Македонија

Се финализираат активностите околу Протоколот за НАТО

Генералниот секретар на НАТО Јенс Столтенберг, за Политико Европа, вчера изјави дека пристапниот протокол за влезот на Македонија во НАТО ќе биде потпишан во скоро време, јави дописничката на МИА од Брисел.

Привршуваат активностите околу подготовката на пристапниот протокол за членство во НАТО, откако по спроведувањето на процедурата во македонското Собрание, минатата недела Преспанскиот договор помина и во грчкиот Паламент и експресно викендов беше објавен во Службен весник на Грција.

Генералниот секретар на НАТО Јенс Столтенберг, за Политико Европа, вчера изјави дека пристапниот протокол за влезот на Македонија во НАТО ќе биде потпишан во скоро време, јави дописничката на МИА од Брисел.

-Ќе го потпишеме пристапниот протокол во НАТО и тоа можеме да го сториме набрзо. За ратификацијата ќе треба повеќе време, сѐ зависи од 29-те парламенти, рече Столтенберг .

Според него, можно е веќе во текот на оваа недела, амбасадорите на земјите членки на НАТО да го потпишат протоколот, по што Скопје ќе седне на масата. Тој појснува дека тоа значи дека Македонија ќе учествува како земја набљудувач во сите клучни формати на состаноците на Алијансата, но полноправна членка ќе стане само откако сите 29 парламенти ќе го ратификуваат пристапниот протокол. Оваа процедура за зачленувањето на Црна Гора во 2017 година, траеше околу една година, потсетува Столтенберг.

Генералниот секретар на НАТО вчера и писмено го известил министерот за надворешни работи Никола Димитров дека во подготовка е Пристапниот протокол, кој е предвидено наскоро да биде потпишан од страна на постојаните претставници на земјите – членки на Алијансата. Потоа ќе следи и покана до Димитров за присуство на церемонијата на потпишување на Протоколот.

– Со потпишувањето на Пристапниот протокол започнува следната фаза од пристапниот процес, по што следи ратификација на Протоколот во националните парламенти на земјите членки на Алијансата, појаснуваат од македонското МНР.

Инаку, шефот на македонската дипломатија вчера на трибина во Скопје на која присуствуваше и министерот за надворешни работи на Литванија Линас Линкевичиус исто така најави дека Македонија оваа недела или на почетокот на идната ќе го потпише Протоколот за НАТО.

– Оваа недела или на почетокот на идната треба да се потпише Протоколот за НАТО. Потоа тој треба да се врати во грчкиот Парламент на ратификација. Се надевам дека потоа сите наши пријатели, а меѓу првите е Литванија, ќе го ратификуваат Протоколот во нивните собранија. Штом се ратификува во грчкиот Парламент ќе го добиеме столчето во Алијансата. И тогаш стапуваат во сила уставните измени и другите одредби од Преспанскиот договор, рече меѓу другото Димитров на трибината во МНР организирана од Инфо центарот за евроатлантски интеграции.

Тој истакна дека се надева оти министерката за одбрана Радмила Шекеринска ќе присуствува по првпат на состанок на министрите за одбрана на земјите – членки на 13 и 14 февруари во Брисел, а тој како министер за надворешни работи во април на Министерскиот состанок на НАТО во Вашингтон.

Министерката Шекеринска при вчерашната посета на Валандово го искажа очекувањето дека во следните две недели државата ќе седне на своето столче во Алијансата.

-Покажавме дека големите одлуки му носат добро на народот и граѓаните и дека ја отстранивме последната пречка која ја кочеше државата со години и ја добивме практично влезницата во НАТО. Очекувам во следниве две недели Македонија да си го зазаме веќе своето столче на НАТО масата и очекувам тоа веднаш да има позитивни реакции и во домашниот бизнис и во интересот на странските инвестиции, рече Шекиринска.

