Дневен хороскоп за 19.2 2019

Дневен хороскоп за вторник , 19.2 2019 година. 

Водолија 21.1.-19.2.

Љубов

Ќе ја водите саканата личност од една до друга недвижност на продажба , за да и покажете како ќе живеете еден ден заедно.

Кариера

Не е исклучено да ве пофалат или вашето знаење и стручност во една област да исплива , што ќе биде значајно за работата.

Здравје

Здрави сте и подготвени за нови предизвици.

Риби 20.2.- 20.3.

Љубов

Убавиот развој на личните односи ќе ве поттикнат да го надополните со нова идеја за излегување , каде добро ќе си поминете.

Кариера

Ви се чини дека компанијата во која работите е малечка . Сакате нешто поголемо , но за тоа е потребна поголема одговорност од ваша страна.

Здравје

Сепак имате доволно слобода.

Овен 21.3-20.4.

Љубов

Не ви се чини дека ситуацијата се одвива во ваша полза и затоа ги анализирате причините. Ќе ве заболи глава. Едноставно почекајте и ќе помине.

Кариера

Ќе има такви кои ќе ве побараат за соработник или ќе ве прашаат за мислење или совет. Бидете објективни и проценувајте без емоции.

Здравје

Одете таму каде што ви е добро.

Бик 21.4- 20.5.

Љубов

Вашите лични односи стануваат се полиберални , а вие сте поотворени за различни идеи. Чувствувате како да се подмладувате.

Кариера

Тешко дека нешто може да ве загрози или одврати од она што го работите. Се тече добро , стабилно , а вие функционирате и покрај малите пречки.

Здравје

Посигурни сте.

Близнаци 21.5.-21.6.

Љубов

И да одите чекор напред , па чекор назад , пак ќе бидете во плус , зашто знаете што сакате. Тоа ќе го препознае и другата страна.

Кариера

Една тајна има голема тежина , а вие ќе ја чувате знаејќи колку вреди. Денеска ќе размислувате за тоа.

Здравје

Одвоете го приватното од деловното.

Рак 22.6-22.7.

Љубов

Подобрувањето во личните односи ќе биде поврзано со можност за излегување на интересно место полно со ведри луѓе.

Кариера

ПОдготвени сте на промена за разлика од вашите колеги. Нив се ќе им изгледа нестварно , па ќе мора да ги убедувате.

Здравје

Бидете трпеливи.

Лав 23.7-22.8.

Љубов

Ако веќе толку сакате да се жалите , тогаш тоа раскажете и го на личност од доверба , не на онаа со која сте во врска , зашто ќе и бидете напорни.

Кариера

Ќе ве измачува еден проблем поврзан со финансии , но извесно е дека решението е на повидок. Но , за тоа треба работа.

Здравје

Одморете и наспијте се .

Девица 23.8.-23.9.

Љубов

Другата страна би можела да се најде во искушение да ви ги довери своите маки и грижи . Бидете отворени и не носете предвремени заклучоци.

Кариера

Вашите деловни соработници ќе го покажат своето сериозно лице , кое на вас ќе остави впечаток дека е мрачно. Направите се што е потребно за да внесете ведрина во работењето.

Здравје

Бидете она што сте.

Вага 24.9.-23.10

Љубов

Уште имате желба и расположение за нови љубовни авантури , а во тоа ви помагаат и пријателите. Оние во врска се одлично.

Кариера

Верувате дека можете повеќе и подобро . Во право сте , но не треба од себеси да барате неможни работи. И вие сте само човек.

Здравје

Тргнете се од каква било негативност.

Шкорпија 24.10-22.11.

Љубов

Некои ќеја стават саканата личност на врвот на своите вредности , а при тоа нема да ја запостават кариерата. Ќе успеете се да споите на најдобар начин.

Кариера

Еден трошок малку ќе ве вознемири , но набргу ќе воспоставите контакти со кои ќе ја развиете работата и ќе го надоместите трошокот.

Здравје

Не постои совршенство.

Стрелец 23.11.-21.12.

Љубов

Ако нешто ве измачувало , денеска ќе се соочите со тоа на зрел начин. Можеби нема да пеете , но паметно ќе комуницирате и ќе го решите проблемот.

Кариера

Многумина ќе се чувствуваат одлично на работното место, зашто не само што имаат убава работа , туку и односите со колегите се подобруваат.

Здравје

Ќе го надминете преодниот стрес.

Јарец 22.12.-20.1.

Љубов

Веројатно денеска ќе се однесувате весело , како ништо да не ве мачи. Можно е излегување у луда забава без емотивни полнења.

