Тетовската болница вработува роднини, а не најдобрите лекари?

Во болницата во Тетово се вработуваат специјализанти според привилегии, а не според знаењето и стручноста, велат од Асоцијацијата на специјализанти и млади лекари.

При приемот на лекари во Клиничкиот центар во Тетово не е водено сметка за ранг листата од освоените бодови од стручниот испит, ниту пак претходното работно искуство, велат од асоцијацијата..

Дел од вработените се поврзуваат со функционери на ДУИ и Беса, а еден од кандидатите воопшто го немало на ранг листата.

Директорот на Клиничкиот центар Тетово Флорин Бесими досега се нема огласено во јавноста.

Откриен е најопасниот софтвер на светот, се шири преку меилови

Властите во неколку земји, вклучувајќи ги Холандија, Германија, САД, Велика Британија и Франција, ја презедоа контролата врз најопасниот софтвер насветот, објавија Европол и Европската канцеларија за судска соработка.

Според двете организации, станува збор за ЕМОТЕТ, софтвер кој работи врз основа на „ботнет“, мрежата на хакирани компјутери што овозможи испраќање опасни електронски пораки.

„Органите за спроведување на законот и судските органи ширум светот ја прекинаа оваа недела една од најважните мрежи во минатиот век“, соопштија Европол и Еуроџаст во заедничкото соопштение.

„Истражителите ја презедоа контролата врз инфраструктурата на мрежата како дел од координирана меѓународна акција, што овозможи таа да биде уништена одвнатре“, додаваат Европол и Еуроџаст.

"ЕМОТЕТ беше повеќе од малициозен софтвер. Беше многу опасен затоа што сајбер криминалците можеа да го најмат за да инсталира други видови малициозен софтвер како Тројан и рансомвер на компјутерот на жртвата", објавија двете агенции со седиште во Хаг.

„Во целосно автоматизирана постапка, малициозниот софтвер ЕМОТЕТ би бил пренесен на компјутерите на жртвите користејќи заразени прилози преку електронска пошта“, се вели во соопштението.

Европол и Евроџаст сметаат дека ЕМОТЕТ е еден од главните елементи на компјутерскиот криминал во светот и го користат други оператори на малициозен софтвер, како што се Трикот и Рјок.

Во минатото, е-мејл-кампањите на ЕМОТЕТ доаѓале во форма на фактури, белешки за достава и информации за ковид-19. Сите е-пошта содржеле документи со опасен збор, или биле преземени со кликнување на врската.

Јутјуб ја продолжи суспензијата на каналот на Трамп, овојпат на неодредено време

Јутјуб ја продолжи суспензијата на каналот на поранешниот американски претседател Доналд Трамп, а истовремено и ја огранични можноста на советникот на Трамп Руди Џулијани да заработува од таа платформа.

Ова е втор пат во последните две недели да е продолжено ограничувањето со кое се спречува Трамп да објавува видео снимки на таа платформа, пишува американски „Политико“.

Тој најпрвин е блокиран на 12 јануари поради страв од дополнително насилство, и тогаш компанијата соопшти дека Трам е блокиран прв пат од три можни пред забрана на неодредено време.

Минатиот вторник Трамп е блокиран уште на една недела, а вчерашната забрана не е временски ограничена.

Портпаролката на овој стриминг сервис, Ајви Чои, рекола дека поради загриженост околу потенцијално насилство каналот на Доналд Трамп останува под суспензијана неодредено време.

Истовремено, компанијата соопштила дека на Џулијани привремено му е забрането учество во програмата која овозможува да заработува од неговиот канал, а поради неговите ставови за резултатите на неодамна одржаните претседателски избори.

Неговата забрана ќе трае 30 дена, пишува „Политико“.

Евакуирана e фабриката во која што се произведува вакцината на Астра Зенека

Фабриката во Велс која што ја произведува вакцината на AstraZenecа против ковид-19 е евакуирана откако добиле сомнителен пакет, објави компанијата што управува со фабриката.

" Wockhardt UK во Рексам доби сомнителен пакет утрово. Сите релевантни служби се известени и работат на тоа", соопшти компанијата.

„Според препораката на експертите, делумно ја евакуиравме фабриката додека ги чекаме резултатите од истрагата. Безбедноста на нашите работници и продолжувањето на производството се од најголема важност“.

Би-Би-Си претходно објави дека екипа со експлозиви е испратена во фабриката, пренесува Ројтерс.

притисни ентер