и да биде лиценциран при Министерството за земјоделство, изјави Митровски.

Нагласува дека нема никаков проблем комерцијалните лица да остваруваат бенефиција, но каде е бенефицијата за граѓаните.

– Оваа држава овозможи златна кокошка бизнис на мала група правни лица, а граѓаните, пациентите немаат ниту бенефиција ниту се обврзани да даваат производи на нашиот пазар. Од друга страна, паралелата е дека граѓаните и оние што се нашле во немоќ се гонети, истакна Митровски.

Смета дека е неопходна целосна промена на државните политики во однос на канабисот и негова декриминализација, особено поради фактот што законодавецот нема дефинирано што подразбира под помало количество и тоа во практика се злоупотребува.

– Иницираме измени во Кривичниот законик со кои законски ќе се одреди која количина државата ја смета за лична употреба во услови кога нема други елементи на продажба. Што ќе доведе до состојба на владеење на правото, дестигматизација на уживателите на канабис и нивна декриминализација, но и ќе донесе директни и индиректни економски бенефиции за државата, која веќе нема непотребно да ги користи и онака скромните ресурси и ангажира високообразовани инспектори, вештачења на канабис, обвинители и адвокати, вели Митровски.

За економските бенефиции од легализацијата на марихуната прочитајте во вториот дел од темата.

Папата им ги изми и им ги бакна нозете на 12 затворенички во Рим (ВИДЕО)

Папата Франциск им ги изми и бакна нозете на 12 затворенички во римски затвор, во симболичен обред на понизност и служба на Велики четврток.

Аргентинецот попладнево го посети женскиот затвор Ребибија, кој се наоѓа во североисточниот дел на италијанската престолнина.

Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.

Светиот Отец се чинеше дека е во добра форма, иако во последните денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши своите говори.

„Сите ние доживуваме мали и големи неуспеси“, рече Франциск во импровизирана проповед за време на миса одржана во срцето на затворот каде што се притворени 370 жени.

Неколку минути претходно Франциск се насмевна и се ракува со затвореничките. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.

Од неговото именување во 2013 година, Франциск е чест гостин на затворите или прифатните центри за бегалци, каде што им ги миел нозете на поранешните мафијаши, болни или маргинализирани луѓе.

Се очекува тој да ги води станиците на Крстот во Колосеумот во петок навечер.

Муцунски: Централниот комитет на ВМРО-ДПМНЕ ги усвои победнички листи за парламентарните избори

Извршниот комитет на ВМРО-ДПМНЕ одржа седница, а во овие моменти привршува и седницата на Централниот комитет на ВМРО-ДПМНЕ каде се усвоени пратеничките листи на ВМРО-ДПМНЕ и Коалицијата за наредните парламентарни избори.

Ова се победнички листи и се надеваме на мнозинската поддршка од граѓаните на Република Македонија.

Овие избори се всушност одлука за тоа каква Македонија сакаме. Нивната, таа на власта, затворена, омаловажена, криминализирана, или онаа Македонија каква народот ја сака, и за каква се бориме. Македонија со надеж, иднина и сигурност.

Македонија која ќе биде повторно на народот, институциите ќе бидат функционални, системот ќе биде нормализиран.

Народот бара и очекува одговорност, бара и очекува принципи и враќање на вредностите во политиката.

Ова се победнички пратенички листи, а при нивното составување се водеше сметка за гласот на народот, нивните барања и потреби.

Носителите на овие победнички листи се:

Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа.

Втората изборна е мојот колега и пријател Владо Мисајловски.

Третата изборна единица е Драган Ковачки.

Четвртата изборна единица е потпретседателот Александар Николоски.

Петата изборна единица генералниот секретар на ВМРО-ДПМНЕ Ѓорѓија Сајкоски.

И шестата изборна единица каде очекуваме исто така убедлива доминација во однос на СДС е Дафина Стојановска.

