Влада: Меѓуресорска работна група донесе одлука за обврските од Преспанскиот договор

Меѓуресорска работна група за извршување на обврските од конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба. 

По оддржаниот прв состанок, Меѓуресорската работна група за извршување на обврските од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба од 1995 година и за воспоставување на стратешко партнерство меѓу страните, ги донесе следните одлуки во врска со потребните мерки и активности за извршување на обврските на Република Северна Македонија по влегувањето во сила на Конечната спогодба и Уставните амандмани и Уставен закон на 11 јануари 2019, денес на 12 февруари 2019, со индикативни временски рокови за нивна реализација:

Царинската управа да стави налепници на таблите на граничните премини, државната граница на Република Северна Македонија и на двата аеродроми во Република Северна Македонија, во рок од 3 дена;

Секторот за односи со јавност при Владата на Република Северна Македонија во рок од 7 дена да изработи Книга на графички стандарди со која ќе утврди стандарди за визуелен приказ на уставното име Република Северна Македонија во склоп со државниот грб како лого кое го користат државните институции за јавните табли на влезот од сите институции.

Генералниот секретаријат во рок од 7 дена да изготви софтвер кој ќе ги содржи сите институции од државно и локално ниво, како и димензиите на јавните табли. Промената на сите табли, на централно и локално ниво, да се заврши во рок од 4 месеци.

Сите институции да извршат промена на сите дигитални записи (логoа, меморандуми, електронски комуникации, веб страни, медиуми итн.) во рок од 3 дена.

Сите институции треба соодветно да ги изменат меморандумите, печатените материјали, папките, индикаторите, во рок од 2 недели. 

Министерството за надворешни работи, да ги замени таблите во министерството како и печатите и штембилите во министерството во рок од 2 недели, а во дипломатско-конзуларните претставништва во рок од 3 недели.

Министерството за внатрешни работи да започне со издавање на нови регистерски таблички, во рок од 4 месеци. Во меѓувреме, како преодно решение, МВР ќе обезбеди налепници со ознака ‘NMK”  за регистерските таблички на возилата. 

 Министерството за внатрешни работи да ги преземе потребните мерки и активности за спроведување на решение во преодниот период до создавање технички претпоставки за издавање на нови патни исправи. Издавањето на нови пасоши да започне од крајот на 2019г. Во преодниот период, Министерството за внатрешни работи при излез од или влез во Република Северна Македонија, во постојните и новоиздадените во преодниот период патни исправи ќе биде ставен печат кој ќе појасни дека патните исправи припаѓаат на Република Северна Македонија.

Народната банка, со оглед на комплексноста на постапката, да направи анализа и план на неопходните активности за постепена замена на банкнотите, со оценета временска динамика, во рамките на редовните нови емисии, водејќи сметка за макроекономската стабилност; првите нови банкноти со новото име на Народната банка би можеле да бидат изготвени на почетокот на 2020г. и потоа, сукцесивно, да бидат целосно заменети најдоцна во рок од 5 години од отварањето на релевантното ЕУ поглавје.

Сообраќајните знаци на меѓународните патни правци во земјата, давајќи предност на ендонимите (во англиска транскрипција) врз егзонимите (на македонски јазик во кирилско писмо) да се променат во рок од 2 месеци.

Во рок од 6 месеци да се направи преглед и ревизија на статусот на спомениците, јавните згради и инфраструктура и доколку се однесува на античката хеленска историја и цивилизација како дел од историското наследство на Грција, да се преземат соодветни корективни мерки и активности. 

Во рок од 6 месеци, да се пристапи кон отстранување на симболот истакнат на поранешното национално знаме од целиот јавен простор и јавна употреба. Археолошките артефакти се изземени, се наведува во соопштението од Владата.        

Ердоган : Турција до март ќе ги потисне сириските сили

Турскиот претседател Реџеп Таип Ердоган изјави денеска дека Турција планира да ги потисне сириските владини сили од Идлиб во северозападна Сирија до крајот на февруари.

Говорејќи пред пратениците на владејачката АК партија, тој рече дека се надева оти употребата на воздушните сили во северозападна Сирија ќе биде решено наскоро, пренесува Ројтерс.

За Русија се известува дека го контролира воздушниот простор и ги напаѓа секојдневно бунтовниците поддржани од турските сили во знак на поддршка на сириските сили.

Малолетници планирале масовно убиство во Русија

Во рускиот град Саратов приведени се двајца тинејџери, заради сомнеж дека планирале напад на образовна установа, соопшти руската Федерална служба за безбедност.

Како што утврдила руската Федерална служба за безбедност двајцата малолетници се руски државјани родени 2005 година, а тие преку социјални мрежи пропагирале идеологија за масовни убиства, пренесе „Спутник“.

Припадниците на Федералната служба за безбедност ги уапсиле во едно напуштено засолниште каде криеле ловечка пушка.

„Утврдено е дека при нападот освен со огнено оружје планирале да користат и домашни експлозивни смеси, кои ги подготвувале според упатства од интернет“, се додава со соопштението.

Истражниот комитет на Сатаровската област покренал кривична постапка против група лива заради подготовка на убиства на повеќе луѓе според претходна завера.

Претходно Федералната служба за безбедност соопшти дека у Керч спречиле подготовка на два терористички напади на образовни установи и дека заради тоа исто така се уапсени двајца тинејџери. Од нив се одземени домашни експлозивни направи со ударни елементи.

Отворена изложба „Училиште во парк" на Архитектонскиот факултет и Општина Центар

Четиринаесет архитектонски трудови, изработени од студентите на Архитектонскиот Факултет, во соработка со стручните служби во Општина Центар, од вчера се изложени на увид на јавноста во новоотворениот културно социјален простор „ЈАДРО" во општината.

Изложбата ја отвори градоначалникот на Центар, Саша Богдановиќ, поздравувајќи ги присутните и посакувајќи им успех на учесниците.

Како дел од проектот „Училиште во парк", студентите по архитектура и стручната општинска администрација изминатиот период изработија идејни архитектонски решенија за таканаречен центар за деца од претшколска возраст и основно образование. По завршување на изложбата, општинска комисија ќе ги разгледа сите предложени проекти и ќе го избере најдоброто решение, кое ќе се изведе кај спортското игралиште „Партизан", во Градскиот Парк.

Проектот за центарот за деца од претшколска возраст и основно образование вклучува изведба на градинка и основно училиште, со зачувување на постојното спортско игралиште. При изработката на трудовите од страна на авторите беше запазено просторот за најмладите да биде функционален, но истовремено и атрактивен.

Изложбата на трудовите ќе трае до 3-ти март, во КСП „ЈАДРО" (Урбана заедница „Дане Крапчев"), прв простор од ваков тип, кој по пат на јавно приватно партнерство функционира како центар наменет за реализирање на програмите на независната културна сцена, но и на поширокиот граѓански сектор, во кој можат да ги развиваат своите идеи, особено во областа на култура

притисни ентер