Протест на Преспанските јаболкопроизводители, бараат средба со премиерот

 Преспанските јаболкопроизводители денеска на мирен протест кај местото викано Макази го изразија незадоволството од откупот на јаболката и побараа итна средба со премиерот Зоран Заев.

Тие бараат продолжување до 30 јуни 2019 година на интервентната мерка од 3 денари за килограм откупено индустриско јаболко, која важеше до 25 декември лани. Исплаќање на субвенциите за одржување по хектар за 2018 година најдоцна до март годинава заради тековните активности на терен, исплата на штети од доцните пролетни мразови за 2016 година и дел од штетите за 2017 година.

Претседателот на Здружението на овоштари во Преспа Љубе Пампулевски посочи дека во магацините и складиштата на препснаци имало над 50.000 тони јаболка или половина од родот од 2018 година, од кои добар дел би завршиле како индустриско во преработувачките капацитети.

– Откупната цена е пет до шест денари по килограм јаболка за прва класа и не ги исполнува ниту производствените трошоци, кои за минатата реколта изнесуваат околу 8 денари. Просечна сума од осум денари беа трошоците за 2018 година, бидејќи имаше богат род, други години трошоците биле и поголеми, изјави Пампулевски.

Откупот, според него, оди отежнато, со слаба динамика, а имало и периоди кога бил замрен.

* Имаме голема количина јаболка во магацините. Да не се довоедеме во ситуација покрај економската катастрофа да дојде и до еколошка, да ја загадиме околината, но и Преспанското Езеро, рече Пампулевски.

Преспанските јаболкопроизводители бараат и трајно решавање на пласманот со јаболката за во иднина да нема вакви состојби, креирање политика и стратегија на подолг рок, изградба на откупно дистрибутивни центри, формирање задруги, како и банкарска гаранција за откупувачите за да не бидат излажани овоштарите.

Меѓу другото тие се соочуваат и со проблеми со осигурителните компании околу проценките на штетите на терен, а имале и пробелм со промената на критериумите во ИПАРД огласот за набавка на нова механизација.

За време на протестот два часа, односно од 10 до 12 часот беше затворен патниот правец од Макази кон Претор, а кратко беше блокиран и регионалниот пат Битола Ресен.

Трамп: Отворете фабрика во својата земја, затворете ги оние во Кина

Претседателот на САД Доналд Трамп го засили денеска притисокот врз автомобилската компанија „Џенерал моторс“ (GM), повикувајќи ја повторно да ја отвори својата фабрика во Охајо.

„Затворете една фабрика во Кина или Мексико, каде толку интензивно вложувавте во периодот пред Трамп и донесете ги новите работни места дома“ – напишал Трамп на Твитер во пораката упатена до „Џенерал Моторс“.

Во твитот објавен изминатиот викенд, Трамп напишал дека официјалните лица под итно треба да почнат преговори со синдикатот на Обединетите работници на автоиндустријата (UAW) со цел повторно да се отвори или продаде фабриката на „Џенерал Моторс“ во Лордстаун.

 

Пронајдена 16-годишната девојка од Кисела Вода што вчера се оддалечи од домот

Вечерва од страна на полициски службеници е пронајдена 16-годишната О.П., за која нејзината мајка Б.П. (47) вчера во 22.00 часот во Полициската станица Кисела Вода пријави дека се оддалечила од домот.

Како што соопшти Министерството за внатрешни работи, во текот на вечерта, О.П. ќе биде предадена на нејзиното семејство. /МИА

Авиони на ДЗС го гаснеа пожарот на Скопска Црна Гора, исфрлени 35 тони вода

Пожарот што денеска избувна во реонот на Скопска Црна Гора и зафати ниска мешана шума, наложи дејствување на воздухоплови на Дирекцијата за заштита и спасување. 

Беше дејствувано вкупно седум пати со два авиона, при што беа исфрлени 35 тони вода. Авионите дејствуваа во рамки на можностите до самиот крај на денот, додека дозволуваа условите и беше направено се што е во нивна моќ, соопштија од Дирекцијата за заштита и спасување.

Со оглед на фактот, посочуваат од ДЗС, дека никаде во светот не е предвидено да се гасне пожар во ноќни услови, акцијата на нивните воздухоплови траела до зајдисонце.

-Бидејќи, авионите се исклучително скап ресурс и се користат само за непристапни високи предели, апелираме земските служби координирано да дејствуваат на терен, а од воздухопловите да се бара помош само кога има навистина потреба, наведуваат од ДЗС.

Дирекцијата за заштита и спасување воедно упатува апел и предупредување до сите кои работат или се движат на отворен простор да не палат огнови.

-Апелот посебно се однесува на земјоделците кои интензивно се подготвуваат за пролетната сеидба и ги чистат и палат отпадоците и стрништата на нивите. Апелот се однесува и за оние кои се движат и работат во шумите, на излетниците, но и на сите граѓани, зашто доволно е само мала искра за да се потпали околната нискостеблеста вегетација, стои во соопштението од ДЗС.

Пожарот избувна денеска околу 13 часот на местото Црн камен, на потегот Липково, Скопска Црна Гора и селото Матејче. /МИА

притисни ентер