Албанската Законодавна парламентарна комисија го подржа Протоколот за членство на Македонија во НАТО

Законодавната парламентарна комисија на албанскиот Парламент едногласно го подржа Протоколот за членство на Македонија во Северноатлантската алијанса.

– Членовите на Комисијата од власта и од опозицијата, по долг период за првпат се одногласни околу едно прашање а тоа е изгласувањето на Протоколот, со кој се отвора патот за Северна Македонија да се приклучи во НАТО како 30-та членка, наведуваат албанските медуми.

Со денешното гласање на Протоколот од страна на Законодавната комисија му се дава зелено светло на Собранието да го ратификува Протоколот, што ќе се случи во четврток, за кога веќе е закажана седница.

Агенцијата „Балкан веб"  јави дека на собраниската седница во Албанија се очекува да присуствува претседателот на Собранието Талат Џафери.

Четврток, како можен ден за ратификација на Протоколот го посочи и претседателот на албанскиот Парламент Грамоз Ручи на средбата со македонскиот амбасадор Данчо Марковски.

– Првиот можен датум за ратификација е следната седмица, 14 февруари 2019 година, за кога е закажана седница на Собранието, изјави Ручи.

Имено, албанските власти го поздравија потпишувањето на Протоколот за членство на Македонја во НАТО оценувајќи го како чин на гаранција за безбедноста и стабилноста во регионот./MИА

Општина Гостивар ги укина службените мобилни телефони

Трошоците за претплата, разговори и други услуги на над 50 телефонски броеви нема повеќе да ги плаќа општина Гостивар. 

Во иднина, службените телефони ќе станат приватни и фактурите ќе си ги плаќаат самите службеници.

Укинувањето на поволностите ги најави градоначалникот Арбен Таравари преку својот „Фејсбук" профил како дел од кампањата „Да го штедиме буџетот".

– Ниеден вработен во општина Гостивар, од почеток на август 2019, нема да користи службен телефон. #ДаГоШтедимеБуџетот, стои во постот на Таравари.

Според секретарот на општина Гостивар, Назми Јусуфи, договорот со досегашниот мобилен оператор не е продолжен и нема да се склучува нов.

– Броевите кои беа опфатени со договорот, во иднина ќе бидат приватни и лицата кои досега ги користеа сами ќе си ги плаќаат трошоците. Овој потег е во рамки на кампањата за штедење и намалување на трошоците. Досега за трошоците за мобилни услуги, општината плаќаше над сто илјади денари месечно. Од овој месец сите вработени сами ќе ги плаќаат сметките, изјави Јусуфи за МИА.

Според досегашната пракса, поголем дел од вработените, раководителите на сектори и други служби кои се под надлежност на локалната самоуправа, користеа службени телефони. За оваа намена на годишно ниво од општинската каса се одлеваа близу 20 илјади евра. /МИА

Иран предупредува: И ние би можеле да се однесуваме непредвидливо како САД

Иранскиот министер за надворешни работи Мохамад Џавад Зариф денеска предупреди дека и Техеран би можел „непредвидливо“ да постапува на „непредвидливите“ политика на американскиот претседател Доналд Трамп.

„Ако има непредвидливост од двете страни тоа ќе доведе до хаос. Претседателот Трамп не може да биде непредвидлив а да очекува од другите да бидат предвидливи. Непредвидливоста ќе доведе до взаемна непредвидливост а непредвидливоста е хаотична“, вели Зариф.

Се изнесува мебелот од куќата на Катица Јанева (ВИДЕО)

Попладнево полицијата го изнесува мебелот од домот на шефицата на СЈО во оставка , Катица Јанева , за кој што има сомневања дека е набавен со пари од аферата ,,Рекет”.

Попладнево со полициска асистенција се изнесува меделот од куќата на шефицата на СЈО во оставка , Катица Јанева , за кој се смета дека чини 5 000 евра и бил набавен со парите од аферата ,,Рекет”.

Акцијата за изнесување на мебелот од куќата во скопско Козле е во тек.

Полицијата врши претрес и во куќата на јанева во Гевгелија. Попладнево , според дел од медиумите , во Геријатриската болница во Гевгелија починала мајка и на Јанева. 

ЈО бара притвор за Јанева, која е осомничена за злоупотреба на службена положба и овластување заради стекнување лична корист во случајот „Рекет. 

притисни ентер