Македонија

Кога конечно ќе се регулира работата на казината и обложувалниците?

Се уште не е познато кога ќе се донесе Законот за игри на среќа, чии предлог измени беа поднесени од група пратеници пред повеќе од 7 месеци. 

Во партиите се уште вршат внатрешни консултации околу содржината на предлог измените.

Од Движењето против коцкање веќе побараа сите објекти на игри за среќа да се преместат 3 километри од сите населени места, 5% од добивката од обложување да се намени за поправка на училишта, градинки, болници и други јавни објекти, како и за финансирање на здруженијата и центрите кои организираат активности за рехабилитација на зависниците од коцкање и организирање на едукативни процеси. Од Движењето пред Нова Година одржаа и протест во Тетово, велат дека ќе продолжат да протестираат доколку се прифатат нивните барања.

„Ние дадовме јавен повик до сите лидери под итно да се сретнеме и да донесеме закон што е добар за сите. Можам да ве информирам дека сите се изјаснија освен Заев и Мицкоски и бараме итна средба и со нив бидејќи неделата што доаѓа ќе има јавна дебата и ќе се донесе законот. “ – изјави Џемал Абдиу – “Движење анти-коцкање”.

Од Движењето против коцкање не се согласуваат со предлагачите од ДУИ кои инсистираат ваквите објекти да бидат на воздушно растојание од најмалку 500 метри од градиниките и училиштата. Тие изразија надеж дека ќе најдат заедничко решение и со тоа конечно ќе успеат да го победат, како што велат, злото кое ја зароби младината на Македонија.

Истакнуваат дека само во Тетово има над 140 спортски обложувалници и над 30 казина.

Свет

Десетици повредени, откако траект удри во пристаништето во Неапол (ВИДЕО)

Триесет лица се повредени денеска во несреќа на траект што пловел кон италијанското копно од островот Капри во Средоземното Море, соопштија спасувачите.

Се уште нема официјално објаснување за настанот, но според првите информации брзиот брод Isola di Procida по пристигнувањето во градот Неапол удрил во пристаништето.

Иако има голем број повредени, никој нема посериозни повреди, соопшти спасувачката служба.

На островот Капри во Неаполскиот залив од вчера се одржува состанок на министрите за надворешни работи на Г7.

Капри е една од најпопуларните туристички дестинации во Италија. Овој остров, кој има помалку од 15.000 постојани жители, привлекува десетици илјади посетители секој ден во текот на сезоната.

Македонија

Костадиновска-Стојчевска: Како што ветив, платите се за 12% повисоки за културните работници

Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.

„Како што ветив, платите на културните работници од денеска се покачени за 12 проценти.

Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.

Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.

„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.

Таа, како предизборна игранка и манипулација ги оцени реакциите и протестите на СКРМ.

Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.

Костадиновска-Стојчевска во својата изјава ги повтори своите ставови, дека секогаш е на страната на вработените, за повисоки плати и за поголеми работнички права, соопштија од Министерството за култура.ж

Шоу биз

Актерот Сергеј Трифуновиќ утре ќе биде сослушан во обвинителството, го уапсиле со марихуана

Актерот Сергеј Трифуновиќ утре ќе биде сослушан во обвинителството пред да се донесе одлука за ослободување или евентуален притвор.

Трифуновиќ по апсењето доби притвор до 48 часа, а утре ќе биде изведен на распит во обвинителството. По рочиштето ќе се знае дали ќе биде ослободен или приведен, објави Индекс.

За потсетување, Трифуновиќ синоќа е приведен во Белград заедно со негов познаник од кого наводно купил марихуана. Трифуновиќ претходно беше приведен во октомври минатата година, исто така во Србија, поради навреда на полицајци. Пред тоа имаше проблеми и со полицијата во Хрватска, за време на летниот одмор во Сплит, по што му беше забранет влез во ЕУ.

притисни ентер