Заев верува дека и Грција ќе го ратификува Договорот од Преспа

Ден по изгласувањето на уставните измени , премиерот Заев им се заблагодари на сите што го помогнале процесот, со верување дека и Грција ќе го ратификува Договорот од Преспа и ќе го потпише протоколот за членство на Македонија во НАТО.

Да живее Македонија,

Да живее Република Северна Македонија

Вака премиерот Зоран Заев го заврши својот говор на првата прес конференција откако синоќа парламентот ги изгласа уставните измени произлезени од Договорот од Преспа за промена на името на државата.

Премиерот е уверен дека по одлуката на парламентот државата се движи кон иднината што ја посакуваме. Се заблагодари на сите во Собранието за нивниот глас и вели ја разбира горчината, но и гордоста на граѓаните по оваа одлука.

Убеден сум, вели Заев, дека и грчките пратеници ќе го ратификуваат договорот и ќе се потпише протоколот за влез на Македонија во НАТО.

На опозицијата и порача дека е време да заборави на опструкциите и дека треба да биде дел од новите поглавја. Прашан за барањето на лидерот на ВМРО ДПМНЕ, Христијан Мицковски за предвремени избори Заев вели ова е прашање вредно за дебата и ја остави отворена можност годинава да се бира и нов претседател и нов парламент.

Амандманите со кои се менува Уставот денеска ќе бидат објавени во Службен весник, по ова Владата ќе ги извести властите во Атина, а потоа како што рече премиерот ќе ги извести и сите држави во светот за новото име на државата. Заев уверува дека Македонија ќе има економска корист од новото име. Вели голем број инвеститори ја чекаат промена за да инвестираат тука и најави целосна посветеност на Владата на економскиот раст, реформите и поздрав правен систем.

Државниот врв се обедини против дезинформациите и лажните вести

Државниот врв почнува борба со лажните вести како голема закана за безбедноста и демократијата во современото општество. 

Пропагандата и дезинформацијата имаат потенцијал да промовираат говор на омраза и насилство и да ја намалат довербата во демократските вредности, рече премиерот Зоран Заев на првиот конститутивен состанок на Акциската група што ќе ги координира државните институциите во оваа борба.

Заев како пример за лажни вести посочи некои од информациите и вестите кои континуирано се објавуваа за Договорот од Преспа.

Во оваа ера на дигитализација кога сите информации ни се достапни со еден клик, често немаме можност да направиме разлика меѓу издржана и професионална вест од дезинформација, а општество без силни медиуми не може да се развива демократски, смета претседателот Стево Пендаровски.

Лажните вести се и закана за безбедноста на државите, вели тој.

Кампањата против лажните вести ќе се води според стандардите на Европската комисија и секторот за комуникации на НАТО.

Од октомври е најавена серија консултации со граѓанските организации и медиумите, но и иницијатива за регистар за професионални онлајн медиуми со познато сопствеништво и импресум. 

Изменет режим на сообраќај утре во Скопје поради велосипедско дефиле „Ден без автомобили"

МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот. 

Одделението за безбедност на патниот сообраќај информира дека утре во Скопје ќе биде изменет режимот на сообраќајот поради велосипедско дефиле „Ден без автомобили", со кое ќе се  одбележи Европската недела на мобилност 2019 – Пешачи со нас.

Дефилето, кое го организира Градот Скопје, ќе почне во 11 часот од паркот „Ибни Пајко", потоа по улицата „Филип Втори Македонски", лево по булеварот „Гоце Делчев", лево по булеварот „ВМРО", потоа десно по булеварот „Партизански одреди", десно по булеварот „8-ми Септември" и десно по булеварот „Илинден" до Градски парк (Школка).

МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот. 

Ултиматум од Радев - Ако нема договор, ќе има екстремни мерки и нова позиција

Бугарскиот претседател Румен Радев од бугарските професори од мешовитата комисија за историја побарал гаранции дека до октомври ќе ги решат сите спорни прашања за историјата.

 И порача дека Македонија може да се надева на поддршка од Бугарија, но не по сметка на бугарските национални интереси. Во спротивно, бугарската влада според него треба да создаде нова национална позиција со јасни барања и критериуми кои би биле вклучени во преговарачката рамка на земјава за членство во ЕУ.

-Ако вие почитувани господа можете да дадете гаранција дека во рамките на останатиот еден месец, вашата комисија ќе ги реши сите спорни прашања вклучително на настани, на личности, корекција на учебници,на натписи во музеи, натписи на споменици, на ставовите на јавните медиуми, тогаш бугарската влада ќе може да продолжи со политиката на поддршка на Република Северна Македонија во ЕУ. Ако  не можете да дадете такви гаранции, треба власта да направи екстремни мерки за изработка на нова национална позиција – изјави Радев.

Пораките на бугарскиот претседател доаѓаат во речиси исто време со изјавата на портпаролот на грчката влада Стелиос Петсас, кој кажа декаГрција нема да прифати да се одвојат Македонија и Алабнија и дека за нив двете држави се пакет..

Ваквата навидум принципиелна позиција, всушност крие опасност од прикриено вето, со оглед дека неколку европски престолнинии праќаат сигнали дека се подготвени да ја кренат рампата за Скопје, но не и за Тирана.

Силна поддршка во пресрет на одлуката на ЕУ за отворање на преговори, стига од Вашингтон.. Специјалниот пратеник на САД за Западен Балкна, Метју Палмер, во интервју за Гласот на Америка вели дека очекува позитивен исход.

-Европската комисија предлагаше отпочнување на преговори за членство со Скопје во последниве девет или десет години по ред.На нашите европски партнери јасно им ја пренесовме нашата позиција.Сметаме дека отпочнувањето на преговорите би било многу корисно.- Метју Палмер.

Европската агенда на земјава предвидено е да се најде идниот месец во Брисел, најпрво пред советот на министри на унијата на 15 октомври, а два дена подоцна и пред Европскиот совет, кој треба да ја потврди нивната одлука.

притисни ентер