Почнува Вевчанскиот карневал

Со настап на рок групата „Архангел", Неша од  групата „ Галија", Културно уметнички работници и ди-џеј Рутбој денеска почнува годинашниот Вевчански карневал.

За дочекот на Новата година, според Јулијанскиот календар, односно утревечер, задолжени се „Кате и Нели ти реков", „Баклава", „Џубокс бенд" и оркестар „Зурли и тапани" од Вевчани.

Утре напладне ќе почне дефилето на василичарите, каде се очекуваат над 1.000 поединечни и групни маски, а Вевчани и годинава ќе биде театар на отворено, без режија и сценарио. Покрај традиционалните маски на зетот и невестата, глупавиот август и ѓаволите, ќе бидат прикажани и маски со настани што ја одбележаа изминатата година. Вевчанци ќе кажат се, но до карневалското дефиле не откриваат во што ќе бидат маскирани.

Двете василичарски друштва Горна и Долна маала со зетот, невестата, двата ѓаволи, глупавите августи и останатите маски инспирирани од актуелните политички и секојдневни случувања во изминатите 12 месеци ќе продефилираат низ вевчанските улици. Вевчани ќе наликува на театар на отворено, а секое карневалско издание за вевчанци е доживување и инспирација за изработка на маска за следната година.

Во утринските часови традиционално невестите од двете маала заедно со гостите одат на Вевчанските извори да наполнат вода со која се прави вевчанскиот кашаник (зелник) во кој се става паричката. Кај оној што ќе се падне паричката ќе биде среќен и бериќетен во текот на целата година. Според традицијата, утре Василичарите ќе одат од куќа во куќа каде што има име Васил да му честитаат и околу пладне доаѓаат во центарот на Вевчани каде што ги играат василичарските ора. Манифестацијата ќе заврши со традиционалното палење на маските во центарот на Вевчани, во попладневните часови. Со палењето на маските се верува дека се ослободуваат од злото и дека годината ќе им биде среќна и бериќетна.

Вевчанскиот карневал, кој датира од настанокот на Вевчани, со традиција од околу 15 века симболизира два паралелни света, едниот му припаѓа на паганството, а другиот на христијанството. Задолжителни елементи се зетот и невестата кои се симбол на плодноста и продолжувањето на семејството, двата ѓавола, кои се олицетворение на злото и двајцата глупи августи кои ги штитат од злото. Со манифестацијата се одбележува христијанскиот празник Св. Василиј Велики или доаѓањето на новата година по стариот, Јулијанскиот календар./МИА

Голем пораст на бројот на заразени во Чешка, се воведуваат строги правила

Чешката влада денеска одлучи дека ќе биде задолжително носењето маски на отворено во некои ситуации, бидејќи бројот на заразени лица во таа земја драматично расте.

Новите правила ќе се применуваат од среда во повеќе населени места, рече министерот за здравство Роман Примула по состанокот на владата.

Исклучоци се можни ако може да се одржи растојание од повеќе од 2 метри.

Покривањето на устата и носот е веќе задолжително во затворен простор, а неодамна носењето маска е задолжително и во автомобилите, ако во него има лице кое не живее со возачот.

Бројот на заразени лица во Чешка нагло се зголемува во последните неколку недели.

Во последните 14 дена во Чешка биле заразени 858,6 лица на 100.000 жители, покажуваат најновите податоци на Европскиот центар за контрола и превенција на болести, што е највисоко меѓу земјите на ЕУ.

Чешката армија денеска започна да гради привремена полска болница во Прага.

Од почетокот на епидемијата, повеќе од 1.500 луѓе во Чешка починале како резултат на инфекција со коронавирус. Чешка има нешто помалку од 10,7 милиони жители.

Заразени се 178 000 луѓе.

Белоруските пензионери одржаа протест и контрапротест против Лукашенко (ВИДЕО)

Во главниот град на Белорусија, Минск, денеска се одржаа два собири на пензионерите - едниот против претседателот Александар Лукашенко, а другиот за поддршка на шефот на државата.

Околу 3.000 пензионери се собраа во Минск, трет понеделник по ред, барајќи оставка од претседателот на Белорусија.

Демонстрантите маршираа низ улиците на главниот град носејќи цвеќе и извикувајќи „Оди си!“ кон Лукашенко, пренесува АП.

Во главниот град се одржа и контра-протест на пензионерите, кои го поддржуваат Лукашенко. Приближно 2.000 луѓе, многу од нив мажи во воена и полициска униформа, дојдоа на Плоштадот на независноста со национални знамиња и транспаренти на кои пишувало „За мир, просперитет и традиционални вредности“.

Локалните медиуми објавија дека некои учесници на контра-митингот биле донесени со автобуси на собирот.

Белорусија е погодена од политичка криза од претседателските избори на 9 август, кога започнаа масовни антивладини протести низ целата земја, иницирани од официјалните резултати од гласањето според кои Лукашенко освоил повеќе од 80 проценти од гласовите. Противниците на Лукашенко тврдат дека изборите биле лажирани.

Бела Хадид во Њујорк-што носи под мантилот?(ФОТО)

Без оглед на стилот, мантилот е задолжителен во женската гардероба, бидејќи лесно може да се комбинира со дневни и вечерни изданија.

Тајната на добриот стил отсекогаш била во можноста да се разгледаат повеќе опции за облека одеднаш, па затоа не е изненадување што дамите кои добро ја познаваат модата знаат како да извлечат максимум од мантилите.

Бела Хадид, 24-годишната манекенка, прошета низ Њујорк во фустан со потпис на Мајкл Корс. Со златен накит и ремен и задолжителната заштитна маска за лице, Бела ги пленеше очите, кои најмногу беа насочени кон нејзиното деколте, што се појави во прв план заради оваа провокативна модна комбинација.

Њујорчаните се прашуваа што носи под мантилот,а Бела секако привлече големо внимание. Според фотографиите, може да се заклучи дека таа имала само долна облека под мантилот.

притисни ентер