Села: Сериозно размислуваме за заеднички кандидат Албанец за претседател на Македонија

Лидерот на Алијансата за Албанците, Зијадин Села, гостувајќи во емисија на тиранската телевизија Ора њуз, рече дека „албанските партии во Македонија сериозно размислуваат за заеднички претседателски кандидат".

– Секако тој процес е во тек. Ние следиме како се одвива ситуацијата во мнозинскиот кампус. Албанските гласови не треба да течат во насока кон кандидатите кои произлегуваат од македонските политички субјекти. Ние сериозно размислуваме да имаме наш кандидат Албанец, бидејќи Албанците заслужуваат да гласаат за Албанец, изјави Села.

Додава дека се уште не се созреани условите за кандидат Албанец кој ќе го подражат и македонските партии.

– Се уште не се созреани условите да имаме кандидат Албанец подржан од македонските партии. Напорите што ги прави СДСМ, наводно, предводејќи се од мотото едно општество за сите, пред себе ја гледа идејата за третирање на Албанците како една колонија. Албанците не добиваат повеќе од четири отсто од инвестициите, рече Села.

Тој и со оценка дека во Македонија „живееме како две посебни општества".

– Таму живееме како две посебни општества. Културните разлики се тие кои се наметнуваат. И до ден денес, постојат Албанци кои издржуваат затворски казни во монтирани процеси кои се од претходниот систем. За жал, правдата за Албанците е со два стандарди, а да не зборуваме за колективните права, оценува лидерот на Алијансата за Албанците, Села./MИА. 

Врнежи до задутре, од сабота нов влажен бран

За денеска се најавени врнежи од дожд, пообилни  во западните и јужните делови, каде се очекуваат над 25 литри дожд на метар квадратен. 

Преодно стабилизирање на врнежите од дожд кои од попладне на планините и на некои повисоки места ќе преминат во снег ќе има задутре, а в петок кон крајот на денот и в сабота се очекува нов влажен бран со врнежи од дожд, а на планините од снег, покажува прогнозата на Управата за хидрометеоролошки работи (УХМР).

За денеска се најавени врнежи од дожд, пообилни  во западните и јужните делови, каде се очекуваат над 25 литри дожд на метар квадратен. Попладне и во текот на ноќта на планините и на некои повисоки места тие ќе преминуваат во снег.  Ќе дува слаб доумерен, кон крајот на денот повремено засилен ветер од северен правец. Максималната температура ќе биде во интервал од пет до 11 степени

Утре времето ќе биде претежно облачно и постудено со врнежи од дожд, а на планините и на некои повисоки места од снег, особено претпладне.Преодно стабилизирање ќе има в четврток, а во петок кон крајот на денот и во сабота се очекува нов влажен бран со врнежи од дожд, а на планините од снег, стои во прогнозата на УХМР.

Минимални температури до минус три степени се очекуваат в  четврток и в петок, а дневните ќе се искачат до 11 односно 13 степени.

Пленарната седница за Буџетот на 16 декември, годишното обраќање на Пендаровски на 18-ти

Ова било договрено денеска на редовната средба на координаторите на пратеничките групи со претседателот на Собранието Талат Џафери.

Собраниската седница за Буџетот за наредната година ќе почне на 16 декември. Парламентот за утре има закажано уште една редовна пленарана седница, а на 23 декември најверојатно ќе има уште една на која треба да бидат разгледувани заостанати закони и закони кои допрва пристигнуваат во собраниската архива.

Ова било договрено денеска на редовната средба на координаторите на пратеничките групи со претседателот на Собранието Талат Џафери.

До крајот на годината се закажани уште две седници и тоа на 18 декември на која ќе биде редовното годишно обраќање на претседателот на државата Стево Пендаровски, и на 26 декември, кога ќе биде последната седница за поставување пратенички прашања за годинава.

Во Собранието денеска има закажано повеќе комисиски седници, но почетокот на најголем дел од нив доцни по повеќе од еден час. Причина за тоа, како што велат пратениците, е координацијата на пратениците од опозициската ВМРО-ДПМНЕ и тоа што поради закажаните седници на повеќе комисии пратениците не можат да стасаат да присуствуваат на некои од нив па се чека за кворум.

Истовремено, како што наведуваат од Собранието, до законодавниот дом се пристигнати или пристигнуваат и нови законски предлози од Владата. Голем дел се усогласувања со новиот закон за прекршоци. Се уште нема информација за тоа за колкав број закони станува збор. 

Дане Талески кандидат за амбасадор во НАТО

Советникот за надворешна политика на премиерот Зоран Заев, Дане Талески е кандидат за амбасадор во НАТО, потврдија владини извори.

Кандидатурата на Талески, министерот за надворешни работи Никола Димитров ќе ја достави на владина седница в четврток.

Амбасадорското место во НАТО досега не беше пополнето, а Заев и Димитров изминатиот период говореа дека во моментов кога земјата е пред прагот на полноправно членство во Алијансата, пополнувањето на ова место е клучно.

Земјава се очекува мошне брзо да стане и официјална членка на НАТО, уште една ратификација, онаа на шпанскиот Парламент ја  делат од полноправното членство.

притисни ентер