Ветуваа дека ќе донеле правда и мир, а ниту правда ниту мир донесоа, никогаш полошо не се живеело криминалци царуваат со градовите, а оние кои треба да се одговорни за правдата и мирот се најверни коалициони партнери на криминалците, изјави претседателот од ВМРО-ДПМНЕ, Христијан Мицкоски на митингот во Кратово.

Мицкоски нагласи дека законите не важат за сите подеднакво, државата му е украдена на народот и со неа управува мала тесна клика на власта која континуирано ја понижува, ограбува и срами Македонија, како и дека има цикличен артаноиден режим во Македонија.

- Шансата за сето ова да се промени ја имаме на 24 април да излеземе да го заокружиме бројот 2 да ја поддржиме идната претседателка Гордана Силјановска Давкова а потоа уште помасовно на 8 мај, Македонија не само горда, да ја направиме и повторно твоја, рече Мицкоски.

Мицкоски нагласи дека оваа власт ветуваше подобар живот и за земјоделците, за пензионерите, учениците, за здравството, но наместо тоа гледаме да нема загарантиран откуп за земјоделците, да нема учебници за учениците, пензионерите да протестираат за пензии, а во здравството видовме како се запали модуларната и луѓе загинаа, а бевме во првите 5 држави по смртност во корона пандемијата.

Мицкоски се осврна и на ДУИ за кои рече дека ги напаѓа затоа што се криминалци.

Тие ме нарекуваат анти Албанец, не јас сум анти ДУИ криминалците. Ќе зборувам против принципот на владеење „како до сега“ како му рече Ахмети на Ковачевски. Ќе бидам против системот на владеење каде момчиња кои само што се од фамилијата Ахмети купуваат милионски имоти во центрите на градовите, тие кои се дел од тоа семејство и сватови имаат возен парк од неколку милиони евра, а народот нема леб да јаде, нагласи Мицкоски.

Мицкоски посочи дека по 8 мај владата на коалицијата Твоја Македонија предводена од ВМРО-ДПМНЕ има задача сите кои ја ограбија и понижија Македонија да ги прати во затвор, доста беше од овие стотина разбојници кои ја уништија Македонија.

Говорејќи за Пендаровски, Мицкоски потсети како Пендаровски едно зборува наутро, друго на пладне, а навечер ги демантира двете, како и дека во меѓувреме ќе кажува дека Гоце Делчев бил Бугарин, дека ако не бил претседател ќе се селел од Македонија, ќе навредува дама како професорката Гордана Силјановска Давкова.

- Од друга страна имаме титан како професорката Силјановска Давкова која изминативе години ги бранеше македонските национални интереси, заслужува поддршка и историска победа на овие избори. Таа застана заедно со нас во првите редови одлучи за да се бори за Македонија за својот народ, за сите нас за достоинствена просперитетна држава со можности и шанса за секого, истакна Мицкоски.

Мицкоски повика сите масовно да се обединиме на 24 април да му помогнеме на Пендаровски да ги пакува куферите, да гласаме за Гордана Силјановска Давкова, а потоа на 8 мај да ја направиме Македонија и повторно горда и повторно горда и да стигнеме до 61 пратеник, да ја ослободиме Македонија од овие стотина разбојници од ДУИ и нивните измеќари од СДСМ, се наведува во партиското соопштение.

На кафе муабет и спонтани средби со граѓаните, наместо класични митинзи... претседателскиот кандидат од Движењето „За наша Македонија“ Макисм Димитриевски на еден малку поинаков начин ја бара поддршката од граѓаните за иден шеф на државата. Вели дека ваквиот пристап е негово секојдневие како градоначалник и не гледа зошто тоа би се променило доколку ја извршува највисоката државна функција. Вели дека граѓаните најчесто му приоѓаат да му изразат поддршка, но не крие дека има и такви кои доаѓаат и со критика.

„Првата критика ми рекоа да ослабам. Тоа ми е една од главните критики. Друга критика е општа кон сите ниво на власт. Луѓето имаат чувство дека сите се подеднакви и исти, но ние не сме исти и најголем број од барањата на граѓаните кон мене се да останам таков каков што сум и јас им ветувам дека таков претседател ќе имаат во мене, ист каков што бил Максим и во минатото или во моментов додека имплементирам позиција градоначалник на најголемата општина. Таков ќе бидам и од позиција претседател бидејќи сметам дека Македонија заслужува другар-претседател, комшија-претседател, човек од нив – за нив“.

Неговата визија за Македонија е самоодржлива држава на среќни граѓани со повисоки плати и пензии, а не приватзиирана и партизирана држава од големите партии.

