Тој е икона на 20 век , исправена е историската неправда

Осум недели траеше анкетата на ББЦ за тоа кој е најголемата икона на 20. век . Најпрвин беа избирани најзначајните личности во седум категории , а потоа е избран најзначајниот за минатиот век.

Личноста на векот е избрана меѓу првите луѓе на 20 век во седум категории како : научници , истражувачи, водачи, активисти , забавувачи , спортисти , уметници и писатели .

Титулата ја понесе Алан Тјуринг , кој беше победник во категоријата научници.

Тјуринг во анкетата ги победи Мохамед Али , мартин Лутер Кинг, Нелсон Мандела , Дејвид Боуви , Ернест Шеклтон и Пабло Пикасо. Водителот на ББЦ најкусо објасни зошто Тјуринг  е икона на векот.

,, Беше татко на комлутерите , воен херој и генијалец.” , рече презентерот Пакам во говорот за Тјуринг.

Алан Тјуринг ги постави темелите на совремата компјутерска технологија и ги одреди мерилата на вештачката интелигенција. Тој ја измисли ,,Тјуринговата машина” , со која за прв пат е понудена формална дефиниција на алгоритамот , одигра клучна улога во развојот на компјутерската наука , па затоа се смета за изумител на комјутерскиот систем и вештачката интелигенција.

Во 1952 бил осуден поради неговата хомосексуалност и е подвргнат на хемиска кастрација. По две години почина од труење со цијанид , се смета дека се самоубил , но службено тоа не е потврдено.

По повеќе од шест децении откако е осуден , кралицата Елизабета II  го амнестираше , но многумина сметаат дека на Тјуринг му е нанесена штета која не може да се исправи.

Купувачите на „масл“ автомобили во просек се постари од 50 години

Најмлади се купувачите на „Dodge Challenger“

Иако сите би помислиле дека автомобилите како што се „Dodge Challenger“, „Ford Mustang“ или „Chevrolet Camaro“ се автомобили кои ги возат млади луѓе. Но се испостави дека овие автомобили најчесто ги купуваат луѓе постари од 50 години.

Најмлади купувачи од овие автомобили има „Dodge Challenger“, во просек неговите купувачи имаат 51 година. Нешто постари се оние на „Mustang“ и „Camaro“.

Дали е ова криза на средните години? Најверојатно овие луѓе никогаш не ги напуштил младиот дух.

Мексико ќе одобри рекреативна употреба на кокаин за две лица

Судија во Мексико одобри употреба на кокаин како рекреативна дрога за две лица, што е прв ваков случај во таа држава.

Судот соопшти дека на лицата ќе им биде дозволено да поседуваат, транспортираат и консумираат кокаин, но не и да го препродаваат, тврди организацијата „Мексико обединето против криминалот“ пренесува ББЦ .

Организацијата  се бори да ја прекине војната против дрогата која во Мексико трае со децении, а одлуката на судот ја нарече историски чекор. Одлуката сега треба да ја разгледа и повисок суд пред истата да може да се спроведе.

Во изјавата на организацијата се наведува дека судот во Мексико Сити наложил на „Кофеприс“, водечката здравствена организација во државата, на двете наведени лица да им одобри рекреативна употреба на кокаин.

Се воведуваат повратни вендинг машини за пластични шишиња и лименки

Со помош на Фондот за иновации и технолошки развој, „Пакомак" стана првата македонска компанија што го воведува светскиот тренд во рециклирањето – повратни вендинг машини за пластични шишиња и лименки.

Целта на поставувањето на повратните вендинг машини (ПВМ) е да се мотивираат граѓаните што поефикасно и побрзо да се вклучат во процесот на селективно одложување отпад. Со самото учество во процесот ќе бидат соодветно наградени со т.н „зелени поени” кои може да ги користат за плаќање производи и јавни услуги (на пр. комунални такси, билети за јавен превоз, паркинг и сл.)

На почеток, „Пакомак" ќе постави машини во неколку општини низ земјата, а долгорочниот план опфаќа поставување машини на целата територија на државата. Проектот е наменет за сите граѓани, без разлика на возраста и социјалниот статус, а и системот на награди е приспособен за сите групи во општеството. Првиот прототип се очекува во првата половина на 2020 година.

Иако работи на истиот принцип како стандардните вендинг машини (се стават пари, се добива производ), поради обратниот процес (се става производ, се враќаат пари) таа се нарекува „повратна вендинг машина". Она што започна како експеримент во 70-тите години на минатиот век во Норвешка, денеска е многу успешен глобален проект кој на еден едноставен начин ја одржува нашата планета почиста, истовремено поттикнувајќи ги луѓето да рециклираат отпад./MИА

притисни ентер