Шефот на литванската дипломатија Линкевичиус вчера на заедничка прес-конференција со неговиот македонски колега Димитров, увери дека Литванија ќе биде меѓу првите земји што ќе го потпише Протоколот за пристапување на Македонија во НАТО. Со тоа, додаде, ќе се овозможи и заокружување на Спогодбата од Вилнус од 2000 година како Декларација за меѓусебна поддршка и солидарност во евроатлантските интеграции, бидејќи Македонија е последната држава од таа група која сега влегува во Алијансата.

Во меѓувреме, и официјален Париз, се приклучи кон ЕУ, НАТО, САД и мноштвото земји кои ја поздравија ратификацијата на Договорот од Преспа од страна на грчкиот Парламент. -Гласањето на Договорот од Преспа е пример за храброст и единство на Европа, напиша францускиот претседател Емануел Макрон на Твитер./МИА

Живот

Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Свет

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.

„Ова беше многу шокантен инцидент за многу тивка и мирна заедница“, рече локалниот лабуристички советник Сајмон Канингам.

Свет

Иранските пораки ги намалија цените на нафтата

Цените на нафтата денеска паднаа на 86 долари на меѓународните пазари, бидејќи инвеститорите беа смирени од пораките од Иран по „сомнителниот“ инцидент со беспилотни летала, намалувајќи ги стравувањата од ескалација на израелско-иранскиот конфликт.

На лондонската берза цената на барелот по пладне беше пониска за 72 центи во однос на затворањето на тргувањето вчера и изнесуваше 86,39 долари.

На американскиот пазар барелот за испорака во мај се тргува по пониска цена од 66 центи, по 82,07 долари. Речиси за исто толку падна и цената на барелот за испорака во јуни и се лизна на 81,42 долари.

Пазарите утрово беа катапултирани од извештаите на западните медиуми за експлозија во близина на иранскиот град Исфахан. Американската ТВ компанија ABC објави, цитирајќи неименуван американски функционер, дека израелски проектили погодиле локација во Иран.

Иранската државна телевизија објави дека „на небото над Исфахан биле забележани три дронови. Системот за противвоздушна одбрана бил активиран и ги уништил беспилотните летала“. Иранските медиуми не го спомнаа Израел во извештаите, а еден аналитичар изјави за државната телевизија дека беспилотните летала се управуваат од луѓе кои се инфилтрирале во Иран.

Техеран го минимизираше инцидентот и посочи дека не планира да реагира. Пораката беше најјасно дадена од висок ирански функционер, кој за Ројтерс изјави дека Техеран не планира одговор во овој момент.

Берзите стравуваат од ескалација откако Техеран објави одговор на израелскиот напад врз иранскиот конзулат во сирискиот главен град Дамаск, во кој загинаа неколку високи ирански воени претставници и конзуларни претставници.

Иран пред десет дена испрати стотици беспилотни летала и проектили во Израел, кои главно беа соборени од системот за противвоздушна одбрана. Никој не беше убиен и беше предизвикана само ограничена штета, но Тел Авив сигнализираше дека планира одговор, и покрај предупредувањето на САД дека нема да ги поддржи нивните офанзивни акции.

„Почетниот скок на цените на нафтата можеби ги нагласи првичните стравувања од понатамошна ескалација, но видовме дека пазарите на капитал и нафта го сменија курсот по тие прелиминарни потези“, рече Џошуа Махони од Scope Markets.

Инвеститорите очекуваа одговор на Израел на нападите со ирански беспилотни летала и постепено намалување на премијата за ризик, па цената на нафтата падна за повеќе од четири отсто од понеделникот, забележува Ројтерс.

Но, тензијата сè уште не е целосно смирена бидејќи Иран е трет по големина производител на нафта во Организацијата на земјите извознички на нафта (ОПЕК), според податоците на Ројтерс, така што ескалацијата би загрозила значителен дел од понудата, забележува Бјарне Шилдроп од СЕБ.

Американските пратеници укажаа дека би можеле да воведат санкции за извозот на нафта од Иран, вклучувајќи ги во пакетот помош за Украина во очекување на гласање во Конгресот. Предложени се казнени мерки за бродови, пристаништа и рафинерии кои преработуваат иранска нафта и за трансакции на кинески финансиски институции поврзани со купување на иранска нафта.