„Држава во која личните приходи на секој граѓани, вклучувајќи ги и пензионерите ќе бидат на соодветно виоско ниво. Недозволиво е еден професор во училште да има најниска плата во целиот регион од околу 30.000 денари, едноставно да се обидеме тоа што го имамве до пред 91-година да го вратиме назад. Моралот на народот треба да се крене и љубовта кон својата држава да се врати. На Македонија и е потребен национален триумф. Сакам да гелдам насмеани граѓани и позитивни луѓе. Гледам дека младите не се среќни и мора да им се даде шанса и можности, рпед се на сите првенции на генерациите. Државата мора да им објасни на луѓето во јавната администрација дека терба да бодат во функција на граѓаните, треба да изградиме ситем на вредности“.

Како престедателски кандидат се залага за влез во ЕУ, но не верува дека Македонија ќе стане членка до 2030-та. А доколку седне во Вила Водно најавува бескомпромисна битка со полтичката и корупцијата во судството и афирмација на земјава на меѓународен план.

„Да се сузбие политичката корпуција која е во огромна експанзија и е во својот зенит. Поединци се обидуваат да ја поседуваат Македонија. Но, таа и припаѓа на сите нејзини граѓани, а не на поединци. Во меѓувреме секако земјата да велзе во ЕУ, но влезот нема да дојде како што го највуваа Владата до 2030-та, тоа е чиста манипулација. Ние имаме да отвориме 35 Поглавја, а 34-то е токму она суштинското за јазикот. Но претходно со ова ниво на корупција и криминал во државата никој таму нема да ве прими“.

Максим Димитриевски вели дека не влегол во политика, а уште помалку во претседателската трка само за да и пркоси на партијата во која своевремено и тој беше член, туку за да победи. За поклопувањето на дел од неговата предизборна програма со некои од ветувањата на двете најголеми политички партии, Димитриевски вели дека за разлика од нивните, проектите кој тој ги ветува се со конкретни датуми и рокови, а не само празни ветувања.

„Јас во оваа трка сум за да станам претседател на државата, бидејќи сметам дека Македонија треба да има независен претседател, кој што нема да зависи, ниту да должи на политички субјекти, туку ќе има обврска единствено кон граѓаните и ќе биде заштитник на граѓаните и на Уставот. Многу сме различни, не сме по ништо исти. Нашите решенија се конкретни – со конкретни рокови, а мило ми е што има и голем број на плагијати од нивна страна бидејќи ако се сеќавате јас сум првиот кој го даде решението како да се надмине спорот со соседна Бугарија и внесување на Бугарите во уставот. Ние немаме ништо против бугарскиот народ. Нам ни смета негацијата која што доаѓа од Софија. Ни смета што недостасува реципроцитет и дополнителни ни смета што сето тоа го правиме под притисок. Ќе мора одредени наши европски партнери да се подосвестат и многу посериозно да го видат проблемот, бидејќи ќе мора да биде решен на релација Скопје-Софија со посредништво на меѓународниот фактор“.

Димитриевски вели дека е единствениот претседателски кандидат на кого му се вршат притисоци пред изборите преку монтирани случаи против него. Но порачува дека на тој начин нема да го дикредитираат, ниту да го демотивираат – напротив ќе се бори уште посилно и во кампањата и на денот на изборите. Очекува бројот 7 на гласачкото ливче на 24-април најпрво да му донесе влез во вториот круг, а потоа и можна победа на претседателските избори.

На профилот стои дека сакал археологија, а нуди совети за купување детектор за метал и „толкување на антички симболи“.

Во споменатото видео гледаме група луѓе кои со голема мака ја поместуваат карпата од земја, користејќи трактор и синџири, а потоа почнуваат да копаат.

Потоа вадат старо грне, во кое што ги чека големо изненадување, пренесува Times Now News.

Садот е полн со злато, а на врвот ги чекала жива змија!

По првичниот страв, луѓето го превртеле грнето, а внатре имало куп монети и други вредни предмети. Навистина, сè изгледало како неверојатно откритие додека не се појавил еден „ситен“ детал.

View this post on Instagram

A post shared by خرید فلزیاب | طلایاب | گنجیاب (@felezyabie)

Имено, многу корисници се посомневале дека видеото е монтирано, односно лажно. Најмногу им пречело тоа што во закопаното грне имало жив рептил.

И додека коментарите се нижат, сопственикот на профилот проговори и објасни:

„Почитувани пријатели, ова видео има за цел да ја запознае јавноста со процесот на истражувачот. Никој не рече дека е реално, зошто сите навреди и пцовки“.