Вчера во Скопје казнети 73 возачи за брзо возење

Во текот на изминатото деноноќие во Скопје санкционирани се 73 возачи за брзо возење.

Во текот на изминатото деноноќие во Скопје санкционирани се 73 возачи за брзо возење, двајца биле под дејство на алкохол, 13 пред да се стекнат со право на управување на моторно возило, како и еден почетник, покажуваат податоците од билтенот на СВР Скопје.

Во текот на изминатите 24 часа во Скопје се случиле вкупно четири сообраќајни незгоди, од кои во две со лесни телесни повреди се здобиле две лица и во две е причинета материјална штета.

Сообраќајната полиција издала 100 казни за непрописно паркирање, а со специјалното возило „пајак" подигнати се 78 возила.

Од сообраќај се исклучени едно техничко неисправно возило и 15 нерегистрирани возила. На црвено светло поминале пет возачи, едно лице не носело зимска опрема во возилото, 30 за не носење сигурносен појас и 33 користеле мобилен телефон.

Санкционирани се и пет пешаци кои поминале коловоз вон пешачки премин и двајца пешаци кои поминале коловоз на црвено светло.

Одделението за превенција денеска ќе реализира посебна воспитна сообраќајна мерка на која ќе присуствуваат граѓани кои направиле прекршоци по разни основи во својство на возачи. /МИА

Вејсели: Посакувам да се опаметат , Реџепи е поглавар на ИВЗ

Членот на ријасетот на ИВЗ , Мухамед Вејсели вели дека не може судот да именува поглавар на Исламската верска заедница

Нема оставка , крајниот збор го има ријасетот на ИВЗ , вели членот на ријасетот и директор на Агенцијата за Халал , Мухамед Вејсели  по веста дека поглаварот на ИВЗ, Сулејман Реџепи со судска одлука не е веќе прв човек на ИВЗ.

Реџепи ќе ја врши функцијата се додека ја има довербата од ријасетот на ИВЗ, вели Вејсели.

Според Вејсели , не може да се именува поглавар на ИВЗ со судска одлука. ИВЗ е самостојна автониомна институција и согласнио Уставот на ИВЗ ниеден орган не може да одлучува кој ќе биде поглавар. Ќе се одржи седница на ријасетот на ИВЗ. Сите муфтии се членови на ријасетот и затоа треба време да пристигнат.  

Претходно , со одлука на Основниот суд Скопје 2 , Скендер Бузаку е нов поглавар на ИВЗ наместо реис ул улемата Сулејман Реџепи.

Бомбашот што уби стотици во црква во Шри Ланка застана за да погали девојченце (ВИДЕО)

Полицијата на Шри Ланка објави видео од безбедносните камери , на кое се гледа движењето на еден од бомбашите, кои уби стотици верници среде Велигденската миса во неделата наутро.

Експлозијата што ја предизвика бомбашот на снимката е најсмортоносната , зашто тој со експлозивот во ранецот седна меѓу верниците во црквата, за по неколку минути дас е разнесе и себеси и сите околу него.

На снимката се гледа маж во ранец како се движи кон црквата. Додека оди , пред да влезе здогледува девојченце и го погалува. Потоа седнува меѓу верниците и ја активира бомбата.

Во бомбашките напади во неделата во три цркви и хотели загинаа 321 верник , од кои 45 се деца. над 500 се повредени од кои над 400 се во болници и голем број од нив се во критична состојба.

Интервју со Билјана Ивановска, првиот човек на ДКСК

Вечерва во „Само вистина“ гостин беше Билјана Ивановска, првиот човек на ДКСК.

Слабата законска регулатива генерира непотизам – мора да најдеме начин како да го промениме системот за да не се пречекоруваат законите кога се вработува во државните фирми, вели Ивановска.

Со новиот закон како институција имаме повеќе ингеренции, но не е доволно. Ни недостасува повеќе кадар кој ќе биде доброквалификуван и повеќе средства со кои ќе располагаме, вели претседателката на ДКСК.

Не ме плаши позицијата прв човек на Антикорупциска. Се надевам дека ќе се зголеми свеста за системот на вредности и дека чесноста конечно ќе стане во мода,  заклучува Ивановска.

Погледнете ја целосно вечерашната емисија „Само вистина“ овде.

притисни ентер