Утре ќе продолжи комисиската расправа за одземање на пратеничкиот имунитет на Вељаноски

Утре напладне продолжува седницата на собраниската Комисија за деловничко-мандатни и имунитетни прашања на чиј дневен ред е брањето за одобрување притвор на пратеникот Трајко Вељаноски.

Претседателот на Комисијата, Павле Богоевски ја презакажа за утре седницата поради повеќемината говорници кои се пријавиле за збор, а во текот на дискусијата која продолжи попладнево по получасовната пауза повторно имаше препукување меѓу пратениците од власта и опозицијата за тоа дали е оправдано да се донесе одлука на поранешниот претседател на Собранието да му се одземе имунитетот.

Со апел до пратениците од власта излезе опозицијата да не му го одземаат имунитетот на Велјаноски, поради тоа што, како што беше речено, тој со своето однесување не покажал никакви знаци дека ќе се противи на целокупната постапка што се покренува против него.

Пратеникот Иван Иванов од ВМРО-ДПМНЕ ги праша пратениците од власта врз основа на кој аргумент оценуваат дека на еден пратеник треба да му се одземе имунитетот и додаде оти е добиено само едно барање од суд.

– Ако Комисијата одлучува само врз основа на барање на суд да се одземе имунитетот на еден пратеник, зошто тогаш на нас пратениците воопшто и ни се доделува имунитет. Вие практично имате донесено пресуда за имунитетот на Трајко Велјаноски и со тоа го праќате директно во притвор, рече Иванов и им порача на пратениците од власта дека додека тие биле во опозиција биле едни од најгласните противници за злоупотребување на мерката притвор.

Според него, Вељаноски со своето однесување во ниту еден момент не покажал дека може да го повтори делото, оти постои опасност дека ќе избега или дека би влијаел на други сведоци, нешто врз основа на што се одредува мерката притвор.

Претседателот на Комисијата, Богоевски му одговори дека работа е на судот да цени дали е оправдана или не мерката притвор за одреден случај, нагласувајќи оти тоа не е нешто за што одлучува Комисијата. Тој додаде дека Велјаноски се товари за едно од најтешките дела во Кривичниот законик.

Пратеничката од ВМРО-ДПМНЕ Слаѓања Митовска истакна дека ова што се прави со пратениците на нејзината партија е всушност политички прогон. Повика на моралност и етичност кај пратениците од власта и нагласи дека во изминатите две години тие осум пати се соочиле со одземање на имунитет, со што како пратеничка група се всушност десеткувани.

Поранешниот претседател на Собранието Вељаноски заедо со Миле Јанкиески и Спиро Ристовски завчера беше приведен на распит по наредба на Јавното обвинителство под сомнение за вмешаност во настаните од 27 април. Велјаноски се повика на пратеничкиот имунитет, додека на поранешните министри Јанакиески и Ристовски им беше одредена мерка 30-дневен притвор.

Според Деловникот, Комисијата е должна да го разгледа барањето на судот и во рок од два дена да го достави до претседателот на Парламентот. По добиенот извештај од Комисијата, Собранието најдоцна во рок од три дена треба да одлучува на пленарна седница. Одлуката за одземање на имунитетот се носи со просто мнозинство од вкупниот број пратеници./МИА

Полицајката случајно го убила младиот Афроамериканец, протести низ САД (Вознемирувачко видео)

Насилните протести за новото полициско убиство на Афроамериканец во САД траат веќе три ноќи по ред, и покрај оставката на началникот на полицијата и полицајката што пукаше во 20-годишниот Даунт Рајт.

Даунт Рајт бил застрелан во неделата откако се спротивстави на апсењето и се обиде да им избега на полицајците со неговиот автомобил.

И според полицискиот извештај и снимките што ги објавија, се чини дека ова убиство било - несреќен случај. Имено, полицајката, според полицијата на Центарот Бруклин, по грешка наместо пиштол извадила електричен шокер од појасот.

Полицијата покажала снимка од камерата на телото на полицајката Ким Потер, во која се гледа тепачка помеѓу Рајт и неа и нејзините двајца колеги. Рајт, се бранел од полицајците кои се обидувале да му стават лисици, се вратил кон автомобилот, а на снимката се гледа како полицајката вади пиштол и вика „шокер“.

"Шокер! Шокер! Шокер!" вика полицајката со пиштол вперен кон Рајт, кој седи на седиштето во автомобилот. Потоа се слуша истрел. Застреланиот Рајт сè уште ја затвора вратата на автомобилот и дава гас, а Потер во шок вика: „Ср**е, го застрелав!“

„Мое верување е дека полицајката имала намера да го употреби својот шокер, но наместо тоа го застрелала со еден куршум“, рече шефот на полицијата Тим Ганон, кој потоа поднел оставка.

