Мицотакис со порака до Скопје и критики до Ципрас и пратениците кои го поддржаа Договорот од Преспа

Скопје треба да знае дека ќе се најдат соочено со Грција ако продолжат со однесување кое ги поткопува националните интереси, порача лидерот на опозициската Нова демократија, Кирјакос Мицотакис за време на неговиот говор од грчкиот град Кожани.

Мицотакис, на граѓаните им објасни што може да стори Нова демократија и што лично тој ќе направи откако веќе постои ратификуван меѓународен договор: ќе го искористи правото на вето на патот на нашата земја кон Европската унија, ќе се бори да ги заштити грчките македонски производи и ќе предложи силен развоен план за Северна Грција.

-Првото што ќе го направам и за кое јавно имам кажано е дека како следен премиер, доколку грчките граѓани ми дадат доверба, нема да го испуштам правото на Грција да стави вето на пристапниот процес на Скопје, доколку сметам дека не им служи на националните интереси. И на семиолошко ниво, реков дека фразата „му посакувам добредојде на македонскиот Премиер" никогаш нема да ја слушнете од мене. Скопје треба да знае дека ќе се најдат соочено со Грција ако продолжат со однесување кое ги поткопува националните интереси, рече Мицотакис.

Во однос на трговските производи рече дека денес, „стотици бизниси што во нивното име ја имаат придавката 'македонски', во суштина се незаштитени".

Лидерот на Нова демократија упати и остри критики до грчкиот премиер.

-Ципрас уште од прв момент, тоа беше јасно, дека сакаше да го реши ова прашање. Навистина не знам какви меници презеде дека ќе исплати и не знам како самиот верува дека може да има корист од една таква иницијатива, рече Мицотакис.

Тој го повтори неговиот став дека Ципрас се оддалечил од националната политика од изминатите децении за конкретното прашање и се согласил за работи за кои претходните премиери рекле „не".

-Идејата дека Грција и официјално ќе признава македонски јазик, дека ќе признава македонска националност, дека ќе признава македонски идентитет и сите елементи на овој културен курс на соседите што го сочинуваат овој македонски идентитет, посебниот македонски идентитет, барем како што тврдат и го бранат нашите соседи, беше идеја спротивна на цврстата надворешна политика на земјата веќе многу децении, објасни лидерот на Нова демократија.

Мицотакис упати критики и до пратениците кои гласаа за договорот. Рече дека нивниот глас го размениле, веројатно, за некое министерство или друга награда.

-Мислам дена не би можело да се замисли дека некои од личностите кои ги денес ги окупираат министерствата избраа да бидат со конкретниот став во Парламентот само затоа што одеднаш се согласија со ставовите на господинот Ципрас. Ова е реалноста. Имавме јасена размена во Парламентот во последниве месеци. Една размена за да помине Преспа, друга размена за да добие владата да добие доверба, рече лидерот на Нова демократија, пренесе МИА.

Мицотакис во неговото обраќање се потсети, како што рече, на минатиот мај или јуни, кога додека бил во неговата канцеларија му рекле дека премиерот сака да разговара со него и телефонски, Ципрас го прашал за неговото мислење за Илинден. Лидерот на Нова демократија рече дека веќе постоел договор за Илинденска Македонија.

Во обраќањата на Кирјакос Мицотакис и од Кожани и од Јанина, како што вчера објави МИА, акцентот беше ставен токму на Договорот од Преспа што всушност се најде и на почетокот на неговите говори. /МИА.

Унијата на жени на ВМРО-ДПМНЕ примена во членство во Организацијата на жени на Европската народна партија

Унијата на жени на ВМРО-ДПМНЕ е примена за членка на  Организацијата на жени на Европската народна партија (EPP Women) на Конгресот кој се одржува во Виена 18-19 октомври 2019.

На состанокот во седиштето на Австриската народна партија присуствуваат претседателката на Унија на жени, Благица Ласовска и секретарот за меѓународна соработка на Унијата, д-р Христина Рунчева Тасев.

Со овој прием, се заокружува вклученоста на сите структури на партијата во Европската народна партија, која е најбројната партија во Европскиот парламент и се потврдуваат европските аспирации на ВМРО-ДПМНЕ и придонесот на жените во креирањето на политики на европско ниво.

