Судот го одобри обвинението за случајот „Талир"

Во целост е одобрено обвинението за случајот „Талир" од Советот за оценка на обвинителен акт при Одделението за гонење организиран криминал и корупција при скопскиот Кривичен суд.

-Советот за оценка на обвинителен акт при Одделението за гонење организиран криминал и корупција при Основниот суд Скопје 1, постапувајќи по оценка на обвинителен акт на Јавното обвинителство за гонење кривични дела поврзани и кои произлегуваат од незаконското следење на комуникациите во предметот од обвинителството означен како „Талир" за незаконско финансирање на правно лице – политичка партија, по одржана јавна седница во присуство на странките, донесе решение со кое обвинителниот акт го одобри во целост, соопшти Кривичниот суд.

По формирање на кривичен предмет по оценетиот обвинителен акт, истиот согласно АКМИС системот ќе биде распределен на судија за понатамошно постапување, а по закажана главна расправа, како што велат од Судот, странките и јавноста ќе бидат благовремено известени.

-Што се однесува до вториот обвинителен акт за истиот предмет што се однесува на незаконска изградба, истиот веќе е распределен кај судија за оценка на обвинителен акт и по донесено решение, Судот навремено ќе ја информира јавноста, се наведува во соопштението.

Во случајот „Талир" за незаконското финансирање на политичката партија ВМРО-ДПМНЕ обвинети се Никола Груевски, Кирил Божиновски,  Миле Јанакиевски, Илија Димовски, Леко Ристоски и Елизабета Чингаровска.

Специјалното јавно обвинителство на 22 ноември минатата година до скопскиот Кривичен суд поднесе два обвинителни акта како резултат на спроведената истражна постапка во предметот познат во јавноста како „Талир".

Од причини на целисходност ова Јавно обвинителство ја раздвои постапката во предметот „Талир" и поднесе две обвиненија. Едниот обвинителен акт се однесува на незаконско финансирање на правното лице – политичка партија ВМРО-ДПМНЕ, а вториот обвинителен акт се однесува на незаконската изградба на седиштето на политичката партија ВМРО-ДПМНЕ.

Kривичниот совет на Одделението за организиран криминал и корупција при Основниот суд Скопје 1 постапувајќи по предлог на СЈО за „Талир" на 28 ноември 2018 година донесе решение со кое го уважи предлогот и на обвинетиот Никола Груевски кој е во бегство во Унгарија му определи мерка притвор во траење од 30 дена, сметано од денот на неговото пронаоѓање, односно лишување од слобода.

Обвинетата Елизабета Чингаровска од ВМРО-ДПМНЕ ја призна вината во случајот „Талир” и се спогоди со Специјалното јавно обвинителство. Судот ја осуди на двегодишна условна казна која нема да се изврши ако таа во наредните пет години не стори ново кривично дело. 

Заев: Над 200 функционери ќе бидат сменети, процесот ќе заврши на почетокот на јули

Над 200 лица ќе опфати најавената „метла" на премиерот Зоран Заев.

Покрај министрите, за кои веќе утре Собранието треба да ги разреши и да гласа за новите предлози на премиерот, ќе опфати заменици министри, директори на централно ниво, членови на управни одбори, надзорни одбори, директори на локално ниво…

Ова го најави премиерот Зоран Заев, кој оценува дека доволни се промените во министерските места во Владата и дека се продолжува со промените по вертикала, а очекува целиот процес да заврши на почетокот на јули.

– Голем дел од незадоволствоот беше концентрирано кон високи функционери кои ги нарекуваа и локални шерифи. Дел се политички функционери од СДСМ, каде се завршија големи промени, почнувајќи од најниско ниво, односно  претседатели на општинските организации, извршниот одбор, централниот извршен одбор, дел од потпретседателите се нови каде сме во финална фаза, директорските места се тие каде што допираат граѓаните и секако од министерските места и дел од заменичките министерски места, што ќе се случат во периодот што претстои. Јасно ја доловив пораката од граѓаните каде тоа лежи незадоволството и секако дадов шанса на одредени министри кои имаат поголем капацитет и можат да го покажат. Верувам дека успешно го завршуваме тој процес. На самиот крај ќе ги очекуваме и  следните решенија што ќе се случат на директорски места на централно ниво, во делот на управни одбор, надзорни одбори, на подрачните единици, директорски места на локално ниво. Комплетно ќе се работи за севкупна политичка и општествена промена на повеќе од 200 луѓе, рече премиерот.

Иванка Василевска и Мирче Адамчевски во „Само вистина“

Вечерва гости во „Само вистина“ беа Иванка Василевска и Мирче Адамчевски.

Во врска со владината „чистка“, нема втора шанса за прв впечаток, а првиот впечаток кој владата на Заев го покажа овие две години е апсолутно негативен, смета Василевска.
Реконструкцијата не најави ништо значајно и спектакуларно, еве не знам ни дали е добра смената на министерот за финансии Тевдовски бидејќи никој не ја знае причината за тоа, вели Адамчевски.

Договорот со Бугарија беше 90% спакуван од ВМРО-ДПМНЕ но се судривме со националните интереси и не се дозволија никакви отстапки, а за договорот со Грција пречеше содржината на текстот, објаснува Василевска.
Празни се зборовите дека Бугарија може да ни стави вето за во ЕУ, ќе си ја свиткаат опашката и ќе направат така како што ќе им каже САД, дециден е Адамчевски.

Во ситуацијата во која што е не би излегла сега власта да преземе ризик и да излезе на предвремени парламентарни избори на кои сигурно би била поразена, вели Василевска.
Чисти шпекулации беа најавите дека реконструкцијата е некаков предвесник за предвремени избори, ќе се оди директно на редовни, заклучува Адамчевски.

Погледнете ја целосно вечерашната емисија „Само вистина“ овде.

Германија покренаа обвинение против неонацистичка терористичка група

Главното државно обвинителство во Карлсруе денеска потврди покренување на обвинение против осуммина припадници на десничарската терористичка организација ,,Револуција Хемниц” .

Tие се обвинети за обид за урривањер на уставниот поредок на Германија. Конкретно , осуммината се обвинети сдека среде немирите во источногерманскиот град Хемниц , каде демонстрираа илјадници против мигрантите , кои убија маж на прослава, тие повикувале на воспоставување нов поредок во Германија.

Обвинетите повикувале преку комуникациската група Телеграм на формирање нов поредок со крајно десничарска идеологија. Од почетокот на октомври обвинетите се во притвор , а мнеѓу нив се лидерите на крајно десничарската групација од овој град.

До сега истрагата не утврди како и зошто беше убиен Германецот , кој наводно минатата година на прослава на денот на градот бил избоден со нож од страна на група мигранти од Ирак и Сирија.

притисни ентер