Нов скандал во кралското семејство: Принцот Чарлс има вонбрачен син? (фото)

Австралиецот Сајмон Доранте-Деј (52) тврди дека е незаконитиот син на британскиот принц Чарлс (70) и неговата денешна сопруга, во тоа време љубовница, Камила Паркер-Буолс (71).

Сајмон, кој себе си се нарекува принц Сајмон, сака да направи ДНК анализа и да “стави крај на 40 годишната потрага“. Доранте-Деј, чие средно име е Чарлс, роден е во 1966 година во Госпорт, во грофовијата Хемпшир.

Доколку е вистина тоа што тој го тврди, зачнат е во 1965 година, кога Чарлс имал 17 години, а Камила 18. Тоа ја руши и официјалната верзија за љубовната приказната на Чарлс и Камила, според која тие се запознале во 1970 година.

Сајмон го посвоила неговата баба Винифред, која работела за кралицата Елизабета и принцот Филип. Тој тврди дека баба му често отворено му говорела дека е “син на Чарлс и Камила“.

„Не ми навестуваше туку отворено ми зборуваше. Некој ја прокоментира структурата на мојата вилица и ми рече дека е иста како на Неговото височество. Косата ми е како на Камила“ – изјавил тој.

“Принцот Сајмон“ неодамна во едно интервју, истакнал деак е уверен оти за него би се дознало доколку принцезата Дајана не загинала во автомобилската несреќа во 1997 година.

„Верувам дека Дајана знаеше за мене и оти ги сложила сите коцки од мозаикот. Мислам дека стигна до точка кога пронаоѓаше се повеќе одговори за својот живот, за тоа какво зло и беше направено о оти има намера тоа да го објави“ – навел тој.

Чарлс од бракот со принцезата Дајана ги има синовите Вилијам и Хари, а Камила од бракот со Ендру Паркер Боулс го има синот Том (44) и ќерката Лора (41).

Image result for Prince simon charles

Мексико ќе одобри рекреативна употреба на кокаин за две лица

Судија во Мексико одобри употреба на кокаин како рекреативна дрога за две лица, што е прв ваков случај во таа држава.

Судот соопшти дека на лицата ќе им биде дозволено да поседуваат, транспортираат и консумираат кокаин, но не и да го препродаваат, тврди организацијата „Мексико обединето против криминалот“ пренесува ББЦ .

Организацијата  се бори да ја прекине војната против дрогата која во Мексико трае со децении, а одлуката на судот ја нарече историски чекор. Одлуката сега треба да ја разгледа и повисок суд пред истата да може да се спроведе.

Во изјавата на организацијата се наведува дека судот во Мексико Сити наложил на „Кофеприс“, водечката здравствена организација во државата, на двете наведени лица да им одобри рекреативна употреба на кокаин.

Се воведуваат повратни вендинг машини за пластични шишиња и лименки

Со помош на Фондот за иновации и технолошки развој, „Пакомак" стана првата македонска компанија што го воведува светскиот тренд во рециклирањето – повратни вендинг машини за пластични шишиња и лименки.

Целта на поставувањето на повратните вендинг машини (ПВМ) е да се мотивираат граѓаните што поефикасно и побрзо да се вклучат во процесот на селективно одложување отпад. Со самото учество во процесот ќе бидат соодветно наградени со т.н „зелени поени” кои може да ги користат за плаќање производи и јавни услуги (на пр. комунални такси, билети за јавен превоз, паркинг и сл.)

На почеток, „Пакомак" ќе постави машини во неколку општини низ земјата, а долгорочниот план опфаќа поставување машини на целата територија на државата. Проектот е наменет за сите граѓани, без разлика на возраста и социјалниот статус, а и системот на награди е приспособен за сите групи во општеството. Првиот прототип се очекува во првата половина на 2020 година.

Иако работи на истиот принцип како стандардните вендинг машини (се стават пари, се добива производ), поради обратниот процес (се става производ, се враќаат пари) таа се нарекува „повратна вендинг машина". Она што започна како експеримент во 70-тите години на минатиот век во Норвешка, денеска е многу успешен глобален проект кој на еден едноставен начин ја одржува нашата планета почиста, истовремено поттикнувајќи ги луѓето да рециклираат отпад./MИА

Три до пет проценти од децата во училиште се хиперактивни

„Нема внимание ниту во училиште, ниту во игра, знае да стане агресивно без никаква причина. “

„Заминавме на преглед ни рекоа дека има аутизам, но подоцна дознавме дека е состојба на АДХД или состојба на нарушување на вниманието или хиперактивно однесување“, ова е исповед на родител, чие дете има АДХД. Три до пет проценти кај децата во училиштата се со оваа состојба, многу почеста е кај момичињата, објаснува професорот по дефектологија Владимир Трајковски. За дефектолозите се уште многу малку се алармира за оваа состојба во училиштата и од страна на родителите, се препишува на состојбата дека едноставно детето е немирно, а тоа не е така. Многу често се испреплетува заедно и со состојбата на аутизам.

Разликата кај оваа состојба и кај аутизмот е што навремените вежби, дури и потребна терапија може да го намали целиот процес на хиперактивност и во натамошниот живот.

Професорот со совет дека во училиштата со стратот на секоја учебна година потребни се стратегии за вработување на стручен кадар за овие деца, бидејќи се оставени на товар на наставниците.

притисни ентер