Тие стапуваат на сила веднаш, а ќе траат се додека ПМ 10 честичките не се симнат во рамки на дозволените граници, вели портпаролот на град Скопје. градските власти велат дека цела година работеле против загадувањето, апелираат на поголема вклученост и на институциите и на граѓаните.
Уште синоќа и владата излезе со препораки за заштита од загадениот воздух.
Во препораките стои и дека министерството за животна средина и просторно планирање во соработка со министерството за здравство треба да обезбедат услови за зголемени активности на службите за итна медицинска помош, домашна посета и патронажна служба, да се намали употребата на службените возила и да се ограничи работата на градежните објекти.
На работодавците им се наложува да ги ослободат од работни обврски бремените жени, лицата постари од 60 години и хронично болните, како и да се реорганизира работното време и лицата кои работат на отворено од 11:00 до 17:00 часот.
Владините препораки ги критикува опозициската ВМРО- ДПМНЕ, според нив реакцијата е задоцнета а мерките треба да важат за повеќе градови.
И во битола , во Тетово и во Струмица стапија на сила мерките поради среднодневните концентрации на ПМ10 на мерните места каде има појава на надминување на прагот на алармирање.
Два последователни дена мерните станици ги превртуваат бројките на загаденост а ништо подобро не е ниту утрово.
Нивото на ПМ10 честичките во воздухот изнесуваше над 500 микрограми на метар кубен.
Загадувањето е проблем кој што секоја зима се повторува.
Освен временските прилики, се чини мерките за борба со загадувањето не може многу да влијаат на квалитетот на воздухот.