Британија и Бугарија со заедничка истрага за труењето со нервен отров

Бугарија ја истражува поврзаноста на труењето на шпионот Скрипал со нервен отров со труењето на трговец со оружје во Софија.

Бугарскиот државен секретар Сотир Цацаров изјави денеска дека Сергеј Федотов , осомничен за труењето на рускиот двоен шпион Сергеј Скрипал со нервен гас во Британија , три пати ја посетил Бугарија во 2015 .

Една од посетите на Федотов се поклопува со труењето на бугарскиот трговец со оружје , Емилијан Гебрев во април 2015. Лани во октомври дел од руските медиуми објавија дека Федотов е агент на руската воена разузнавачка служба ГРУ и третоосомничен за труењето на Скрипал во Британија.

Како што изјави денеска Цацаров , бугарските истражители собрале важни докази за престојот на Федотов во Софија во врска со истрагата за труењето на трговецот со оружје.

Москва ги отфрла наводите за каква било поврзаност со труењето на Скрипал , или на Гебрев или за нивна поврзаност со Федотов.

Британската амбасадорка во Софија , Ема Томсон денеска изјави дека Британија продолжува со блиската соработка со Бугарија.

СИРИЗА: Атина е пасивен набљудувач на одлуките што другите ги носат за грчкото соседство

Пратениците на СИРИЗА, Јоргос Катругалос и Сиа Анагностопулу, надлежни за надворешна политика и европски прашања, ја обвинија актуелната грчка Влада за пасивност во однос на европската перспектива на Македонија и Албанија.

Како што jави дописничката на МИА од Атина, Катругалос и Анагностопулу во заедничката писмена изјава за исходот од Самитот на ЕУ, коментираат дека грчката Влада била „пасивен набљудувач на одлуките што другите ги носат за нашето соседство", додавајќи дека дури и Данска и Холандија биле поактивни отколку Грција.

– Владата на Нова демократија, следејќи ја пасивно германската позиција за поврзување на пристапните преговори на Албанија и Македонија, за три месеци, ниту презеде каков било дипломатски притисок врз Албанија за решавање на отворените прашања на грчкото национално малцинство, ниту секако не го искористи Договорот од Преспа за промоција на улогата на Грција како во ЕУ, така и на Балканот, како столб на стабилност и мир. Резултатот беше Данска и Холандија да имаат поактивна улога во консултациите за Западен Балкан отколку Грција, велат поранешниот шеф на грчката дипломатија Катругалос и поранешната алтернативна министерка за надворешни работи Анагностопулу. /МИА

Зашов: Макрон со одлуката сака да се промовира во нов лидер на ЕУ

Каква порака испрати Брисел до Македонија и западниот Балкан со недоделувањето преговори.

Поткопан ли е сериозно кредибилитетот на европската унија, особено по контроверзната изјава на Макрон дека Балканот и не мора да биде интегриран во унијата. Михаела Димовска разговараше со екс амбасадорот во Франција, Благој Зашов.

Цакај: Предвремени избори во Македонија не се заради неуспехот со преговорите

Албанскиот министер за Европа и надворешни работи Гент Цакај оцени дека „предвремените избори во Македонија не се поради неуспехот да се отворат преговори со ЕУ".

Тој нагласи дека „во соседната земја" од поодамна се дискутирало за предвремени парламентарни избори, додавајќи дека предлогот на премиерот Зоран Заев „не е поврзано со одлуката на Советот на Европа".

– Дискусијата за предвремени избори во Македонија е од многу порано. Вие не можете да ги поврзете процесите. Предлогот за предвремени избори не е последица на одлуката на Советот, изјави Цакај на прес-конференцијата во Министерството за надворешни работи, одговарајќи на новинарско прашање околу можноста за предвремени избори и во Албанија.

Цакај, исто така, изјави дека „во Македонија имало ветувања дека овој процес (отворање на преговори) неизбежно ќе се случи", додека албанската Влада „не го гарантирала тоа".

Инаку, обраќањето на премиерот Заев се најде во ударните термини на сите албански медиуми, со посебен акцент на предлогот за предвремени избори и решителноста да се продолжи со реформите. /МИА

притисни ентер