Обезбедени 151 глас, пратеникот од Река, Данелис, ќе гласа за доверба на владата

Мојата совест и патриотската должност ме натераа да ја искористам оваа историска можност за решавање на спорот за името, рече грчкиот премиер Алексис Ципрас во обраќањето, отворајќи ја дводневната расправа за доверба на владата.

Застанете пред вашата совест и пред интересот на земјата и одлучете дали имате доверба во оваа влада, порача Ципрас, бранејќи ја одлуката за постигнување на Договорот од Преспа.

-Промената на власта кај нашиот северен сосед беше одлична можност и за Грција и нашиот сосед за решавање на децениските историски, политички и дипломатски проблеми. Сигурен сум дека направивме вистинска работа, зашто патриотизмот не е да се мразат другите земји, туку да се сака сопствената татковина. Во однос на разединувањето со Каменос, само ќе речам дека имавме политички и идеолошки разлики, кои не мораа да доведат до неизбежна опција тој да ја напушти владата, изјави Алексис Ципрас, премиер на Грција

Лидерот на опозицијата, Мицотакис жестоко реплицираше. Рече дека Ципрас и Каменос направиле само фиктивен развод за да се постигнат политичките интереси. Без разлика како ќе заврши утрешното гласање, вели Мицотакис, гласот за довербата не го даваат партиите, туку грчкиот народ на избори.

-Денешната дебата всушност е последниот чин на четигодишниот театар, кој го играат Ципрас и Каменос, кои имаат три цели. Сириза да се одржи на власт уште неколку месеци и да се ратификува штетниот Договор од Преспа. Г-дине Ципрас, политиката за вас е бизнис. На Скопје му дадовте македонски идентитет и јазик. Кога тоа било дел од националните линии, изјави Кирјакос Мицотакис, лидер на Нова демократија.

Гласањето за доверба се очекува да се случи утре вечер околу полноќ. Математиката на Ципрас вели дека веќе го има обезбедено потребното мнозинство, откако пратеникот на Река, Спирос Данелис денеска беше исклучен од партијата, а со тоа и официјално се потврди дека тој ќе ја пополни дупката од шест пратеници, колку што му се потребни на Ципрас да преживее. Од вчера е веќе извесно дека на 145-те пратеници на Сириза ќе се придодадат и четворица на партијата на Каменос, Василис Кокалис, Елена Кундура, Танасис Папахристопулос и Костас Зурарис, како и независната пратеничка Катерина Папакоста.

Новинар на „Тајмс“: Алонсо не е на потесниот список на замени на Клоп

Продолжуваат шпекулациите околу иднината на тренерот на Баер Леверкузен, Чаби Алонсо. Шпанскиот стручњак најмногу се поврзува со Баерн Минхен и Ливерпул, а конечната одлука на тренерот кој брка тројна круна со „аспирините“ се уште не е позната.

Сагата помеѓу Ливерпул и Чаби Алонсо доби вистински пресврт бидејќи познатиот новинар Пол Џојс, кој е близок до „црвените“ и работи за „Тајмс“, објави дека шпанскиот тренер нема да се најде на потесниот список на замени на Јирген Клоп.

Тоа е многу остар пресврт од првичните гласини кои го поврзуваа Алонсо конкретно со тимот, но според сите сметки тој изгледа малку веројатно да застане на чело на Ливерпул, а сега се очекува Шпанецот да остане во Баер Леверкузен./МИА

Најмалку четири лица загинаа во невремето во Шпанија

Најмалку четири лица се удавија во морето поради големите бранови предизвикани од ураганот Нелсон во Шпанија.

Две лица се удавија вчера во градот Тарагона, источна Шпанија и две во регионот Астурија, во северниот дел на земјата.

Невремето зафати неколку шпански региони, а брзината на ветерот достигна 90 километри на час. /МИА

Изненадување во Мајами: Алкараз елиминиран од Димитров

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели. 

Карлос Алкараз беше јасен фаворит во борбата за овогодинешната Мастерс титула во Мајами, но веќе во четвртфиналето се прости од вториот трофеј на тој АТП турнир од серијата 1.000, бидејќи изминатава вечер немаше решение за ударите на Григор Димитров - 0:2 (2:6, 4:6).

И не само тоа, Шпанецот беше толку слаб што по мечот не се срамеше да признае колку бил во сенка на пониско рангираниот бугарин.

- Повторно ме натера да се чувствувам како да имам 13 години. Не се сеќавам дека некој ме натерал да се чувствувам вака. Помина долго време откако се случи такво нешто. Не знаев што да правам. Барав решенија, но тој не ми дозволуваше. Чувствував неверојатна фрустрација, изјави 20-годишниот Шпанец по неговата изненадувачка елиминација.

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели.

- Генијалноста е често во едноставноста. Знаев дека морам да бидам поагресивен, да ги водам поените. Многу е тешко да се направи тоа против него, изјави пресреќниот, но разумен „џелат“ на шампионот на неодамнешниот Мастерс во Индијан Велс.

Димитров за финалето ќе се бори со Александар Зверев од Германија, додека другата полуфинална двојка ја сочинуваат бранителот на тронот Данил Медведев (Русија) и Јаник Синер (Италија). /MИА

притисни ентер