ИЕ 1

1. Христијан Мицкоски

2. Гордана Кочовска Димитриевска

3. Коалиција

4. Синиша Стојановски

5. Бети Стаменковска

6. Тони Јаревски

7. Иван Живковски

8. Љупчо Пренџов

9. Марија Митева

10. Иванка Василевска

11. Коалиција

12. Велика Стојкова Серафимовска

13. Сергеј Попов

14. Јане Мицески

15. Бисера Златеска

16. Катерина Димитровска

17. Игор Никовски

18. Мартин Стојановски

19. Александра Николовска

20. Тодор Коневски

ИЕ 2

1. Владо Мисајловски

2. Жаклина Пешевска

3. Коалиција

4. Бобан Николовски

5. Бојан Стојановски

6. Каролина Насковска

7. Зоран Коцевски

8. Бране Петрушевски

9. Дијана Илиевска

10. Емилија Ангелова

11. Коалиција

12. Ерџан Демири

13. Весна Додевска

14. Зоран Бајовски

15. Ивица Димковски

16. Дени Милевски

17. Габи Калкова

18. Никола Стојковски

19. Мартина Ристовска

20. Валентина Петровска

ИЕ 3

1. Драган Ковачки

2. Никола Мицевски

3. Рашела Мизрахи

4. Игор Здравковски

5. Коалиција

6. Благица Ласовска

7. Миле Лефков

8. Даниела Христова

9. Марија Петрушевска

10. Душко Иванов

11. Александар Јамалов

12. Драгана Бојковска

13. Емил Спасовски

14. Драгана Арсова

15. Столе Кракутовски

16. Љупчо Спиров

17. Гордана Барбашка

18. Јорданчо Костадинов

19. Мартин Ефремовски

20. Анкица Анакиева

ИЕ 4

1. Александар Николоски

2. Антонијо Милошоски

3. Ели Панова

4. Дејан Проданоски

5. Зоран Јованчев

6. Ангелинка Петкова

7. Петар Ристески

8. Златко Пенков

9. Моника Ристеска

10. Јулија Тушева

11. Жан Дрвошанов

12. Петар Марков

13. Билјана Кузмановска

14. Весна Ѓорѓиева

15. Мито Андонов

16. Јадранка Поцкова

17. Наталија Димитриева

18. Гоце Дединец

19. Сашо Граороски

20. Никола Златески

ИЕ5

1. Ѓорѓија Сајкоски

2.Олга Лозановска

3.Сашо Донев

4. Пеце Милевски

5. Јован Јаулески

6. Лидија Петковска

7. Мевмед Џафери

8.Кире Божиновски

9. Силвана Ангелевска

10. Грација Бакрачевска

11. Лазе Јакимовски

12. Ѓорѓи Влајкиновски

13. Благица Крстеска

14. Никола Дранговски

15. Леон Мерсовски

16. Менче Марковска Андреева

17. Билјана Стефановска

18. Жанета Петреска

19. Мартин Иваноски

20. Ѓорѓи Шопоски

ИЕ 6

1. Дафина Стојаноска

2. Александар Велјановски

3. Валентина Марчевска

4. Коалиција

5. Верица Апостоловска

6. Ванчо Милевски

7. Алишериф Синани

8. Анета Ќироска

9. Анита Бошкоска Јованоска

10. Мишо Маринковски

11. Бране Стојчевски

12. Верица Тофиловска

13. Ивана Савеска

14. Даниела Апостоловска

15. Деан Трпески

16. Марина Петровска

17. Горан Зафировски

18. Тања Сибиновска

19. Лилјана Спиревска

20. Александра Спироска

Драги пријатели,

Ова се луѓе со кредибилитет. Искусни и енергични. Луѓе кои и требаат на Македонија, луѓе кои ќе се борат за решенија, за решавање на проблемите. Имаме тешка задача пред нас да ја кренеме Македонија и да ја вратиме надежта. Само заедно ќе успееме,рече Тимчо Муцунски, потпретседател на ВМРО-ДПМНЕ.

Ученичка со тужба до директорот, кој ја удрил поради хиџаб - сега Франција ја тужи неа

Францускиот премиер Габриел Атал денеска најави дека државата ќе тужи малолетничка затоа што лажно го обвинила директорот на нејзиното училиште дека ја удирал за време на расправија, откако таа одбила да си го отстрани хиџабот.

Според француските закони, носењето хиџаб и никаб во јавните институции не е дозволено, што директорот им го посочил на трите ученички, од кои две потоа ги симнале шамиите.

Третата не сакала и имало расправија, но полицијата не нашла докази дека директорот физички ја нападнал ученичката, а Атал сега тврди дека ќе биде изведена на суд.

„Државата секогаш ќе стои покрај овие функционери, оние кои се на линијата на фронтот соочени со овие прекршувања на секуларизмот, овие обиди за влез на исламисти во нашите образовни институции“, рече тој.

Во деновите што следеле директорот бил цел на смртни закани на социјалните мрежи, што училиштето го пријавило во МВР, јавува Би-би-си.

Обвинителите соопштија дека две лица се приведени во врска со смртните закани, а нивниот идентитет не е објавен, но Министерството за образование соопшти дека тие не се поврзани со училиштето.

Поради смртни закани и загрозена безбедност, директорот поднесе оставка по 45-годишна кариера во образованието.

Според Би-Би-Си, политичарите и од левицата и од десницата изразиле огорченост што долгата кариера на професорот била скратена поради кампањата на омраза на Интернет.

Лидерот на десничарската партија Национален собир, Марин Ле Пен, на Платформа Х рече дека владата не е во состојба да ги заштити француските училишта.

Борис Валод од Социјалистичката партија истакна дека ваквата состојба е „неприфатлива“, а дека оставката на директорот поради смртни закани е „колективен неуспех“.

Во одделен инцидент, неколку училишта во Париз беа принудени вчера да се затворат откако добија закани за бомби од наводни исламисти.

Минатата недела, околу 30 други училишта во областа Париз добија слични закани, придружени со видео од обезглавување.

Иако од инспекторите се бара сериозно да ги сфатат заканите, тие велат дека не можат да исклучат дека тие се дел од руска кампања за дезинформации.

Би-Би-Си објави дека Атал претходно овој месец предупредил дека Кремљ се впушта во „масивни напори за дестабилизација“ за да ја поткопа француската поддршка за Украина.

притисни ентер