Што всушност бара БЕСА на Касами?

БЕСА останува на нивните барања во замена на пратеничките гласови за поддршка на уставните измени.

Од партијата велат дека дискутабилно за нив е делот на уставниот закон со кој се регулира државјанството од каде велат дека преводот од македонски на албански има двосмислено објаснување.

За Касами спорно е што со предвиденото во Договорот од Преспа македонско/граѓани на Р. Северна Македонија со албанскиот превод се добива двојно значење и тоа “македонски” но и “македонец”.

Придавката „македонско“ при преводот на албански, има поинакво значење, поради тоа БЕСА предлага амандман. За граѓаните од албанска етничка припадност во државјанствата на македонски јазик да гласи македонско/граѓани на Р. Северна Македонија, на албански јазик да биде eMaqedonise Veriore и на англиски јазик macedonian/citizen of Republic of North Macedonia.

Политичкиот аналитичар Албер Муслиу со барањата на БЕСА вели дека се прави дистинкција на етничките групи, но според него дискутабилен е моментот за решавање на ова прашање.

Вицепремиерот Бујар Османи е оптимист дека договор со БЕСА ќе се постигне.

Но амандманот што го бара Касами би можел да биде неприфатлив за Грција и владата на Ципрас да го отфрли бидејќи таа строго се противи на употребата на зборот “Македонија” без географската придавка “Северна” што е и една од главните точки на Договорот.

Новинар на „Тајмс“: Алонсо не е на потесниот список на замени на Клоп

Продолжуваат шпекулациите околу иднината на тренерот на Баер Леверкузен, Чаби Алонсо. Шпанскиот стручњак најмногу се поврзува со Баерн Минхен и Ливерпул, а конечната одлука на тренерот кој брка тројна круна со „аспирините“ се уште не е позната.

Сагата помеѓу Ливерпул и Чаби Алонсо доби вистински пресврт бидејќи познатиот новинар Пол Џојс, кој е близок до „црвените“ и работи за „Тајмс“, објави дека шпанскиот тренер нема да се најде на потесниот список на замени на Јирген Клоп.

Тоа е многу остар пресврт од првичните гласини кои го поврзуваа Алонсо конкретно со тимот, но според сите сметки тој изгледа малку веројатно да застане на чело на Ливерпул, а сега се очекува Шпанецот да остане во Баер Леверкузен./МИА

Најмалку четири лица загинаа во невремето во Шпанија

Најмалку четири лица се удавија во морето поради големите бранови предизвикани од ураганот Нелсон во Шпанија.

Две лица се удавија вчера во градот Тарагона, источна Шпанија и две во регионот Астурија, во северниот дел на земјата.

Невремето зафати неколку шпански региони, а брзината на ветерот достигна 90 километри на час. /МИА

Изненадување во Мајами: Алкараз елиминиран од Димитров

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели. 

Карлос Алкараз беше јасен фаворит во борбата за овогодинешната Мастерс титула во Мајами, но веќе во четвртфиналето се прости од вториот трофеј на тој АТП турнир од серијата 1.000, бидејќи изминатава вечер немаше решение за ударите на Григор Димитров - 0:2 (2:6, 4:6).

И не само тоа, Шпанецот беше толку слаб што по мечот не се срамеше да признае колку бил во сенка на пониско рангираниот бугарин.

- Повторно ме натера да се чувствувам како да имам 13 години. Не се сеќавам дека некој ме натерал да се чувствувам вака. Помина долго време откако се случи такво нешто. Не знаев што да правам. Барав решенија, но тој не ми дозволуваше. Чувствував неверојатна фрустрација, изјави 20-годишниот Шпанец по неговата изненадувачка елиминација.

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели.

- Генијалноста е често во едноставноста. Знаев дека морам да бидам поагресивен, да ги водам поените. Многу е тешко да се направи тоа против него, изјави пресреќниот, но разумен „џелат“ на шампионот на неодамнешниот Мастерс во Индијан Велс.

Димитров за финалето ќе се бори со Александар Зверев од Германија, додека другата полуфинална двојка ја сочинуваат бранителот на тронот Данил Медведев (Русија) и Јаник Синер (Италија). /MИА

притисни ентер