Афроамериканецот , кој себеси се декларира јавно за хомосексуалец , е притворен зашто го лажирал нападот за да си ја унапреди актерката кариера.
Како што објави полицијата од Чикаго , Смолет (36) се предал утрово во 5 часот , откако вчера против него е покренато обвинение за лажна пријава. Во текот на денот ќе биде сослушан во судот во Чикаго.
Ѕвездата на серијата ,,Империја” , која се емитува на телевизијата Фокс , на двајца браќа им платил 3 500 долари за да лажираат напад над него, зашто не бил задоволен со својата плата.
Кон крајот на јануари , Смолет поднесе тужба во која навел дека две маскирани лица го нападнале во центарот на Чикаго , го навредувале расно и поради сексуалната ориентација. Потоа наводно и физички го нападнале , му врзале јаже околу вратот и го посипале со некаква хемиска материја. Тие наводно му кажувале дека се приврзаници на претседателот Трамп.
Браќата сега признале дека Смолет им платил за нападот , а најдени се и снимки од безбедносните камери на кои се гледа како браќата го купуваат материјалот за нападот.
Телевизијата Фокс излезе со соопштение во кое наведува дека ги разгледува опциите во врска со серијата.