Маргинализираните групи бараат итно донесување на законот за антидискриминација

Итно носење на Законот за заштита од дискриминација кој осум месеци е заглавен во собраниска процедура бараат повеќе од 90 граѓански организации.

Се сомневаат дека предрасудите на одредени пратеници во Собранието го попречува носењето на овој закон.

Родовиот идентитет и сексуалната ориентација стануваат основи за дискриминација со новиот закон. Се наведува и сегрегацијата како облик на дискриминација.

Со европско знаменце Комисијата за европски прашања го усвои,но заглави во Комисијата за труд и социјала чиј претседател Владимир Ѓорчев. Кога ќе го стави на дневен ред Законот не можеше да прецизира но ставот на неговата партија вели е познат.

Новиот Закон ќе придонесе за бришење на дефиницијата за брак меѓу маж и жена со што се отвора можноста за истополови бракови а со тоа и можност на лица во таков брак да посвојуваат деца. Измените околу родовиот идентитет пак повлекуваат измени за дефинициите за бракот и родот. Никој не треба да биде дискриминиран но законските измени треба внимателно да се донесат.

Иако е заглавен во Комисијата за труд и социјална политика, пратениците од владејачкото мнозинство убедуваат дека Законот ќе биде изгласан до средината на март.

Со предложениот закон се прецизира и начинот на избор и работа на Комисијата за заштита од дискриминација која реагираше дека власта со тоа сака предвреме да ги смени нејзините членови. Хелсиншкиот комитет за човекови права и ЛГБТ Центарот во изминатите три месеци регистрираа случаи кога кафе барови во Скопје, Прилеп и Тетово спречиле Роми да влезат, но и лице кое било претепано од својот татко поради својата сексуална ориентација.

Поради непостоењето на соодветни закони сметаат дека овие случаи на дискриминација не може да се санкционираат.

Поради дефект, половина Скопје без вода

Поради голем дефект на булеварот „Кочо Рацин“ спроти Олимпскиот базен без вода или со намален доток на вода ќе биде речиси половина Скопје.

Според најавите населбите ќе се снабудваат со цистерни. На местото на дефектот е колегата Игор Манасиевски за тоа кога можат да очекуваат граѓаните дефектот да се поправи.

Филипче: Ако мерките не дадат резултат, во земјава повторно ќе се воведе полициски час

Министерот Венко Филипче денес најави нови марки со цел спречување на ширењето на инфекцијата и додаде дека следно е карантин. 

Ограничено работно време до 23 часот за рестораните, кафулињата, сендвичарите..., јавниот превоз да биде исполнет 50%, а државните институции да работат во смени, групи или од дома. Ова се новите мерки кои Комисијата денеска и ги предложи на Владата. Веќе утре тие ќе се најдат на владина седница. Министерот за здравство Венко Филипче, нагласи дека со овие мерки се исцрпени сите можности на надлежните да го спречат ширењето на Корона вирусот. Ако мерките не дадат резултат во земјава повторно ќе се воведе полициски час.

Дали „клуч“ им се заканува и на градинките ќе покаже епидемиолошката слика наредниот период, потенцираше министерката за труд и социјала Јагода Шахпаска, откако бројот на новозаразени дечиња од отворањето на градинките до денеска се искачи на 18, а 303 се во изолација.

Мерките кои денеска ги предложи Комисијата, како и оние за задолжително носење маска на отворено, забраната за групирање на повеќе од 4 лица по 22 часот, како и за поголеми семејни собири, за да стапат на сила треба да го поминат собранискиот филтер. Филипче очекува до крајот на неделава потребните законски измени да бидат изгласани.

Во најголемиот регион во Канада со 36 000 жители, никој не е заразен со корона

Во Канада, има зголемување на бројот на заразени со коронавирус во последната недела. Од 13 октомври, кога имало повеќе од 4.000 нови случаи на инфекција, дневниот број е околу 2.000.

Но, еден канадски регион е ретко место во Северна Америка, кое не е заразено. Станува збор за Нунавут, територија на северот на земјата која во март донесе едни од најстрогите мерки. На скоро секој што не живее во областа Нунавут му е забранет влез, а жителите што се враќаат дома од југ прво ќе треба да поминат две недели во изолационите центри, односно во хотели во градовите Отава, Едмонтон, Винипег и Јелоунајф.

Овие хотели ги чуваат чувари, а медицинските сестри го проверуваат здравјето на изолираните граѓани. Некои ги прекршиле правилата, па нивната изолација била продолжена, додека некои се жалеле на лошата исхрана во хотелите.

Нунавут е најголемиот канадски регион со површина од дури два милиони квадратни километри во кој живеат само 36.000 луѓе. Официјалниот број на случаи на ковида-19 во Нунавут сè уште е нула. Природната изолација на регионот е една од клучните причини зошто вирусот не се шири. До некои места може да се стигне само со авион.

„Требаше да се донесе прилично драстична одлука за воведување строги мерки и заради потенцијалната закана за населението и заради предизвиците со кои се соочува овој регион на Арктикот“, рече локалниот шеф за јавно здравје, др. Мајкл Патерсон.

Кон крајот на септември, Нунавут пријавил случаи на коронавирус меѓу работниците кои претходно пристигнале од југ за да работат во рудниците за злато лоцирани на само 16 километри од Арктичкиот круг. Сепак, тоа жариште имало минимални шанси да се прошири меѓу луѓето затоа што работниците не ја напуштиле областа на рудникот со месеци, изјави Патерсон.

Изолацијата, колку што помага, исто така, претставува проблем. Повеќето заедници немаат услови за тестирање, затоа примероците се испраќаат до главниот град Икалуит. Понекогаш се чека до една недела за резултати.

"Многу е доцна со реакцијата на инфекцијата, на овој начин е доцна со идентификување на контактите на заразеното лице за да се спречи ширењето на инфекцијата. Медицинските ресурси на северот се ограничени и се работи за да се направи поефикасно тестирање", додаде Патерсон.

Одделот за интензивна нега во Општата болница Кикиктани во Икалуит може да прими околу 20 заразени пациенти. Во случај на ширење на инфекцијата, многу луѓе ќе мора да побараат помош на југ. Инуитските заедници имаат несигурни услови за живот затоа што неколку семејства понекогаш живеат под ист покрив.

Инуитите, кои сочинуваат 80 проценти од населението на Нунавут, се генерално со висок ризик кога станува збор за респираторни инфекции. Истражувањата покажале дека шансата Инуитите да заболат од туберкулоза е 300 пати поголема од другите Канаѓани кои не се припадници на домородните народи.

притисни ентер