Македонија

Во среда ќе се знае дали пазарџиите излегуваат на генерален штрајк

В среда ќе се знае дали пазарџиите ќе започнат генерален штрајк на ниво на целата држава.

Се уште преговараат, но остануваат на ставовите дека законот за зелени пазари кој е одложен во рок од една година - е штетен и дискриминирачки.

Тврдат дека досега немале никаква средба со надлежните. Преку иницијатива во Уставниот суд ќе ја преиспитуваат и уставноста на законот, кој беше донесен по скратена постапка.

Министерот за економија уверува дека преку разговор со сите засегнати страни  ќе се најде заедничко решение.   

Законот ги крена на нозе пазарџиите најмногу поради лиценците кои треба да ги плаќаат од 60 евра годишно, како и тоа дека -  пензионерите, социјалците, стечајците и хонорарците , нема да можат да работат.

Последни вести

Македонија

Рускоска: Поради опасност од бегство, бараме притвор за Јанакиески и Ристоски

Во Кривичниот суд во Скопје штотуку заврши распитот на Миле Јанакиески и Спиро Ристоски кои заедно со Трајко Вељаноски доцна попладнево беа приведени под сомнение дека се дел од организаторите на настаните од 27 април.

Се очекува судот да се произнесе за барањето на Обвинителството да им се одреди мерка притвор.

Вељаноски претходно замина од судот бидејќи се повикал на пратеничкиот имунитет.

Обвинителката Вилма Рускоска изјави дека барањето за притвор е поради опасност од бегство, влијание врз сведоци и попречување на истрагата. Таа пред медиумите истакна дека Вељановски си заминал од судот бидејќи се повикал на пратеничкиот имунитет.

Повеќе детали Рускоска рече дека ќе бидат соопштение на прес-конференција што ќе се одржи во Обвинителството. /МИА

Свет

Одложено одењето во затвор на поранешниот адвокат на Трамп

Поранешниот личен адвокат на американскиот претседател Доналд Трамп нема od 6 март да почне да ја служи тригодишната затворска казна.

Судот донесе одлука поранешниот адвокат на Трамп , Мајкл Коен , да почне да ја отслужува затворската казна од 6 мај.

Федералниот судија му одобри на Коен двомесечно одлагање на почетокот на служење на затворската казна , поради хируршки зафат.

Инаку , Коен беше осуден на три години затвор поради лажно сведочење пред Конгресот , како и за исплатата на поранешни сексуални партнерки на Трамп од личната сметка за да молчат за време на кампањата дека биле во врска со идниот претседател.

Последни вести

Македонија

Кацарска: Во оваа фаза од процесот, Нинџа не може да прави спогодби со судот

Судијката Добрила Кацарска, која е судечки судија во случајот за настаните од 27 април во Собранието вечерва не сакаше да го коментира приведувањето на дел од лицата кои се сомничат дека се организатори на крвавиот четврток.

– Не би можела ништо да коментирам бидејќи тоа е предмет кој го работи Обвинителството, изјави вечерва Кацарска.

Одговарајќи на новинарски прашања, Кацарска рече дека Александар Василевски-Нинџа во оваа фаза од процесот не може да прави спогодби со судот.

– Со судот не може да се спогодува. Се знае кога може обвинетиот да прави спогодба пред суд. Со мене во никој слуај, на крај на завршни зборови сме. Не станува збор да прави било каква спогодба. Дали со обвинителството има било каков договор, не би можела да коментирам, истакна Кацарска. 

притисни ентер