Пресврт во истрагата за убиството на тројцата руски новинари

Се сметаше дека тројцата руски новинари на пуст пат ги убиле разбојници , но истрагата покажа нешто друго.

Истрагата покажа дека разбојници не ги убиле тројцата истражувачки новинари во Централноафриканската Република (ЦАР) пред половина година , туку биле жртви на добро планирана заседа , во која би можеле да бидат вмешани руските безбедносни служби. Кирил Радченко, Александар Расторгујев и Орхан Џемал се жртви на плана за ликвидација , во која се вмешани и високи полициски функционери.

Тие дошле во ЦАР кон средината на 2018 за да ги испитаат акртивностите на приватни руски воени компании во оваа африканска држава. Сакале  да дознаат дали компаниите се вмешани во експлоатација на природни ресурси во Африка. Но , набргу по пристигнувањето нивното возило било пресретнато на пуст пат и биле застрелани .

Службеното објаснување било дека се нашле во погрешно време на погрешно место. Но , доколку биле жртви на разбојници , би им недостигале вредни предмети , но тоа не се случило, известува CNN. Исто така , сомнително е што возачот воопшто не бил ниту повреден , па се сомнева дека бил вклучен во организирањето на убиството.

Новинарите работеле на медиумска платформа ,,Центар за истражување” , финансирани од рускиот бизнисмен и критичар на Путин , Михаил Ходоровски.

Рускиот претседател Владимир Путин накусо го коментираше убиството како напад од некои локални групи , за што нема информации.

Се заградува фудбалскиот стадион во Велес

На фудбалскиот стадион во Велес деновиве интензивно се изведуваат работите околу заградувањето со метална ограда што го изведува компанијата „БРАКО".

Како што појасни градоначалникот на Велес Аце Коцевски, заградувањето на стадионот е со цел да се спречи влегување на непожелни лица на стадионот.

Претходно Општина Велес изведе неопходни градежни активности за подобрување на условите за спортување, како и за изведување на натпреварите во првата фудбалска лига на ФК „Борец" кој од оваа сезона по 18 години се врати во највисоката фудбалска лига во земјава.

Градежните зафати вклучија бетонирање на три платоа, отстранување на ризла зад стативите и поставување на земја за хортикултурно уредување околу теренот.

Во Градскиот парк се изведе бушотина за вода од која интензивно ќе се полева вештачката трева пред натпреварите.

Попладнево ФК „Борец" на сопствен терен ја пречекува екипата на ФК „Вардар"./МИА

НСП бара да се донесе колективен договор за вработените во затворите и исплата на законски утврдената плата

НСП денеска обвини дека се кочи донесувањето на Колективниот договор за вработување во затворската полиција и администрација.

Независниот синдикат на полицијата денеска на прес-конференција во Скопје обвини дека се кочи донесувањето на Колективниот договор на вработените во затворската полиција и администрација од страна на, како што велат, „фантом синдикатите" без да посочат за кој синдикат се однесува тоа, а кој велат има многу мал број членови.

-Целата јавност знае кој е тој синдикат затоа што остана со мал број членови по одредени затвори кои сакаат да доминираат во одредени затворски институции и го кочат процесот на брзо донесување на европскиот колективен договор со што ќе се затвори прашањето околу тужбите и околу проблемите кои се јавуваат со години наназад. Без овој договор ќе продолжат тужбите, ќе продолжи испумпувањето на паричниот износ кој по основ на закон им следува на вработените на затворската полиција, а досега ги добивале по пат на тужби, односно на судски пресуди, рече претседателот на НСП, Гоце Делчев Тодев.

Според него, ова е првпат за 29 години на иницијатива на овој синдикат да се носи колективен догововор за вработените во затворската полиција кои се под надлежност на Министерството за правда, а со кој ќе се прецизираат одредбите од Законот за извршување на санкции.

Тој од име на синдикалните организации на девет од 12-те затвори во земјата, изрази задоволство од разбирањето што го искажала министерката за правда Рената Дескоска, која ги вклучила во работните групи во Министерството за колективниот договор. Изрази уверување дека ќе се справат со „фантом синдикатите" на кои рече, ќе им го ускратат правото да прават што сакаат, а со цел да се надминат сите негативности во однос на работата на вработените во затворите.

Горан Ристески од НС на затворската полиција и администрација при НСП, рече дека првпат биле консултурани во однос на измените на Законот за извршување на санкции кој е во сила од 29 мај 2019 година, со кој вработените добија повеќе права во делот на годишниот одмор и поголеми плати. Упати забелешка дека законот не се  имплементира од страна на управата во затворите, која одбива тоа да го направи без претходно да биде донесен колективниот договор. Затоа вели, вработените и понатаму посегаат по тужби за да си ги остварат законските права.

– Неимплементацијата на законот, освен тужбени трошоци ќе сноси и последици врз квалитетот на работата на сите вработени во Казнено поправните установи и Воспитно поправни установи. Ние како Синдикат поднесовме три предлог-правилници, последниот беше поднесен пред еден месец, а тоа е правилник за распоредување и унапредување во делот на затворската полиција согласно Законот за вработени во јавниот сектор, кој се уште не е потпишан од Министерството за правда, рече Ристески.

Неговиот колега од синдикалната организација во затворот во Куманово Иво Јордановски појаснува дека разликата во плата што би ја замела вработените ако се исплаќа согласна новиот закон би била зголемна за 4000 до 7000 денари.

– Обврска на директорите е да направат нова систематизација и да исплаќаат според новите правилници за исплата од денот кога излезе Законот во Службен весник. Веќе е втора половина на август, а ние се уште не земаме плата според новиот Закон, вели Јордановски.

Џељаљ Хајдари, претседател на синдикалната организација во затворот Идризово, кој е најголем и брои 250 вработени, истакна дека досега се исплатени втори тужби на повеќе од 200 колеги, а во процес се уште 200 тужби пред надлежните судови. Причината е вели што Идризово како институција не сака да почне со исплата на плати според одредбите од Законот. Бројката на тужби, која се однесува само од вработените во Идризово, главно е за прекувремена работа, ноќна работа, степен на ризик.

Во предлог колективниот договор на НСП меѓу другото, се регулираат прашања за боледувањата и нивната испла, се предвидува вработените во затворската администрација да земаат поголема плата од 15-30 отсто, а се предлага и преземање на вработените во стопанските единици при КПУ и ВПУ во соодветната затворска институција со цел регулирање на нивниот статус согласно Законот за работни односи и обезбедување на сигурност во работниот процес. /МИА

Извршена реконструкција на шест премини под улицата „Шуто Оризари"

Екипи на ЈП „Водовод и Канализација“- Скопје, во текот на изминатата ноќ работеле на шест локации истовремено.

ЈП „Водовод и канализација" – Скопје соопшти дека нивни екипи во текот на изминатата ноќ, од 22 часот до 5 часот изутрината работеле на шест локации истовремено од крстосницата на булеварите „Словенија" со „Македонско-косовска бригада" до Шуто Оризари и на улиците „Брсјача буна" и „Бутелски венец".

– На овие локации е извршена реконструкција на шест премини под улицата „Шуто Оризари" со три приклучни цевки. Оваа интервенција ќе овозможи подобар притисок во овој дел на градот Скопје, информираат од ЈП „Водовод и канализација"- Скопје./МИА

притисни ентер