Кариера

Ќе имате голема желба и потртеба за да ги презентирате своите способности , но се уште нема да добиете можност за тоа. Почекајте.

Здравје

Продолжете да го истражувате здравиот начин на живот.

Меѓународен ден за искоренување на сиромаштијата

Гладен, болен, без покрив на главата и соодветна облека. Ова е секојдневието на 52 годишниот Љупчо од Тетово, кој пред камерата на Канал 5 ја раскажа својата животна приказна. 

 Пред две години дошол во Скопје да заработи за корка леб, но животот не му се насмевнал. Сега најчесто прибежиште му е Камениот мост, со надеж дека некој од добронамерните граѓани ќе му даде некој денар за да си купи леб. Љупчо раскажува дека нема никакви примања од државата, ни социјално, ни здравствено и нема како да се лекува.

Тешка е животната приказна и на Стојче Василев од Пробиштип и Марјан Станишовски од Кумановско кои беа дел од одбележувањето на Македонската платформа за борба против сиромаштијата на Меѓународниот ден за нејзино искоренување.

Живеат без струја, вода, во куќи пред распаѓање, а со малата социјална помош што ја примаат не можат да се прехранат, ни облечат своите деца.  Се случува моето семејство воопшто да нема за јадење во денот, раскажува Марјан.

Имаме очекувања од новата социјална реформа, но потребно е уште многу работа за да се намалува бројот на сиромашни и гладни во Македонија, вели претседателката на платформата против сиромаштија, Билјана Дуковска. Смета дека многу е важно да се има здрав и квалитетен социјален систем, особено за заштита на децата од питачење и нивно тргање од улиците.

Според последните бројки од Државниот завод за статистика од 2017 година, стапката на сиромашни лица изнесува 22,2 проценти (450.000 лица), стапкатата на сиромашни вработени лица е 9 %. Тоа значи дека околу 460 илјади граѓани немаат ни за леб, а секој петти Македонец е сиромашен.

„Кросбоу" обединува 12 држави за интеграција на елекричната енергија од обновливи извори

Станува збор за регионалниот проект „Кросбоу" во кој Европската комисија вложи над 17 милиони евра, а вклучени се 24 партнери од 12 држави. 

 Електропреносните систем-оператори, производители на обновливи извори на електрична енергија и научни установи од 12 држави заеднички ќе работат на проект кој ќе овозможи да се интегрира електричната енергија произведена од обновливи извори и да стане конкурентна на регионалниот пазар на електрична енергија на Југоисточна Европа.

Станува збор за регионалниот проект „Кросбоу" во кој Европската комисија вложи над 17 милиони евра, а вклучени се 24 партнери од 12 држави. Нашата земја ја претставуваат Факултетот за електротехника и информатички технологии (ФЕИТ), МЕПСО и ЕСМ.

Целта на „Кросбоу" е да создаде модел за ефикасно управување со производството на електрична енергија од варијабилни обновливи извори на енергија и со капацитети за складирање на електричната енергија, со помош на примена на најнови информатичкo-телекомуникациски технологии.

Проектот беше денеска презентиран пред македонската енергетска јавност. На презентацијата се обратија генералните директори на МЕПСО, ЕСМ и претставник на ФЕИТ, а проектот го претстави професорот Јовица Милановиќ, од универзитетот во Манчестер, Велика Британија, еден од креаторите на овој проект.

-Кросбоу е меѓународен проект на Европската Унија кој почна пред три години со идеја да се испитаат можностите за регионална соработка на електропреносните систем –оператори за максимално искористување на зелената енергија, така што ќе се унапредува потрошувачката и нејзиното складирање, на тој начин што сите учесници ќе имаат финансиска корист. Засега нема регулатива, ниту пазар за енергетско складирање ниту во регионот, ниту во дел од Европа. Ова е прв проект што ја вклучува ЈИЕ и е огромна можност за нашиот регион да покаже предност за развој на нови трговски механизми и да покаже на Европа дека има техничка поддршка, истакна Милановиќ.

Весна Борозан, редовен професор на ФЕИТ при Универзитетот „Св. Кирил и Методиј" истакнувајќи го значењето на регионалниот проект за нашата земја рече дека проекто се фоксура на двата основни тренда во современите електроенергетски системи: децентрализација на производството на електрична енергија во рамки на системот по пат на интеграција на производството на електрична енергија од малите обновливи извори на енергија на пониските напонски нивоа и истовремено, потполно отворање на пазарите на електрична енергија и нивното поврзување во пан-европскиот пазар на енергија и растечката конкуренција.

