Охрабрувачки пораки за Атина и Скопје конечно да го направат тоа, што историјата го бара од нив

Претседателот на Европската комисија  Жан Клод Јункер на прес конференција ги охрабри Атина и Скопје конечно да го направат тоа, што историјата го бара од нив.

Како процесот за ратификација на договорот од Преспа се приближува кон завршната фаза, така зачестуваат  пораките од клучните европски инстанци, колку е важно тој да финализира без одлагање зашто не само што е битен за двете земји туку е битен за Европа во целост. Претседателот на Европската комисија  Жан Клод Јункер на прес конференција ги охрабри Атина и Скопје конечно да го направат тоа, што историјата го бара од нив.

-Импресиониран сум од храброста на двајцата премиери, на север и на југ бидејќи ретки се оние кои пред историјата носат таква одговорност. Би сакал овој процес да заврши со успех и во определените рокови. Би можел само да ги охрабрам двете влади, двата премиери или двата парламента , да го направат тоа што историјата го бара од нив, порача Жан Клод Јункер-Претседател на ЕК .

Со тезата дека Договорот од Преспа е модел-договор за цела Европа, кај нашиот јужен сосед престојува Германската канцеларка Меркел. По синоќешната средба со грчкиот премиер Алексис Ципрас, таа денеска се сретна со претседателот Прокопис Павлопулос .И на двете средби и на прес конференциите, Меркел не ословуваше како Северна Македонија.

-Ги констатираме храбрите напори од страна на Грција кон соседите во Западен Балкан, придонесот на Грција за да постои заеднички именител, конзистентност, и ова е поврзано со прашањето на Северна Македонија. Резултатот не е добар само за иднината на вашата соседна земја, туку, според моето мислење, добро и за Грција и за сите нас во Европа да постои важна разврска овде, но за тоа предуслов е еден многу храбар пристап, изјави Ангела Меркел-Канцелар на СР.Германија. 

Во обид да иницира согласност од опозиционата грчка партија Неа Демократија, за членството на Македонија во НАТО,дел од грчката агенда на Меркел е и денешната средба со лидерот на опозиционата Неа Демократија, Кирјакос Мицотакис.

ВМРО-ДПМНЕ: СДСМ наместо да се борат против, тие се борат за криумчарење на мигранти низ Македонија

СДСМ наместо да се борат против, тие се борат за криумчарење на мигранти низ Македонија.

Началникот на штипската полиција се уште е на таа позиција, иако е фатен во криумчарење на мигранти. Ова е доказ за лицемерието на СДСМ.

Патем останува нејасно за какви и чии статистики говори СДСМ бидејќи во своите соопштенија ниту еднаш не го користи терминот Македонија.

Сето ова покажува со каков криминален и однароден картел на власт си имаат работа граѓаните. Тоа мора да престане. Почетокот на крајот на заевизмот ќе бидат претстојните избори кога граѓаните јасно ќе ја казнат оваа криминогена структура. /МИА

Започна гласањето за идејно решение за уредување на парк во Македонска Каменица

Јавното претпријатие „Камена Река" од Македонска Каменица ги објави пристигнатите предлог проекти по објавениот Конкурс за идејно решение за уредување на парк во Македонска Каменица.

Во моментот како што информира директорот на ,,Камена Река”, Влатко Андоновски трае гласањето за избор на најдобро идејно решение во чии рамки ќе биде земен во предвид и гласот на граѓаните.

-Гласањето ќе трае до 26 Март, заклучно до 12 часот, кога ќе заседава утврдена петчлена комисија. Гласањето од граѓаните на фејсбук профилот на ЈП ,,Камена Река” ќе биде земено како дополнителна сугестија, односно ќе биде вброено како 6-ти глас при одлучувањето, информира Андоновски.

Додава дека наградено ќе биде предлог решението кое ќе добие најмногу бодови согласно гласањето на Facebook страната на ЈП ,,Камена Река” и бодовите добиени од страна на комисијата.

Конкурсот за избор на најдобро решение за уредување на парк се однесува на таканаречениот „Титов парк”, кој е предвидено да се уреди во модерен градски парк, како место за рекреација на граѓаните од М.Каменица. /МИА

Свештениците вршат водосвет во домовите на граѓаните во Пијанец

Во духот на христијанската традиција во Делчево со посета на домовите на семејствата, свештениците при црквата Успение на Пресвета Богородица го започнаа велигденскиот водосвет. 

Оваа пракса, како што истакнува протоереј Александар Васев се прави се до Велигденските празници.

-По започнувањето на Велигденските пости во нашиот крај, обичај е да се посетуваат православните домови на граѓаните. Водосветот се врши со светење вода со спомнување на имињата на членовите на семејствата за здравје во домовите. Освен тоа ова е период во кој во првите пет недели од постот, односно секој петок во првите пет седмици се одржува и посебна служба наречена Акатист на Пресвета Богородица, вели Васев.

За време на овие служби, додава делчевскиот протоереј, се врши и петтолебие.

-За петтолебието христијаните подготвуваат пет лепчиња со квасец, но без зејтин, исто така и шише вино, при што на ливче ги запишуваат имињата на семејството и тој чин на средината во црквата се извршува овој чин, додава Васев.

Во периодот на Велигденските пости како што велат од црквата Успение на Пресвета Богородица, освен богослужбите во недела и за празници, богослужби ќе се служат и во среда и петок. Велигденскиот пост трае 40 дена од Прочка до Велигден до кога ќе трае и водосветот во домовите на граѓаните. 

притисни ентер