Хрватските рибари на удар на словенечката полиција

Рибарите од Савудрија , на Истра пројавиле инцидент со словенечката полиција , за кој велат дека бил намерно предизвикан од Словенија.

Чамецот на словенечката полиција се залетал во полна брзина кон рибарско бротче и застанал откако се приближил до рибарите . Од силината на ударот , на Хрватите им се скршил навигацискиот лаптоп.

Рибарите се незадоволни и прашуваат кој ќе ги заштити од ваквото однесување на полицијата од соседната земја. Полицијата шест пати ги предупредила дека се во словенечки води , додека по кусо време се појавиле и хрватските полицајци и им одговориле дека рибарите пловат во хрватски води.

Рибарите велат дека ова им се речиси секојдневен проблем , но денешниот инцидент бил најсериозен и некој можел да настрада. Велат дека словенечкиот патролен брод запрел на само еден метар , а кон нив се движел со полна брзина.

Во меѓувреме , казните за нелегално преминување во словенечките води и натаму сотгнуваат на адреса на рибарите , а тие се надеваат дека Хрватска ќе им помогне да ги наплати заостанатите астрономски суми. Некои велат дека имаат и по сто казни .

Црногорците вложуваат 700 милиони евра во обновливи извори на енергија

Електростопанството на Црна Гора планира до 2020 да вложи 700 милиони евра во изградба на постројки за обновливи извори на енергија со вкупен капацитет од 500 мегавати.

„Фотоволтаичната централа Бриска Гора, ветерната фарма Гвозд и хидроцентралата Комарница ќе имаат вкупен капацитет од околу 500 мегавати“, рече директорот за развој и инженеринг Иван Мрваљевиќ.

Минатиот месец, акционерите на ЕПЦГ одобрија инвестиција од 58 милиони евра за изградба на ветерна фарма од 50 мегавати Гвозд, во соработка со австриската компанија Ивица Холдинг.

Во декември 2018 година, беше потпишан договор за изградба на фотоволтаичната  централа Бриска Гора вредна 178 милиони евра од околу 200 мегавати со  конзорциумот на  финскиот Фортум.

Пукотници во Амстердам во пресметка на црногорското подземје (ВИДЕО)

Еден Црногорец е убиен , а уште еден е повреден во престрелката во пицерија во центарот на Амстердам.

Во пукањето попладнево во пицерија во Амстердам, едно лице загина, а едно е повредено. Според српските медиуми, повреден е Јован Ѓуровиќ, брат на Лука Ѓуровиќ, еден од некогашните водачи на најсилниот црногорски клан кој загина во сообраќајна несреќа во 2013 година.

Во пресметка во Амстердам беше убиен Горан Савиќ, пријател на Ѓуровиќ, кој кога ги видел вооружените напаѓачи, скокнал пред Ѓуровиќ и со телото го заштитил од рафалот куршуми.

Савиќ е сопственик на пицеријата каде се случило пукањето.

„Тој скокна пред него како човечки штит“, рече еден очевидец.

Иако службите за итни случаи се обиделе да го реанимираат Савиќ, тој починал на местото на настанот. Ѓуровиќ се здобил со сериозни повреди и бил пренесен во болница.

Напаѓачите по пукањето избегале во сив Фолксваген со белгиски  регистарски таблички. Холандските медиуми објавија дека возилото подоцна било пресретнато од полициски службеници и по драматична акција среде улица,  уапсиле еден осомничен.

Ранетиот Ѓуровиќ е брат на Лука Ѓуровиќ кој би бил водач на најсилниот криминален клан во Бар. Тесно соработувал со Лука Бојовиќ , кој беше познат како прв човек на Земунскиот клан во Црна Гора.

По неуспехот на Нетанјаху, Бени Ганц ќе ја составува израелската влада

Поранешниот генерал Бени Ганц доби мандат за состав на новата влада на Израел , од што вчера се откажа досегашниот премиер Бенјамин Нетанјаху.

По нерешени изборни резултати во април и во септември, ова е првпат од 2008 година на некој друг освен на 70-годишниот Нетанјаху да му се даде задача да се обиде да состави влада.

Лидерот на партијата „Сино-бело" , Ганц сега има 28 дена да ја заврши задачата што му е доверена од претседателот Реувен Ривлин.

Отпрвин, Ривлин му го довери мандатот на Нетанјаху, лидерот на централно-десничарската партија Ликуд, кој беше премиер на Израел уште од 2009 година. Но, Нетанјаху го врати мандатот во понеделникот затоа што не успеа да собере мнозинство и рече дека сторил се за да го вклучи Бени Ганц и да формира влада за национално единство за да се избегнат трети избори годинава.  

Нетанјаху се соочува со бројни обвиненија за корупција, поради што 60-годишниот Ганц рече дека нема да учествува во владата, чиј премиер е обвинет за корупција.

Иако бил началник на Генералштабот на израелската армија од 2011 до 2015 година, Ганц , нема лесно да обезбеди мнозинство и доколку тој не успее да го стори тоа, најверојатни се нови парламентарни избори, трети годинава.

Ганц има поддршка од 54 пратеници, седум помалку од парламентарното мнозинство.

Ликуд освои 32 места на изборите во септември, од вкупно 120, а партијата на Ганц 33.

притисни ентер