Пронајдено девојче пo три месеци од убиството на нејзините родители

13 – годишната Џејми Клос се појави на 112 километри од местото на убиството на нејзините родители.

Девојчето од американската држава Висконсин е прогласена за исччезната по бруталното убиство на нејзините родители пред три емсеци . Била најдена вчера вечер по 87 дена од страшното убиство .

Ја нашла жена во гратчето Гордон , додека го шетала кучето и тоа 112 километри подалеку од нејзиниот дом.

Таму брутално беа убиени нејзините родители на возраст од 56 и 46 години , по што девојчето беше прогласено за исчезнато. Тие биле застрелани додека спиеле во еден часот по полноќ.

Девојчето побарало помош од жената , која заедно со неа се стрчала до првата куќа од каде повикале итна помош. Девојчето било изгладнето и запуштено , а на нозете имало преголеми чевли.

Луѓето од чиј дом се јавила ја прашале и за киднаперите , но девојчето преплашено рекло само дека ја грабнале во автомобил , по што жената ги препознала грабнувачите.

Девојчето им кажало дека ја заклучувале и криеле за да не може да се спаси , но не раскажало како им избегала. Полицијата соопшти дека еден од грабнувачите бил уапсен само 10 минути откако било најдено девојчето.

На силикони потрошила повеќе од 87 илјади евра, па завршила на операција

Манекенката Боби Билард (43), на операции за зголемување на градите потрошила повеќе од 87 илјади евра.

Како што пренесува британскиот „Дејли Меил“, американската манекенка ставала силикони дури девет пати, а потоа завршила на операција за остранување, откако како што изјавила, имала проблеми со здравјето.

„Се чувствував како да имам отрови во своето тело. После две децении силикони во градите, мислам дека моето тело се одлучи да рече: „Сега е доста“ – изјавила Билард која првото зголемување на градите го направила на 18 години.

Со години се борела со здравствените проблеми, посебно со болките во вратот и грбот.

„Воопшто немав енергија, имав подочници, хронични болки во вратот и грбот, не мислев дека силиконите би можеле да бидат виновни за мојата лоша здравствена состојба“ – признала потресената манекенка која за помош им се обратила на корисниците на социјалните мрежи.

Дури таму сфатила за што станува збор и дека всушност имплантите се причината за нејзината лоша состојба.

„Потрошив повеќе од 87 илјади евра на силиконски гради за да изгледам подобро. Бев модел и од мене се очекуваше да изгледам добро, бев под голем притисок на околината“ – открила Билард.

Таа веднаш после отстранувањето на силиконите се чувствувала многу подобро.

„За прв пат после подолго време сум среќна и здрава“ – изјавила Боби за британскиот „Дејли Меил“.

Потресни сведоштва на жени: Ги купуваат, а потоа ги силуваат додека не забременат

Властите во Бурма и Кина замижуваат на трговијата со жени од народот Качин во Мјанмар, кои се пренесуваат преку граница, ги продаваат на мажите во Кина, каде постојано ги силуваат додека не останат бремени, пишува „Гардијан“.

На некои жени им е дозволено да се вратат дома откако ќе родат деца, но се присилени да ги остават децата, според извештаите на „Хјуман Рајтс Воч“ (HRW).

„Родив дете, а после една година Кинезот ми даде избор. Добив дозвола да одам дома, но без бебето“ – изјавила една од жените кои се продадени.

Во Кина бројот на жени е драстично опаднат од 1987 година, истражувачите наведуваат дека факторите како абортусот во зависност од полот на детето, инфантицидот и занемарувањето на новородените девојчиња значи дека во Кина има 30 до 40 милиони “исчезнати“ жени, кои денеска би требало да бидат живи, а не се.

Оттука многумина мажи денес не можат да најдат жени, па ги купуваат од околните сиромашни земји.

Жените од народот Качин од Мјанмар, ги криумчарат нивните семејства и роднини, пријатели и други луѓе на кои тие им веруваат. Често им се нуди работа во Кина, а дури откако ќе ја преминат границата сфаќаат дека се продадени како сексуални робови.

„Мене ме убеди мојата тетка“ – изјавила една жена која била продадена кога имала 17 години. HRW во периодот од три години разговарал со околу 40 жртви кои успеале да побегнат или им било дозволено да заминат без децата.

Владата на Мјанмар во 2017 година забележала 226 вакви случаи, но експертите сметаат дека таа бројка е далеку поголема.

Жените кои ги продаваат во Кина не само што не добиваат поддршка како жртви, туку заминуваат и во затвор поради кршењето на миграциските закони.

Во извештајот на HRW се наведува дека мјанмарските власти во неколку наврати ги уапсиле само оние кои во Мјамнар ги продавале жените, додека кинеската полиција не привела никого од оние кои ги купувале “невестите“ и ги злоставувале.

„Време е за акција.... за крај на туберкулозата", 24 март Светскиот ден на туберкулозата

 Под мотото „Време е за акција.... за крај на туберкулозата" ЈЗУ Институт за белодробни заболувања и Националниот координативен механизам со поддршка на Министерството за здравство же го одбележат 24 март, Светскиот ден на туберкулозата.

Во рамки на одбележувањето на денот, утре ќе се одржи тркалезна маса на која ќе се обратат и дискутираат експерти за туберкулоза и претставници од граѓанскиот сектор кои директно работат со оваа проблематика и даваат свој придонес во превенција и елиминација на туберкулозата.

Доктори од Институт за белодробни заболувања и туберкулоза ќе говорат за „Туберкулозата во Македонија, состојби и предизвици", „Одржливост на превентивната програма за туберкулоза 2019 година" како за туберкулозата на глобално ниво. /МИА

притисни ентер