Видео:Страшен пад, Линдзи Вон заврши во оградата, за среќа без повреди

Легендата на светското скијање големата шампионка Линдзи Вон имаше голема среќа за време на својата последна трка во Супер-Џи во кариерата. 

Американската скијачка мина без повреди при страшниот пад на својата последна трка во Супервелеслалом.

Екс олимписката шампионка која најави дека ја вози последната сезона во кариерата, на трката во шведскиот Ореу удри во капија и падна при голема брзина по што летајќи низ воздухот заврши во заштитната ограда.

По падот Линдзи сама се врати на патеката и со овации од публиката мина низ целта.

Жбогар: Уште еден важен чекор на патот кон ЕУ

Европската комисија ја испрати предлог Преговарачката рамка во Советот на ЕУ на разгледување од страна на земјите-членки. Ова е уште еден важен чекор на патот кон ЕУ.

Ова го напиша на својот Твитер профил евроамбасадорот Самуел Жбогар, откако Европската комисија вчера ја предаде предлог Преговарачката рамка во Советот на ЕУ.

ЕК вчера ги предаде преговарачките рамки за Македонија и Албанија до Советот на ЕУ, а содржината на рамките се објавува само откако таа ќе биде усвоена од страна на земјите членки во Советот. Преговарачките рамки се позицијата на Европската Унија во преговорите за членство. ЕК омисија поднесува нацрт рамки до земјите членки, кои треба да ги усвојат по евентуални модификации.

УХМР: Најавените врнежи нема да предизвикаат излевање на поголемите реки

Нема опасност од излевање на поголемите реки во земјава и покрај најавите за локални поројни врнежи дожд во наредните неколку дена, соопшти УХМР.

Според Управата, доколку на одредени места врнежите бидат поинтензивни и паднат за кратко време и ако бидат во форма на невреме придружувани со силен ветер, можна е појава на слевање на вода во градските урбани средини поради неможноста за одведување на водата.

,,Почнувајќи од денешните попладневни часови па во наредните неколку дена, на поедини места од државата се најавуваат локални поројни врнежи од дожд, при што нема опасност од излевање на поголемите реки во земјата. При краткотрајни интензивни врнежи можно е локално брзо зголемување на водостојот на помалите реки и суводолиците. При такви околности, предупредуваме на внимателно движење покрај помалите реки и суводолиците низ земјава, наведува УХМР.

Најбогатиот човек на светот значително го зголеми своето богатство поради корона кризата

Нето-вредноста на основачот на „Амазон“, Џеф Безос, достигна нов рекорден износ од 171,6 милијарди американски долари, по порастот на цената на акциите на „Амазон“ поради транзицијата на милиони потрошувачи кон е-трговија за време на корона -кризата.

Акциите на Амазон пораснале за 4,4 проценти во средата на рекордни 2.878,70 американски долари, зголемувајќи го богатството на нејзиниот основач на 171,6 милијарди долари. Ова е повеќе од рекордните 167,7 милијарди американски долари од септември 2018 година, според индексот за милијардери на Блумберг.

Амазон заработи од масовната потрошувачка во електронската трговија за време на кризата со корона.

Приходите од 56,7 милијарди американски долари само оваа година го истакнуваат зголемениот јаз меѓу богатите и милионите кои ги изгубија работните места поради најлошиот економски пад од Големата депресија.

Компанијата одби да коментира за зголемувањето на богатството на Безос.

Повеќето милијардери со најголем профит неодамна се исто така дел од технолошкото милје. Меѓу нив е извршниот директор на Тесла, Илон Маск, кој додаде 25,8 милијарди долари на своето богатство од 1 јануари годинава, а основачот на „Зум Видео комуникации“, Ерик Јуан, чие богатство е скоро двојно повисоко , се зголеми на 13,1 милијарди долари.

Средствата на Мекензи Безос, која што се здобија со четири проценти од акциите во „Амазон“ по нејзиниот развод од Џеф Безос, се проценуваат на 56,9 милијарди долари.

Но, не секој милијардер оваа година ја здебелил својата сметка, забележува Блумберг. Амансио Ортега, сопственикот на модниот бренд „Зара“, изгуби 19,2 милијарди долари, претседателот на Беркшир Хатавеј, Ворен Бафет остана без 19 милијарди долари, а тајкунот на француска луксузна стока, Бернард Арно, е потенок за 17,6 милијарди долари.

Но, повеќето го преживеаја падот и вкупната нето вредност на средствата на 500 најбогати луѓе во светот сега е 5,93 трилиони долари, наспроти 5,91 трилиони на почетокот на годината, пишува Блумберг.

притисни ентер