Според неа овој проект нуди решенија што ќе дадат можност на најмалите, по моќност, учесници на пазарот, вклучувајќи ги домаќинствата и малите електрани да станат конкурентни учесници на пазарот.

Компаниите учесници во проектот МЕПСО и ЕСМ го истакнаа значењето и очекувањата на „Кросбоу" во однос на нивното идно работење.

– МЕПСО ги прифати предизвиците и активно работи на регионални  и на европски проекти. „Кросбоу" е еден од нив. Досега имаме одлични резултати од направените студии. Клучни поенти на кои се фокусира проектот од аспект на работата на систем-оператор се: регионален оперативен центар за балансирање, регионален координативен центар за обновливи извори и за капацитети за складирање и мониторинг систем за набљудување и предупредување. Овој сет на алатки за регионален менаџмент и управување ќе донесе исклучителен напредок во управувањето со преносната мрежа, соопшти Ева Шуклева, генералната директорка на МЕПСО.

Генералниот директор на ЕСМ Васко Ковачевски потенцира дека нивната програма согласно енергетската политика на државата што е усогласена со глобалните енергетски трендови и движења е во иднина само да се зголемува уделот на обновливите извори.

-Во поблиска и подалечна иднина ние само ќе го зголемуваме производството на електрична енергија од обновливи извори. Затоа нам како производител ни е важно да има мрежа што ќе може да го прифати продуктот од тие извори, рече Ковачевски.

Проектот, кој треба да овозможи зајакнување на регионалната соработка помеѓу операторите на електропреносните системи во Југоисточна Европа, ќе понуди решенија за зголемена флексибилност и стабилност на системите, преку подобрено управување со размената на моќност на интерконекциите, како и нови решенија за складирање на енергијата,  подобро управување со комуникациите и други придобивки.

Тие се најбогатите луѓе во Кина

На листите на милијардери и најбогати луѓе на светот навикнати сме да ги гледаме имињата на успешните бизнисмени од Западот, но и Истокот, посебно Далечниот исток има свој адути. 

Секако во преден план се богатите Кинези.

Џек Ма Јун – Алибаба

Секако најпознатиот милијардер од Кина е Џек Ма Јун, еден од основачите на светски познатата трговска онлајн платформа Алибаба.

Џек Ма со членовите на семејството е „тежок“ околу 39 милијарди долари,според податоците на истражувачкиот институт Хурун.

Минатата година Алибаба имала приходи од 56 милијарди долари, како четврта фирма на светската листа, зад Амазон, Гугл, и кинескиот ЈД, во јуни минатата година на берзата вредела 540 милијарди долари. Сега Алибаба вреди 445 милијарди.

Пони Ма Хуатенг – Тенцент

Тенцент е уште една мегауспешна кинеска компанија , основана и водена од Пони Ма Хуатенг, 48 бизнисмен чие богатство е проценето на 37 милијарди долари.

Всушност Тенцент е Азискиот број 1 , тоа е воедно е една од најголемите компании во областа на интернет базиран на технологија во светот.

Су Јиајин – Евергранде

Третиот најбогат човек во Кина е милијардерот од „стар ков“ , кралот на градежништвото и недвижнините 61- годишниот Су Јиајин , сопственикот на Евергранде  има богатство вредно 30 милијарди долари.

Евергранде минатата година била највредната фирма со промет на недвижнини на светот.

Хе Синагијан и Хе Јиангфенг – Мидеа

Мидеа на основачите Хе Синагијан (77 год.) и неговиот син Хе Јиангфенг(52) им обезбедила мирна и богата старост и богатство од 26 милијарди долари.

2Мидеа груп“ е компанија која произведува бела техника и мали домашни апарати, од 2016 година и роботи , посебно откако ја преземала германската компанија КУКА , најголемиот светски производител на роботи.

Су Пиаојанг и Жонг Хуијуан – Јианг Су / Хаснох

Листата на најбогати Кинези  ја завршуваме со три непознати имиња за светската јавност, иако со своите 25 милијарди долари брачната двојка Су Пиаојанг и Жонг Хуијуан има многу повеќе од светски познатиот основач на Тесла, Елон Маск, кој „тежи“ само 22 милијарди.

Целото богатство овој брачен пар го заработил со фармацевските куќи Јуингсу и Хаснох.

Кина инаку според славниот магазин „Форбс“ во 2019 година има 324 доларски милијардери, бројка значително помала од 2018 кога имала 372 –ца милијардери.

притисни ентер