Леброн и Јанис ги избраа кошаркарите за своите екипи на НБА Ол Стар мечот

Мечот на сите ѕвезди во НБА лигата годинава за прв пат ќе се игра по нов  формат. Веќе го нема класичниот дуел на Истокот и Западот, сега капитените на дивизиите ги избираат кошаркарите.

Леброн Џејмс како кошаркар со најголем број на добиени гласови е капитенот на Западот, а Јанис Адетокумбо е во истата улога на Истокот. Тие двајца имаа можност да избираат од сите понудени кошаркари и да ги првата своите екипи.

Леброн имаше право да избира како прв, и го одбра својот пријател Кевин Дурент како прв пик, Јанис Адетокумбо  пак се одлучи за соиграчот на Дурент од шампионот Голден Стејд, извонредниот Стеф Кари.

Во тимот на Западот покрај Лебон Џејмс и Кевин Дурент ќе играат и Кајри Ирвинг, Кавај Ленард, Ламаркус Олдриџ, Бредли Бел, Антони Дејвис, Лилард, Бен Симонс, Кајл Томс и Двејн Вејд.

Во составот на Истокот , во првата петорка покрај Јанис Адетокумбо и Стеф кари ќе бидат и Џоел Ембид, Пол Џорџ и Кемба Вокер, а на клупата за резерви се Блек Грифин, Никола Јокиќ, Кај Лаври, Крис Мидлтон, Новицки, Оладипо , Данџело Расел, Никола Вучевиќ и Расел Вестбрук.

НБА Ол Стар викендот е на програмата од 15 до 17 февруари во Шарлот.

Марсело си заминува од Лион по тепачката меѓу неговите колеги со навивачите (ВИДЕО)

Тепачката  на играчите и навивачите на Лион на нивниот стадион, откако драматично се изборија за влез во следната група во Лигата на шампионите, го шокира фудбалскиот свет.

Лион загуби со 0-2 од Лајпциг во второто полувреме, но потоа изедначи со 2: 2 за да ја обезбеди нокаут фазата на ЛШ.

Мемфис Депај, капитенот, најдобриот играч и стрелец за Лион, кој го постигна вториот погодок, забележа како еден од нивните фанови  на теренот развил знаме на кое пишува „Марсело оди си “. Покрај пораката до дефанзивецот на Лион бил и цртеж на магаре.

Лидерот на тимот го одбрани својот соиграч и се стрча кон навивачот и му го скина знамето.  Голем број навивачи се упатија кон  Депај, кои тешко беа запрени од чуварите и полицајците , така што неколкумина успеаја да се пробијат на теренот и да го нападнат капитенот. Но наскоро другите играчи на Лион влегоа и им се спротивставија. Реакцијата на Депај и другите фудбалери јавно ја пофали тренерот на Лион, Руди Гарсија.

Марсело Антонио Гуедос Филјо им се спротивстави на навивачите на Лион за време на поразот од Бенфика, исто така во ЛШ, по што беше нападнат на социјалните медиуми. Другите играчи на Лион се солидаризираа со Марсело, па затоа веќе не ги поздравуваат навивачите по победите.

Радио Монте Карло известува дека искусниот (32) бразилски стопер, по синоќешниот инцидент, решил да го напушти клубот во кој дошол летото 2017 година, без оглед на неговиот договор со Лион е потпишан до летото 2021 година.

Белгиски навивачи нападнати со секири и чекани во Неапол (ВИДЕО)

Навивачите на белгиски Генк нема да се сеќаваат по добро на госувањето на нивниот тим во Неапол.

Околу 1.200 навивачи на белгискиот тим пристигнаа во Италија, а многумина од нив беа изложени на напади на навивачите на Наполи.

За нив, патувањето во Италија се претворило во хорор, а за тоа сведочат бројни изјави.

"Бевме бркани во понеделникот вечерта со скутери. Тие нè нападнаа со чекани и секири. Срамота е што фрливме пари на ова патување", рече еден од фановите од Белгија за италијанските медиуми, додека друг додаде:

"Тие го зграпчија мојот пријател на пат кон стадионот и го удрија со кацига. Автобусите беа нападнати при влегувањето на стадионот, еден прозорец се скрши пред мене. Не го очекувавме тоа.”

Генк беше поразен со 4-0 и се збогува со учеството во Лигата на шампионите за оваа сезона.

Американците објавија извештај во кој тврдат дека Русите ја купиле организацијата на СП во 2018

Министерството за правда на САД објави извештај во кој се докажува дека поранешниот претседател на ФИФА, Сеп Блатер добил мито од руски олигарх за да ја добие Русија организацијата на СП во фудбал во 2018 година.

Русија ја доби организацијата пред Англија, комбинираната понуда на Холандија и Белгија и Шпанија и Португалија. Во 2010 година беше избрана Русија.

Претходно биле пријавени можни проблеми со корупција, а се претпоставува дека Катар на сличен начин го добил и домаќинството на Мундијалот 2022 година.

Извештајот од 430 страници беше објавен вчера како дел од истрагата на ФБИ за претседателските избори во САД во 2016 година, во кој има и извештај поднесен од поранешниот член на британската тајна служба Кристофер Стил, кој тврди дека руски олигарх со мито ја купил организацијата на натпреварот.

„Во јуни 2011 година, Стил достави извештај во кој се сумира наводниот разговор помеѓу тогашниот руски претседател Дмитриј Медведев и премиерот Владимир Путин, во кој Путин призна дека неименуван руски олигарх го купил Светскиот куп во 2018 година“, се вели во документот објавен од Министерството за правда на САД и продолжува:

"Потоа, во 2012 година, Стил го запознал ФБИ со двајца британски оперативци кои имале информации за митото. По интервјуто, тие беа во можност да стигнат до член на организација блиска до Путин и Кремљ, кои потврдија дека е купен Светскиот куп", се заклучува во еден дел од извештајот.

Поранешниот претседател не е именуван, но јасно е дека тој е Блатер , затоа што тој беше претседател на ФИФА во тоа време, од чиј врв се повлече поради скандал со корупција.

Тој доби шестгодишна забрана за контакт со фудбалска организација или екипа, а со него падна и Мишел Платини, кој доби четиригодишна суспензија.

притисни ентер