МЛС: Потврдени намерите за отворање нов граничен премин со Грција во Преспанскиот регион

На состанокот била потврдена намерата на двете земји реализацијата на овој стратешки проект да започне што побргу, во интерес на жителите на двете страни од границата. 

  

 Работни групи на техничко ниво од Република Македонија и од Република Грција, како и претставници на Делегацијата на Европската Унија, денеска во Скопје оддржаа состанок на кој се разговараше за подготвителните активности за отворање на нов граничен премин во месноста Маркова Нога и на територијата на населеното место Лемос на грчка страна, во Преспанскиот регион, информира Министерството за локална самоуправа.

На состанокот била потврдена намерата на двете земји реализацијата на овој стратешки проект да започне што побргу, во интерес на жителите на двете страни од границата. Средствата за изградба на граничниот премин ќе бидат обезбедени од ИПА Програмата за прекугранична соработка меѓу Република Македонија и Република Грција во вредност од околу четири милиони евра.

– Отворањето на овој граничен премин ќе ги зајакне врските меѓу двете земји и ќе ја олесни комуникацијата и движењето на луѓе и стоки. Во духот на европските вредности, прекуграничната соработка подразбира намалување на бариерите за соработка меѓу земјите и луѓето во регионот, заради обезбедување на услови за подинаминачен развој. Станува збор за прекуграничен регион, што стагнира во развојот. Убеден сум дека со наша иницијативност и со подршка од Европската Унија, ќе успееме да создадеме услови овој приреден потенцијал да биде ставен во функција на развојот на регионот и на граѓаните кои што живеат на двете страни од границата, рекол на состанокот министерот за локална самоуправа, Сухејл Фазлиу.

Изградбата на граничниот премин треба да заврши до 2023 година, а ќе претходи административна процедура што вклучува и членство на сите надлежни институции, министерствата за надворешни работи, за внатрешни работи, за транспорт и врски, за заштита на животната средина, како и царинските управи.

Од страна на Министерството за надворешни работи веќе се подготвува основниот документ кој што според ИПА правилата ќе биде трилатерален меѓу Република Македонија, Република Грција и Република Албанија.

Албанија е вклучена поради тоа што Европската Унија проценува дека овој граничен премин ќе има директно влијание на економскиот развој на целиот регион. Се очекува документот да влезе во владина процедура до крајот на месецот, по што мешана комисија на техничко ниво ќе ги договара другите детали што треба да бидат усогласени согласно процедурите во трите земји. ИПА Програмата за прекугранична соработка меѓу Република Македонија и Република Грција е во вкупна вредност од 40 милиони евра, од кои 10 отсто се резервирани за реализација на овој стратешки проект.

Минатата година во рамките на оваа програма беа склучени договори за финансирање на 40 други проекти во вкупна вредност од 30 милиони евра. До крајот на програмскиот период се планира уште еден јавен повик за проекти во вкупна вредност од шест милиони евра на кој што ќе можат да аплицираат невладини организации, општини, институции и други непрофитни субјекти.

В петок возилата на јавниот превоз по неделен возен ред

По повод претстојните велигденски празници, в петок, 26 април, возилата од јавниот превоз ќе сообраќаат по неделен возен ред.

По повод претстојните велигденски празници, в петок, 26 април, возилата од јавниот превоз ќе сообраќаат по неделен возен ред, со исклучок на автобусите на линиите 11, 11А, 18 А, 32, 47А, 51, 55, 55В, 56, 56А, 64А, 65А, 70, 74, 80А, 81, 118, 160, 180, што ќе возат по делничен возен ред.

Во сабота 27 април, недела 28 април, и понеделник 29 април, автобусите на сите линии ќе сообраќаат по неделен возен ред, соопшти ЈСП.

Автобусите по неделен возен ред ќе сообраќаат и во среда на 1 Мај-Меѓународниот ден на трудот.

Жичарницата на Водно ќе работи вообичаено сите празнични денови од 10 до 18 часот, а автобусите што сообраќаат до Средно Водно 25 (Транспортен центар-Средно Водно), 25А (Автомакедонија-Средно Водно) и 25Б (Дом на печат-Средно Водно) в понеделник, 29 април, ќе возат по неделен возен ред.

Жичарницата во вторник, 30 април, нема да работи. /МИА

Во МАНУ предавање на Луис од Оксфорд, за примената на информатички алгоритми

Примената на информатичките алгоритми за да се појасни ефикасноста на длабокото учење, е темата на денешното предавање на професорот Ард Луис од Универзитетот Оксфорд.

Примената на информатичките алгоритми за да се појасни ефикасноста на длабокото учење, е темата на денешното предавање на професорот Ард Луис од Универзитетот Оксфорд, во организација на Истражувачкиот центар за компјутерски науки и информатички технологии при Академијата на науките и уметностите на Република Северна Македонија – МАНУ.

Професорот Луис предава теоретска физика на Универзитетот во Оксфорд. Неговата истражувачка група работи интердисциплинарни истражувања, на границата меѓу теоретска физика и хемија, применета математика и биологија.

Заедно со неговата истражувачка група, работат во полето на комплексно однесување што се појавува како резултат на интеракција меѓу различни објекти. Специфични области кои се од интерес вклучуваат биолошки системи како на пример различни проблеми поврзани со ширење на вирус, наноструктура на ДНК, еволуција на генетски мрежи.

Едно од неговите хобиа е молекуларна гастрономија, која е применета наука во уметноста на готвењето. Неговиот Erdos-Bacon број е 6. /МИА

Заев: Имаме докази и одлуки за затворски казни

Единствената калкулација им е да стигнат повторно на власт за да докрадат тоа што не докрадија, а велат дека се сега новодојдени од ВМРО-ДПМНЕ и за да „штанцаат" аболиции и амнестии на бандитите и криминалците.

Но, со Стево Пендаровски ќе има правда, рече премиерот и претседател на СДСМ, Зоран Заев на вечерашната трибина во центарот на Прилеп.

Тој истакна дека ветува дека колку и да е независен судскиот систем, мора да носи пресуди, да носи одлуки.

– А паднаа одлуки во тешки времиња кога се преговараше во Парламентот за двотретинско мнозинство. Паднаа и паѓаат одлуки. Имаме одлуки на првостепени судови, имаме и правосилни одлуки за кривични дела затворски казни, потврдени од Апелација. И ќе има одлуки, зашто има докази. Ќе види цела Македонија, а и ќе види целиот свет, зашто постојат и материјални и аудио докази. Сите го знаат тоа. И ќе нема застанување, зашто тоа е ставање ред и поредок, владеење на правото, законот да важи еднакво за сите. И ќе важи, нагласи Заев.

притисни ентер