Само едно име од предложената листа од владејачката СДСМ за консензуален шеф на државата е прифатливо за опозициката Беса, но евентуалната поддршка нема да биде безусловна, рече Билал Касами по средбата со Зоран Заев. Од БЕСА оставаат отворена врата за можен догвоор со СДСМ и коалицијата, но велат поблиски ставови околу заеднички кандидат за претседател делат со Алијансата на Албанците на Зијадин Села. Заев е уверен дека постојат големи шанси и Беса да застанат зад заеднички кандидат за претседател на претстојните избори. Конечна одлука околу изборот на конкретен кандидат најави за следната недела.
„Верувам дека може да се стигне до поддршка на едно име, кое без разлика дали е жена или маж, име зад кое што би застанале сите граѓани, а со тоа и ние политичките субјекти, би земале свој став во негова поддршка како претседател на државата. Секако одлуките ќе се носат врз основа на имињата, врз основа на личностите кои што се дел до анализите кои постојат, а ги прават сите субјекти и ќе дадат добар аргумент за заземање на став, прво концепциски, дали се застанува зад заеднички кандидат, а после тоа и секако другите алтернативи за посебно истакнување“, рече Заев.
„За нас како опозициска партија е многу важен пристапот, но уште повеќе е важен човекот, личноста која ќе стои на чело на една важна институција во државата. Како опозициска партија разгледуваме повеќе опции, а секако важна е и оваа опција затоа што знаеме дека еден таков кандидат има шанси да добие и нашата поддршка за таков кандидат би била многу важна. Тоа што треба да знае јавноста е дека нашата поддршка нема да биде безусловна, а најмалку ќе биде во договор за тој утрешен претседател да ги штити нашите луѓе од корупција и нелегални работи, како што за жал се случувало досега со други партии, рече Касами појаснувајќи дека тоа треба да е личност која ќе биде претседател на сите граѓани без да ги дели граѓаните на етнички заедници, „за едните да биде мајка, а за другите маќеа“, посочи Касами.
Движењето БЕСА е првата опозициона партија со која Заев велзе во преговори за консензулен кадидат за претседатл, по серијата средби со коалиционите партнери. Следните денови Заев најајвува повторен обид за доближување на ставовите и со опозициската Алијанса на Албанците, откако вчерашната срдба беше откажана поради одземањето на ингеренциите во образованието на гостиварскиот градоначалник Арбен Таравари.