СДСМ: Продолжува грижата за земјоделците, нови програми и поголема поддршка за конкурентно земјоделско производство

Владата предводена од СДСМ останува посветена на мерките што обезбедуваат повеќе пари кај земјоделците и развој и унапредување на земјоделството.

Се надминува долгогодишен проблем со неплатеното грозје на лозарите од Тиквешкиот регион. Државата обезбеди 1.5 милиони евра за исплата на долгот на приватните винарници кон лозарите за предадениот род во периодот 2014 – 2016 година.

За првпат се воведува мерката „Зелена нафта" односно кофинансирање на трошоците од 30 отсто за набавка на нафта за земјоделска механизација. Со оваа мерка ќе бидат опфатени 55.000 земјоделци, а за нејзина реализација обезбедени се 200 милиони денари.

Се зголемува поддршката за малите земјоделски стопанства под 1 хектар. Субвенциите за земјоделците кои имаат до 0,5 хектари земја изнесуваат 6.000 денари по хектар, односно 12.000 денари за оние што имаат од 0,5 до 1 хектар земја. Мерката опфаќа 13.000 земјоделци, а преку неа се враќаат 130 милиони денари кај земјоделците.

Се зголемуваат и субвенциите за јаболкопроизводителите од 33.000 на 41.000 денари по хектар, а значително поголеми субвенции ќе добијат и производителите на ориз. Финанската поддршка за оризопроизводителите ќе се зголеми од 12.000 на 25.000 денари по хектар со користен сертифициран семенски материјал, односно од 6.000 на 18.000 денари по хектар без задолжителна употреба на сертифициран семенски материјал.

Обебзедено е значително зголемување на субвенциите и за сточарите, поледелците и градинарите.

Владата предводена од СДСМ останува посветена на реализација на мерките што обезбедуваат развој на земјоделството, зголемена конкурентност, сигурен пласман и квалитетно производство. /МИА

Во карантин македонски државјани кои дошле од Авганистан, дел од нив позитивни на Ковид-19

Македонски државјани кои пристигнале од Авганистан се сместени во карантин бидејќи меѓу нив имало позитивни лица на Ковид 19, потврдија за МИА од Министерството за здравство.

– Македонски државјани се пристигнати од Авганистан. По добиени информации дел од нив се позитивни. Поради безбедност на граѓаните, во консултација со Комисијата за заразни болести и Државниот санитарен и здравствен инспекторат, вечерва ќе бидат во карантин, а утре епидемиолог ќе одлучи што понатаму, наведоа од Министерството за здравство. /МИА

Фото: Ким Кардашијан драстично го промени изгледот

Најпознатата американска старлета Ким Кардашијан драстично го променила својот изглед.

Ваква боја на косата Ким немала никогаш.

За само неколку дена по трет пат е главна тема во светскиот шоу-бизнис. Прво јавноста дозна дека Ким и нејзиниот сопруг Канје Вест станале милијардери, потоа дека можеби тие двајца наскоро ќе влезат во претседателскиот кабинет. Сега Ким е актуелна во медиумите поради тоа што станала црвенокоса.

Популарната старлета со бујни облини на својот профил на Инстаграм објавила селфи на кое ја по прв пат ја покажала новата боја на косата.

Видео: Китови во Јадран!?

Во близина на брегот на Јадранското море во Хрватска забележани биле две големи суштества, два кита.

Залутаните китови предизвикале страв меѓу туристите во Корчула. Китовите пливале на околу 150 метри оддалеченост од брегот во близина на стариот град во Корчула.

Огромните цицачи кратко пливале крај брегот и потоа го продолжиле својот пат кон отвореното море.

Појавата на китови во близина на брегот предизвикала страв меѓу туристите.

-Некои коментирале дека веќе нема да влезат во морето и да пливаат.

Покрај во Корчула китовите биле видени и од месното население и туристите во Ново Винодолско.

притисни ентер