Ауди знае кога ќе се запали „зелено “

Новата технологија ја препорачува брзината на движење на автомобилот за тој што помалку да запира на семафорите.

Замислете дека можете да знаете кога се пали зеленото светло на секој семафор. Новиот модел на Ауди го знае токму ова. Системот ГЛОСА (Green Light Optimized Speed Advisory е проектиран така да може да комуницира со сообраќајната инфраструктура и на возачот меѓудругото да му ги дава информациите за светлата на семафорите.

На возачот на Аудито на дигиталната инстримент табла му излегува информација која боја на светло е запалена на следниот семафор, колку долго тоа светло ќе биде активно и со која брзина би требало да се движи за да мине на зелено.

Целата оваа технологија е базирана на комуникацијата на возилото со инфраструктурата , конкретно со централниот сообраќаен систем кој ги контролира семафорите.

Целта на овој систем е да се намали запирањето на семафорите да се забрза сообраќајот и со тоа да се намали нивото на загадувањето .

Оваа паметна технологија веќе им е достапна на американските купувачи на моделите на ауди А6, А7, А8 и Q8. Новата технологија може да се користи во 13 градови низ САД, меѓу кои се Далас, Вашингтон, Лас Вегас, Њујорк, Феникс, Портланд и Сан Франциско, под услов сопственикот да е претплатен на системот „ Audi Connect Prime“.

Фото: Холивудски ѕвезди фатени на дело!

 Холивудските ѕвезди актерките Џенифер Анистон (55) и Сандра Булок (59) продолжуваат да ја освојуваат публиката со својот физички изглед, а долго време се шпекулира дали направиле пластична операција

Јавноста се уште се прашува дали овие убавици и во шестата деценија се навистина природни и едноставно прекрасно стареат.

Двете холивудски убавици пред два дена се забележани како ја напуштаат познатата клиника за пластична хирургија во Гринич, а друштво им правеше Аманда Анка.

Инаку оваа ординација е специјализирана за кревање на горниот и долниот дел на лицето, а цените за таков зафат во зависност од третманот се движат од 50.000 до 100.000 долари по третман.

Подигнувањето на веѓите и очните капаци е нешто поевтино, а цената на овој третман е околу 30.000 долари.

Познатите дами посетија ординација на познат хирург чија специјалност е „подмладување на лице и ринопластика“, како што е наведено на веб-страницата на клиниката.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

притисни ентер