Американец присилил стјуардеси да му го избришат задникот и стенкал од задоволство (фото)

Стјуардесите на авио компанијата „ЕВА Ер“ доживеале многу незгодна сцена на летот од Лос Анѓелес за Тајван.

Имено, еден патник, за кои странските медиуми тврдат дека е Американец, присилил две стјуардеси да му помогнат да отиде во тоалет, да го соблечат, а потоа и да му го избришат задникот бидејќи тој не можел тоа самиот да го направи – со оглед на тоа дека има 200 килограми.

Куо, една од стјуардесите, на конференцијата за медиуми изјавила дека патникот во авионот дошол во инвалидска количка и барал да му се дадат три седишта за да може удобно да седи во авионот.

Со оглед на тоа дека летот не бил пополнет, екипажот го исполнил неговото барање.

Но, патникот подоцна ја искористил услужноста на екипажот и барал да го однесат во тоалетот во првата класа на авионот бидејќи не го собирало во тоалетот во економската класа.

 

Стјуардесата потоа објаснила дека патникот и рекол дека е повреден и оти не може самиот да се соблече за да изврши нужда. Потоа ги замолил вработените да го соблечат.

„Му реков дека не можеме да му помогнеме, но тој почна да вика. Ми рече веднаш да дојдам во тоалетот и се закани дека ќе изврши нужда на подот на авионот“ – изјавила Куо.

На крајот заедно со својата колешка се согласила да му помогне на патникот.

„Кога колешката го соблече, му донесовме ќебе за да му ги прекриеме гениталиите. Но тој луто ме удри по раката и рече дека не сака ќебе туку единствено бара да го соблечам за да може да отиде во тоалет“ – изјавила таа.

 

Но, соблекувањето на патникот не била најголемата траума на стјуардесите на летот до Тајван. Патникот повторно ги повикал во тоалетот и кога ја извршил нуждата. Овој пат барал да му го избришат задникот.

Главната стјуардеса неволно се согласила на тоа, а подоцна за медиумите објаснила дека не сакала да го остави патникот во тоалетот

Незгодата прераснала во понижување кога патникот почнал да стенка, од задоволство, додека главната стјуардеса му го бришела задникот. На рацете имала три пара ракавици од латекс.

„Почна да стенка “подлабоко, подлабоко“, а подоцна ја обвинил главната стјуардеса дека не го избришала доволно добро и барал повторно тоа да го направи“ – објаснила Куо. Уште три пати морала да го избрише за потоа да му ги навлече гаќите.

Од „ЕВА Ер“ објасниле дека нивните вработени не мораат да ја извршат секоја желба на патниците, дури ни кога станува збор за посебна помош.

Но од синдикатот во кои се зачленети стјуардесите истакнале дека проблемот е систематски поради културата на услугата.

Предложиле две решенија: на ваквите патници да им се забрани да летаат или „ЕВа Ер“ да почне да вработува и машки стјуарди, пренесуваат медиумите.

Купувачите на „масл“ автомобили во просек се постари од 50 години

Најмлади се купувачите на „Dodge Challenger“

Иако сите би помислиле дека автомобилите како што се „Dodge Challenger“, „Ford Mustang“ или „Chevrolet Camaro“ се автомобили кои ги возат млади луѓе. Но се испостави дека овие автомобили најчесто ги купуваат луѓе постари од 50 години.

Најмлади купувачи од овие автомобили има „Dodge Challenger“, во просек неговите купувачи имаат 51 година. Нешто постари се оние на „Mustang“ и „Camaro“.

Дали е ова криза на средните години? Најверојатно овие луѓе никогаш не ги напуштил младиот дух.

Мексико ќе одобри рекреативна употреба на кокаин за две лица

Судија во Мексико одобри употреба на кокаин како рекреативна дрога за две лица, што е прв ваков случај во таа држава.

Судот соопшти дека на лицата ќе им биде дозволено да поседуваат, транспортираат и консумираат кокаин, но не и да го препродаваат, тврди организацијата „Мексико обединето против криминалот“ пренесува ББЦ .

Организацијата  се бори да ја прекине војната против дрогата која во Мексико трае со децении, а одлуката на судот ја нарече историски чекор. Одлуката сега треба да ја разгледа и повисок суд пред истата да може да се спроведе.

Во изјавата на организацијата се наведува дека судот во Мексико Сити наложил на „Кофеприс“, водечката здравствена организација во државата, на двете наведени лица да им одобри рекреативна употреба на кокаин.

Се воведуваат повратни вендинг машини за пластични шишиња и лименки

Со помош на Фондот за иновации и технолошки развој, „Пакомак" стана првата македонска компанија што го воведува светскиот тренд во рециклирањето – повратни вендинг машини за пластични шишиња и лименки.

Целта на поставувањето на повратните вендинг машини (ПВМ) е да се мотивираат граѓаните што поефикасно и побрзо да се вклучат во процесот на селективно одложување отпад. Со самото учество во процесот ќе бидат соодветно наградени со т.н „зелени поени” кои може да ги користат за плаќање производи и јавни услуги (на пр. комунални такси, билети за јавен превоз, паркинг и сл.)

На почеток, „Пакомак" ќе постави машини во неколку општини низ земјата, а долгорочниот план опфаќа поставување машини на целата територија на државата. Проектот е наменет за сите граѓани, без разлика на возраста и социјалниот статус, а и системот на награди е приспособен за сите групи во општеството. Првиот прототип се очекува во првата половина на 2020 година.

Иако работи на истиот принцип како стандардните вендинг машини (се стават пари, се добива производ), поради обратниот процес (се става производ, се враќаат пари) таа се нарекува „повратна вендинг машина". Она што започна како експеримент во 70-тите години на минатиот век во Норвешка, денеска е многу успешен глобален проект кој на еден едноставен начин ја одржува нашата планета почиста, истовремено поттикнувајќи ги луѓето да рециклираат отпад./MИА

притисни ентер