Ми се чини, од она што го видов и од реакцијата на полицаецот и стресот што следел, дека пиштолот случајно испукал, што резултирало во трагичната смрт на господинот Рајт “, додаде шефот на полицијата Тим Ганон:„ Ништо не можам да кажам за да ја намалам болката“.

"Ова е навистина трагичен настан, но мора да почекаме за резултатите од истрагата. Во меѓувреме, би сакал уште еднаш да бидам јасен: апсолутно нема оправдување за насилството. Мирните протести се разбирливи. Бидејќи ја чекаме целосната истрага, знаеме што да сториме за да одиме напред.: вратете ја довербата и осигурете ја одговорноста за никој да не биде над законот “, рече американскиот претседател Џо Бајден, повикувајќи на прекин на насилните протести поради убиството од страна на полицијата.

Иако точниот модел на пиштолот и шокерот што го носела полицајката Потер не е познат, сликите на вообичаени видови оружје што ги носеле американските полицајци - пиштолот „Глок 17“ и шокерот „Тасер Х265“ - покажуваат разлика меѓу нив.

Протестите започнаа уште во неделата кога стотици гневни граѓани се собраа пред зградата на полицискиот оддел во Бруклин во неделата вечерта. Полициските службеници во заштитна опрема испукале гумени куршуми, шок-гранати и солзавец.

Протестите продолжија ноќите и во понеделник и вторник, кога полицијата уапсила повеќе од 60 лица откако демонстрантите фрлиле шишиња и други предмети кон полициската станица. Протест е организиран и во Портланд, Орегон, каде радикалните левичари од движењето Антифа предизвикуваат немири, палеле и ја напаѓале полицијата од минатото лето. И овој пат се обиделе да ја запалат полициската станица.

Мајката на Рајт, Кејти Рајт, им изјави на новинарите дека добила повик од нејзиниот син во неделата попладне, велејќи дека полицијата го запрела затоа што имал освежувач за воздухот обесен на ретровизорот, што е нелегално во Минесота. Можела да ја слушне полицијата како му кажува на нејзиниот син да излезе од возилото, рече таа.

„Слушнав расправија и полицаец кој рече: Даунте, не бегај“, рече низ солзи.

Гувернерот на Минесота, Тим Валц, во изјавата рече дека ги следи протестите во Бруклин центар, предградие на Минеаполис, „додека нашата држава жали за уште еден црн живот што го однесе полицијата“.

Обвинителството допрва треба да одлучи дали ќе покрене обвинение против полицајката која наводно го убила Рајт во несреќен случај. Обвинителот Пит Орпут за Си-Ен-Ен се надева дека ќе може денеска да ја донесе одлуката.

Шкода го обнови Kodiaq и објави важна вест (ФОТО)

Љубителите на дизел автомобилите  изгубија уште една икона.

Пет години по неговото лансирање, најголемиот теренец на Шкода го доживува своето прво значајно дотерување. Освежувањето на дизајнот е придружено со технолошка поддршка, сето тоа во согласност со поновите модели на компанијата, а има и други важни новости.

Имено, горниот дел е сепак верзија на РС, но без моторот ТДИ. Моќниот дизел замина во пензија и ќе биде заменет со 2.0 TSI со 245 КС. Околу 6 секунди му требаат за спринт до 100 км на час и максимум 250 км на час.

Покрај браниците за шминка, натписот на марката на централниот дел од капакот на багажникот и некои други новини, обновениот Kodiaq ќе се препознае и по LED светлата Матрикс. Дигиталниот кокпит со дијагонала од 10,25 инчи е проследен со централна инфо-забава со дијагонала на екранот од 8, односно 9,2 инчи. Седиштата се вентилирани, со функција за греење и масажа.

Покрај гореспоменатата верзија RS, Škoda нуди верзии со бензински мотор од 1,5 TSI од 150 КС и 2,0 TSI со 190 КС. Во понуда остана и 2.0 TDI со 150 и 200 КС. AWD и седумстепен менувач DSG остануваат како опции.

Првите испораки се очекуваат во текот на летото со малку зголемени цени.

Вучиќ ја назначи Невена Јовановиќ за нов амбасадор на Србија во Македонија

Претседателот на Србија, Александар Вучиќ, денеска издаде указ за назначување на Невена Јовановиќ на позицијата вонреден и ополномоштен амбасадор на Србија во Македонија, објави белградскиот бизнис портал еКапија.

Јовановиќ на оваа позиција доаѓа од позицијата Заменик-помошник министер за билатерална соработка во Министерството за надворешни работи на Србија.

На досегашната вонредна и ополномоштена амбасадорка на Србија во Скопје, Душанка Дивјак Томиќ, минатата година и заврши мандатот во нашата држава.

притисни ентер