Живот

Фото - Трагедија: Во сообраќајна несреќа во Германија загина српскиот пејач Шабан Шаулиќ

Легендата на српската народна музика  68 годишниот Шабан Шаулиќ  денеска загинал  во тешка сообраќајна несреќа  во Германија. 

Оваа трагична информација за „Новости“ ја пренел зетот на Шабан Шаулиќ, Бата Мирковиќ.

Шаулиќ со автомобил тргнал кон аеродромот кога се случила несреќата. Инаку, автомобилот не го возел Шабан Шаулиќ туку друг човек. Се наведува дека во истиот автомобил бил и купот на популарниот пејач кој е тешко повреден во несреќата.

Несреќата се случила во околината на Билефелд каде Шаулиќ имал настап.

По сообраќајната несреќа Шабан Шаулиќ итно бил пренесен во болница, каде им подлегнал на повредите добиени во тешката сообраќајка.

Според полицискиот извештај две возила, Сеат Ибица и Мазда 6 излетале од патот и удриле во банкината, при што биле повредени три лица.Понатаму било наведено дека сувозачот од автомобилот Сеат им подлегнал на повредните во болница.

Во рамките на истрагата било утврдено дека 34 годишниот возач на автомобилот Мазда 6 кој учествувал во несреќата , инаку граѓанин на Гитерслох во моментот на сообраќајката бил во алкохолизирана состојба.

Автопатот меѓу Дортмунд и Билефелд поради несреќата бил блокиран цели 5 часа.

Свет

Седум лица повредени во руски напад со дронови врз Одеса

Седум лица се повредени, меѓу кои две деца, во напад на руски дрон врз украинското пристаниште Одеса, соопштија украинските власти.

-Во нападот се уништени најмалку 14 станови, изјави градоначалникот на Одеса, Генадиј Труханов, , пренесе агенцијата Униан.

Во текот на ноќта и главниот град на Украина беше цел на руски беспилотни летала, а шефот на градската управа Серхи Попко изјави дека украинската противвоздушна одбрана соборила неколку беспилотни летала испукани од Русија кон Киев, додавајќи дека нема извештаи за штета или повредени во нападот.

Украинската морнарица соопшти дека се уништени четири руски беспилотни летала над јужниот регион Миколаев./МИА

Македонија

ДПИ: Изборните денови 24 април и 8 мај неработни за сите граѓани

 Денот на одржување на претседателските избори, 24 април 2024 година (среда) и на парламентарните избори, 8 мај 2024 година (среда) се неработни денови за сите граѓани на Македонија.

Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат, соопшти Државниот пазарен инспекторат (ДПИ).

Од ДПИ потсетуваат дека овие денови се неработни согласно Заклучокот на Техничката Влада на Република Македонија донесен на Шестнаесеттата седница одржана на 16 април 2024 година.

- За наведените денови Државниот пазарен инспекторат ќе воведе дежурства и преку државните пазарни инспектори ќе контролира дали Заклучокот на Техничката Влада се почитува од страна на работодавачите, се вели во соопштението од ДПИ. /МИА

Свет

Десничарскиот сојуз на Мелони победи на регионалните избори во јужна Италија

Десничарскиот сојуз на италијанската премиерка Џорџа Мелони победи на регионалните избори, се сметаа за тест на јавното мислење пред европските избори во јуни.

Во Базиликата, јужна Италија, кандидатот на десниот центар Вито Барди беше реизбран за регионален претседател со 56,6 отсто од гласовите, наспроти неговиот противкандидат од левиот центар Пјеро Марезе, кој освои 42,1 проценти од гласовите.

Барди, кој е на власт во Базиликата од 2019 година, рече дека „ќе продолжи да биде претседател на сите“.

Во Базиликата живеат околу 540.000 луѓе, а излезноста на гласачите беше 49,8 отсто, излезноста.

Од октомври 2022 година, ултрадесничарската партија Браќата на Италија на Мелони владеат на национално ниво заедно со десничарската популистичка Лига на Матео Салвини и конзервативната партија Форца Италија. Четиринаесет од 20 региони во Италија имаат централнодесничарски влади. /МИА

притисни ентер