На Конгресот на женската секција на Европската народна партија е усвоена резолуцијата “Женски визии за подобра Европа” која се однесува на приоритетите за делување на Европската комисија во периодот 2020-2024 година.

Центар за комуникации на ВМРО-ДПМНE 

Јанушев: Продолжуваме уште посилно од сега

ВМРО-ДПМНЕ продолжува да биде меѓу граѓаните.

Денес сме во Крива Паланка каде што имаме огромен одѕив на граѓани кои се дојдени овде во акцијата „Разговори за обнова на Македонија“.  Да ги искажат своите проблеми, за кои што ние како политичка партија земаме обврска да понудиме решенија во новата изборна програма.

Она што имавме прилика да го видиме, да се случува деновите е всушност нешто што наназад некој период го кажувавме, и го соопштувавме и апелиравме всушност до криминално рекетарската влада на Заев е дека без вистински реформи Македонија не може да се придвижи напред.

За жал, на штета на сите граѓани на Република Македонија, едноставно беа со оваа одлука казнети поради погрешните политики на Зоран Заев.

Она што го очекуваме во следниот период имајќи во предвид за каков човек станува збор, нема да не изненади доколку излезе и всушност целата вина се обиде да ја префрли на ВМРО-ДПМНЕ.

Меѓутоа нашиот народ е свесен што се случува така да сметаме дека еден ваков обид ќе биде само всушност јалов обид за обид за дефокусирање повторно на јавноста.

Продолжуваме уште посилно од сега. Продолжуваме со нашата кампања за обнова на Македонија и за многу брзо се она што ќе имаме прилика да го слушнеме од граѓаните, ќе излеземе не само со програма туку и по формирањето на новата Влада предводена од ВМРО-ДПМНЕ тоа да го реализираме, и да овозможиме подобар живот за граѓаните на оваа држава.

Игор Јанушев, Генерален секретар на ВМРО-ДПМНЕ          

Грчки медиуми: Политички случувања во Скопје по ветото од Франција

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски.

„Ветото од Франција предизвика политички случувања во Северна Македонија"; „Бура во Скопје по кажаното „не" од ЕУ"; „Разочараност во Северна Македонија"; „Политички земјотрес во Скопје", се дел од коментарите во грчките медиуми по завршениот Самит на ЕУ, а случувањата во земјава беа дел и од синоќешните централни изданија на вестите на грчките телевизии, но и на насловните страници на денешните изданија на весниците, jави дописничката на МИА од Атина.

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски, информирајќи за вонредната лидерска средба закажана за в недела, а во текот на вчерашниот ден пишуваа и за наводна оставка на премиерот Зоран Заев.

Грчката телевизија Антена коментира дека Франција ја блокираше европската перспектива на Северна Македонија, а државната телевизија ЕРТ, во прилогот во централното издание на вестите, коментираше дека постои разочараност во Северна Македонија.

– Европа им заврти грб на Скопје и Тирана. Зоран Заев и Еди Рама се враќаат со празни раце, коментира телевизијата Стар, додавајќи дека блокадата од Макрон предизвикува разврска на Балканот.

Во текот на вчерашниот ден во грчките медиуми кружеше информацијата за наводна оставка на премиерот Заев. Дел од информативните портали во Грција се повикаа на веста објавена од италијанската новинска агенција АНСА, додека пак во централните вести на телевизиите, новинарите коментираа дека постојат шпекулации за оставка, но и демант од Владата на Македонија.

– Според новинарски информации Ангела Меркел му се јавила на Заев и побарала да не поднесува оставка, додека пак и други странски лидери го повикаа премиерот на соседната земја да продолжи по патот на реформите, пишува Катимерини.

Паралелно медиумите во Грција ги пренесуваат и ставовите на грчкиот премиер Кирјакос Мицотакис, кој на вчерашната прес-конференција од Брисел рече дека резултатот не е добар ни за Балканот, ни за Грција, говорејќи за проширувањето на Унијата, односно како што рече за прашањето „за кое за жал не успеавме да се договориме"./МИА

притисни ентер